Galatia 4
4
Le mburer ad Jesu su dege mbunana ad Jehova.
1Io boi le ndro mu: Ar ndurn i hom mbunana ge, ndangen i dege hom lao ad damen. Ehe, memrad masi ad damen, aden ge. 2Su loun su bogulue memrad aden ge dege damen gin loh su. 3Iou dagara lie: Iou dege su mbunana dansu heb longu hian masou. Iou gin hanguruen longu ber lang heb hian bui. 4Rang i gin meher, Jehova gin rendegien Ndurn, i gin meher le ndrnen ad hom bihin, i gin ibdi bern asu ndramed ber boan. 5Nongen ad Mose gina ndro i lie, i ha leng rumburdi su, nongen ad Mose gin ndounen su, beg hinen du ndur ad Jehova. 6Malabo iou mbunana ad Jehova, Jehova gin daui Meluan ad Ndurn le bergoldu, i da loh, i bai: Aba, Bo Domo goloisden uo. 7Uo hom lao dandendegei bugane, malabo uo hom ndurn. Ar uo hom ndurn ad Jehova, uo ibdi memrad aden bersi muren.
Paulus i reng, su Galatia los le bern ber goru.
8Goru de danmu Jehova masou, mu gin dohor le ndro su beld ge, su dege Jehova bui. 9Malabo danmu Jehova, ehe, Jehova i danen mu, desa mu hanguruen longu hendre e hendre ber goru? Mu ha somui be longu hendre e hendre ir ndounen mu bersilie? 10Mu hanguruen rang e vara e uru. 11Io ha noh, io gin bo mburer le ndro mu dahed. 12Io ha lengi i, mu dege io, malabo io dege mu mahanu, mu ndere hian io ha soling ndro mu dege ogoro. Mu de gin bo momen me ndro io bui. 13Danmu, be io gin meher ndro mu goru, io gin boharni le ndro mu longu ber lang, io heb ndoa bui, mondro gina sik. Mu ge, mu de gin bieni io bui, ar mu gin ilndri, io gina momen le sik ordo, mu de gin hangaini io bui. 14Ar mu gin ilndri io heb ndoa bui, mu gin ha somui ordo, dege le ad hom Angelo ad Jehova. Mu gin bo mburer me ndro io, dege le ndro Jesu Kristo ndangen. 15Mugmug ademu ber goru gina oho? Io dono vong le ademu, mu beg ede bergarmu giao beg hengeni me ndro io, be io ha leng ndemani mu gleri, golmuisden io dagara goru. 16Io hi derbe malabo, io ndremda rah ademu ie? Io hanguruen momen le ademu? Be io gin bosoui le ndro uo longu masi monen ndangen? 17Su de hanguruen heb monen bui le bergolsu, su da beg rui mu dagara, su ha lengi i, mu gbieni io, mu robuldi io, su ha lengi mu gabmugueni su ge. 18Aga i hian be su mugueni mu le longu hian sidesi, mbue i dagara ge be io da ndro mu. 19Mu nduro goloisden mu, ngendian ordo dsoln, dege ngendian ad hom bihin i gini ndurn, mabenan mu gin ibdi bern ad Kristo. 20Io ha lengi io da le molengamu malabo, io ha lengi, io vong hian ge le ndro mu. Io de dono malabo bui, io vong sa le ndro mu. 21Hian, absou me ndro io mu da hanguruen nongen ad Mose, voamuiso gleri: De danmu nongen ad Mose masou? 22Homo gin hondre goru: Ndurgamel ad Abraham marmou, homo ad bihilou aden, homo ad labihin. 23Ndurn ad bihilou i ndurn le sengen aden ge, ndur ad labihin i ndurn gle bohon ad Jehova, i gin vong le ndro i, i gin bai: i ha leng hengen le ndro i. 24Aga heb longu dohongein ge. Sor bihin marmou aga i vonei nongen marnder ad Jehova, nongen hendre ber bahali Sinai. I da ndounen su ndramed, aga i vonei Hagar. 25Su ber Arabia su bosoui bahali Sinai ngarn Hagar, aga i dege Jerusalem ber range. Su ndramed ber Jerusalem ma su ndurn su lao dandendegei asu ndorlaben. 26Jerusalem ber belengan, i dege bihilou bui, i dege labihin ge, Jerusalem ber belengan aga nanen adu. 27Dege homo gin hondre goru: Ha mugmug ge, ndurm bui, ha mugmug ge, uo nanen ad hom ndurn bugane. Ha mugmug ge ha ngei, uo de danem heb ngendian le ndurn bui, bihin molhege, ndurn aden bui, malabo su ndurn mabosanged su da ndro i. Su mabosanged hanu le ad bihin nambulen i da ndro i. 28Mu ndere hian, mu dege Isaak, mu ndurn gle nongen ad Jehova ge. 29Goru ndur ber sengen ad Abraham i bo iil le ndro ndur Abraham, i da gin meher le nongen ad Jehova malabo dagara lie. 30Nongen ad Jehova i bode sa? E bieni ndur ad bihilou, ndurn ad bihilou i de ibdi memrad ad ndur labihin bugane. 31Mu ndere hian, iou ndur ad bihilou bui, iou ndur ad labihin ge.
Currently Selected:
Galatia 4: LLENT
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society 1956
