Hebru 3
3
1Mu ndere helian, Ndorlaben gin loh mu, mu ber gor lundielang, hian e lele, ghanguruen i ge, Jehova gin rendegien i aga Ndurhian asu Prister ndangen, iou aden ge, iou ad Jesu ge. 2I da gin hinen mburer aden monen gane. Mburer ad Jehova ge dege Mose gin hinen i, mburer aden hian gane le um ad Jehova. 3I ogo, i manden hanu le ad Mose, i Ndorlaben ber um ad Jehova, i hanu le asu masigane, su da le um aden. 4Su ha mengseni um hom e hom, i ge i da gin mengseni i longu masigane, aga Jehova ge. 5Ndangen Mose i gin hinen mburer aden monen ge le um ad Jehova gane, i hom lao dandendegei aden ge. I gin boharni longu masigane, Jehova ha lengi, su ndramed ghanguruen gleri. 6Kristo i lao dandendegei aden bui, i Ndurn, i gin bo mburer ad Ndur Jehova le um aden. Um aden aga bergoldu, be iou ha belengeni aden, be iou boro ndoui aden sidegesi.
Mbue bieni Kristo.
7Nongen ad Meluan Helian gin meher ndro du: Eruar, be mu hirong ngasen aden, 8mbue ir ndounen bergolmu, dege su gin hinen i le marboga be su gin seslaini io. 9Be su damen ademu gin seslaini io, io da gin sobani su le Kristmas mahangul, be su gin ilndri gelman ordo, io da gin hinen le ndro su. 10Be io gin ilndri su dege ogoro, ndrno i mah le asu, io gin vong, io gin bai: Sidegesi su irgai momen, su hanguruen momen le bergolsu. De dansu sal ordo bui. 11Ndrno i gus le asu, io gin daui nemo le belengan, io gin bai: De dansu danoni logna hengang asu bugane ge. 12Mu ndere hian, ghanguruen i, orgulue meluamu, debosan homo de homo i bieni Jehova, i da mamaren ge, debosan bergoln ad homo de ad homo i momen ge. 13Homo i henunuen homo, homo i soling ndro homo le rang ademu, i bieni longu aden momen, debosan bergoln gina ndoun ndoun le longu momen aden. 14Iou ad Kristo ge, be iou gin boro ndoui aden, be iou da baghege ndro i sidegesi. 15Be Ndorlaben i vong: Eruar, be mu hirong ngasen aden, mbue ir ndounen bergolmu, dege su gin hinen i goru, 16su sie, su da gin hirong ngasen aden, bergolsu gina ndoun ndoun ge? Su ge, de bui, Mose gin dulieni su le gor Egipten lendi? 17Su sie, Jehova ndrnen gin mah le asu le Kristmas mahangul ie? Su ge, su da gin bo longu momen le marboga, boen su ginmad. 18Su sie, Jehova gin daui nemen le belengan le bormarsu, i gin bai, de dansu danoni logna hengang asu bui? Su ge, su de delengan le nongen aden bui. 19Malabo dandu, su de gin danoni logna hengang asu bui, bergolsu ndoun ndoun.
Currently Selected:
Hebru 3: LLENT
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society 1956
