Evesus 6
6
1Mu mbunana delengamu le nongen ad damen e nanen le ngarn ad Ndorlaben, aga i hian monen ge. 2Orgulue dam, orgulue nanem, aga nongen ad Jehova, i ha mugueni su, i bai: 3Muren uo do da hian ge le gor adem sidesi. 4Mu damen, mbue hinen i, su ndurn ademu ndrnesu i mah le ademu. Ghenunuen su le bern hian monen ge dulieni su le sal ad Ndorlaben. 5Mu lao dandendegei delengamu le nongen asu ndorlaben ademu ber boan, ha noh, ha rer. Delengamu le nongen asu dege mu ghinen i le ndro Ndorlaben Kristo. 6Mbue mugueni su gle molhe, gob mburer ademu monen ge, dege su lao dandendegei ad Kristo, voasuiso mburer ad Jehova le bergolsu gane. 7Gob mburer ademu monen, mbue bangondrngondr, gob mburer ademu le ndro Ndorlaben, le ndro hom ndramed bui. 8Danmu, homo ma homo i da bo mburer aden hian, surien hian ad Ndorlaben irbelengen i hom lao dandendegei, de hom labenen. 9Mu labenen, ghanguruen monen le asu lao dandendegei, mbue boii su, mbue ndoun le ndro su. Ndorlaben ademu i da le gor lundielang, i Ndorlaben asu lie, i de hanguruen mandrn ad hom ndramed bui, i hom labenen de i hom lao. 10Heb longu lie: Hian, mu ndoa gle ndoui ad Ndorlaben, gle ndoui aden mandromai, i da ndro Kristo. 11Ibdi mordo ber bahun, mordo ad Jehova, mu gob iil le ndro beld Satan. Mu ndoa le ndro i. 12Iou da bo iil le ndro su ndramed ber sengen e ndrai bui, iou bo iil le ndro su ndorlaben asu meluasu ndramed, le ndro ndorlaben ber gor boan, le ndro ndorlaben ber gor ndrogmoan, ma le ndro su beld, su da hilou le horo ma le horo. 13Hian, mu ibdi mordo ber bahun ad Jehova ge, muren mu ndoa le rang momen, danmu bo iil monen ge, danmu rii beld Satan, i ghilou i vob. 14Ndogro ademu aga i vonei nongen ademu monen ndangen. Salo ademu aga: Mu na ge monen gle mburer ad Kristo. 15Hedi sumianegen gle ndegemu, aga i vonei ghilou gle nongen ad Jehova, boharni le ndro su longu ber lang, nongen le benu. 16Sidesi hedi sild aga i vonei: E boro ndoui ad Kristo boen mu ndoa le vob le gagou ad beld Satan, be i bo iil le ndro mu. 17Hedi hat, aga ndoui ad Ndorlaben, ir bogulue hanguruen ademu, hedi mordo borla aga meluan, aga nongen ad Jehova ge. 18Bo raring le ndro Ndorlaben sidegesi, bo raring le ndro i gle meluamu, gle bohomu lie. Ha soling le ndro i, le longu hendre e hendre, hian mu mamed ge, orgulue meluamu ha raring, ghanguruen le raring ademu su lao helian masi. 19Ghanguruen io lie, Ndorlaben i ghengen me ndro io, io dono bosoui le ndro su long hian ber lang, io de noh hebsa bui. 20E ndemani Ndorlaben, i osbani io, io da le kalabus, i ghengen me ndro io, io gobharni le ndro su longu le Jesu, io de noh hebsa bui.
21Tigigus, ndere ordo i hom lao dandendegei ad Ndorlaben hian ge, i absou le ndro mu longu hendre e hendre i da gin meher ndro io. 22Io rendegien i le ndro mu, i absou le ndro mu longu masi, i da gin meher ndro du, i osbani mu gle ndoui ber lang. 23Mandri ad Jehova i damen adu, ma ad Ndorlaben Jesu Kristo, i da ge ndro mu, dagara golnisden aden ma ndoui aden ber lang. 24Golnisden aden i da ge ndro mu masi, golmuisden Ndorlaben adu Jesu Kristo, gle monen sidesi.
Currently Selected:
Evesus 6: LLENT
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society 1956
