WA TIMOTEU 2
2
1Ngunashinjila kashika, kuhiana yeswe, akaliumbe, akalembe, akahakwile, akasakwile hali atu eswe: 2hali mianangana ni hali waze eswe ali mu yitwamo ya ulemu; hanga tukatwame nikuhwima ni sambukila, ni uwayilo weswe, kukushi lwelia. 3Mumu chino chinawaha, chinapemena chikolo kuli Zambi Chilamwina chetu, 4yoze unazange atu eswe kulilamwina, akahete ku chinyingi cha umwenemwene. 5Mumu kwali Zambi umuwika, ni chitakanyishi umuwika hakachi ka Zambi ni atu, iye mwe mutu Kristu Yesu, 6yoze waliechele ndando ya ukule hali eswe; Shindakenyo yawo akayambujole ha mwaka uze unalite. 7Ha chuma chino hanangusela mukwa kwambujola ni postolo (ngunahanjika umwenemwene, chahanjikile mahuza), nguli longeshi ya akwa mavungu mu Ufulielo ni umwenemwene.
8Ngunazange malunga akalembe kweswako, nikuzundula moko asandu, keshi utenu hanji kuyambashana. 9Chizechene nawa, mapwo aliwahise ni mazalo aze analite, ni kuhomboka ku meso ni mana; hi ni kuyinda cha kambu ko, hanji oru, hanji kakanga, hanji mahina ja ndando yikalu; 10alioze aliwahise ni yitanga yipema ngwe chinatambe mapwo akutayiza uwayilo wa Zambi. 11Pwo akalilongese nikuhola ni kuzeyela cheswe. 12Alioze chishi kutayiza pwo kulongesa, chipwe kuyula mwe lunga, alioze akahole. 13Mumu ahangile kutanga Alama, kulutwe atangile Eva; 14ni Alama kongolokele, alioze pwo se ongolokele walimbukile mu Utanguko. 15Alioze kumamulamwina ha kusema ana, kachi manyongonona mu Ufulielo, ni zango, ni usandu, hamwe ni mana.
Currently Selected:
WA TIMOTEU 2: Csa
Highlight
Copy
Compare
Share
Want to have your highlights saved across all your devices? Sign up or sign in
Chokwe Bible © Bible Society in Angola, 1975.
