Hebru 6
6
Mbue bieni sal monen.
1Iou de bosoui longu ber lang dege mu gin hirong i goru bui, iou ha leng boharni le ndro mu longu hendre e hendre houen. Iou mbueren vong le ndro mu longu le belueni bern sagen, le ibdi bern houen, longu le bo mburer hian, de longu le boro ndoui ad Jehova. 2Io mbueren henunuen mu bersilie nongen le surhi su le ndran, longu le daui nemen gle borbalsu, longu ber gor lundielang, ma longu ber moan manden. 3Ehe, iou leng boharni le ndro mu longu hendre e hendre houen, be Jehova i sobani du. 4Be su holel sul ber lang gin hinganen le bergolsu, be su gin ien gan ber lang, be su gin ibdi Meluan Helian le bergolsu. 5Be nongen ad Jehova hian gina le bergolsu, ndoui ad Jehova ber lang le meluasu, 6muren su gbieni Jehova, su hangaini i, de dansu belueni bern asu bersilie bui. Su gin dadhe Ndur Jehova bersilie, su gin rodi i lie. 7Be beleng hasel gin ien lengen ber lang bersi e bersilie, su daui gan la, sengen asu ndramed na gmeher, dege Jehova i hengen le ndro su. 8Be barvas e lomondriu molhege i reg le beleng, i momen ge i lugdo molhege, su de mugueni i bui, moan i dilmui barvas e lomondriu.
9Mu ndere hian, dandu i, mu dege ogoro bui. 10Dandu i, Jehova de hanguruen momen le ademu bui, goln gin dud mburer ademu ma golnisden ademu bugane, i hanguruen mburer ademu masi le ndro su lao aden helian, mu da gin hinen i le ngarn aden goru dagara malabo lie. 11Iou ha lengi, homo ma homo i gob mburer malabo dege i gin hinen i goru, i gboro ndoui ad Jehova sidegesi. 12Debosan mandrmu i berad, io ha lengi, mu ndrbon sal asu, su da gin boro ndoui ad Ndorlaben, su da gin belengeni memrad ber lang, su gin ibdi i le gor lundielang. 13Be Jehova gin vong le ndro Abraham, i beg hengen le ndro i, i gin daui nemen le belengan, 14i gin bai: Ndangen io beg hengen le ndro uo gle bulhe su ndurm mabosanged ge. 15Abraham gin hirong nongen ogo, ir belengeni Jehova, boen i gin ibdi i. 16Su ndramed ber boan, be su daui nemesu le belengan, su vong ndangen beld, de ndangen Jehova, de ndangen le belengan, su ha leng vong le ndro su ndramed, nongen asu i ndangen ge. 17Jehova be i gin vong le aden le longu hendre e hendre ber lang i beg vong, nongen aden i ndangen, i gin daui nemen le belengan. 18Maberuo Jehova gin vong leri, dandu i de bahilou le nongen aden bugane, i ha leng sobani du, iou ghilou le ndro i ge, iou gboro ndoui aden ge. Iou ha belengern i. 19Longu ber lang, iou ha belengen i, iou ghanguruen leri sidesi, aga i dege anker, homo i bieni i le ndas, debosan ndol na ge lol. Iou boro longu hian ber lang ir belengen du le gor lundielang. 20Jesu i gina le gor lundielang, i hanu le asu lao aden masigane, i Ndurhian asu Prister, bern aden i bern Melgisedek sidegesi.
Currently Selected:
Hebru 6: LLENT
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society 1956
