A-TESALONIKA 3
3
1Kashika muze kutwahashile kulihumikiza nawa, twashinginyekene chipema atuhichike kunyima ku Atene ukawetu. 2Twatumine Timoteu, ndumbwetu, kanda kavumbi ka Zambi mu sango lipema lia Kristu, mukunutakamisa, nikunulembejeka ha kutwala ku Ufulielo wenu; 3kuchina amwe makokoloka mu luyinda yono, mumu nunanyingika yenwene hanatusela ku chino. 4Mumu chikwo nawa, muze twapwile hamwe ni yenu, twanwambulwilile Shimbu-kanda ngwetu, Mutukapwa mu luyinda; chizechene ngwe wejile ni yenu nunanyingika. 5Ha chikuma chino ni yami nawa se Chahashile kulihumikiza nawa, natumine hanga ngukanyingike Ufulielo wenu, kuchina hanji mukwa kuzeza hanweseka kulu, kukilikita chetu chikapwe chamokomoko.
6Alioze muze te Timoteu heza kuli yetu ha kukatuka kuli yenu, hatwambulwila sango lipema lia Ufulielo wenu ni zango lienu, ngwe nwakutwiwuluka ni vumbi matangwa eswe, nikwivwa usona wa kutumona, chizechene ngwe yetu nawa twakwivwa usona kunumona. 7Ha chikuma chino, mandumbu, hanatulembejeka hali yenu mu huli lietu lieswe ni luyinda ku Ufulielo wenu: 8mumu haliapwila mutupwa ni mwono, kachi yenu munumana ngú muli Mwene. 9Mumu kusakwila chika mutuhasa kulambula cheka nawa kuli Zambi hali yenu, ha uwahililo weswe uze twakuwahilila nawo mumu hali yenu kumeso ja Zambi yetu; 10ufuku ni mwalwa, ni kuliumba chikolo, hanga tukamone meso jenu, hanga tukapwise chingunu chize chinahono ku Ufulielo wenu?
11Haliapwila Zambi kanda Tata yetu, iye mwene ni Mwene wetu Yesu, akatondekeze jila yetu kuli yenu. 12Ni Mwene akanuwezele zango lia kulumbama umwe kuli mukwo, ni kuli atu eswe, chizechene ngwe yetu twakulinga kuli yenu; 13hanga akatakamise mbunge jenu kujishi chitela, jisandu kumeso ja Zambi kanda Tata yetu, ha kuheta cha Mwene wetu hamwe ni asandu jenyi eswe.
Currently Selected:
A-TESALONIKA 3: Csa
Highlight
Copy
Compare
Share
Want to have your highlights saved across all your devices? Sign up or sign in
Chokwe Bible © Bible Society in Angola, 1975.
