Tesalonik II 1
1
Heb nongen hanu.
1Iou Paulus, Silvanus e Timoteus, iou beani nongen hian le ndro su lao ad Jesu ber Tesalonik, le ngarn ad Jehova i Damen adu, ma le ngarn ad Ndorlaben Jesu Kristo. 2Golnisden aden i da ge ndro mu, dagara mandri ad Jehova i Damen adu, ma ad Ndorlaben Jesu Kristo.
Paulus i bamugueni Jehova le longu hian i gmenda le molengasu Tesalonik.
3Mu ndere hian, sidesi iou bamugueni Jehova, be iou hanguruen mu. Aga i hian monen ge. Ndoui ademu i reg hian ge, dagara golnisden ademu le ndro su ndern i reg hian le bergoln ad homo ma homo. 4Iou bamugueni mu le bormarsu lao ad Jehova ber horo ma ber horo, be iou hanguruen mu ndoa ge gle ndoui ad Ndorlaben, mu ndoa ge le rang ademu momen be ngendian ademu dsoln. 5Aga longu hendre ber gord ad Jehova: I ghinen mu monen, mu ndoa le ngendian ad Jesu Kristo. Jehova i hanguruen, mu da vonei le ngendian aden. 6Jehova i monen ge le hanguruen aden. I surien longu asu ndremda rah gle momen ge. 7I ha surien mu, mu da gin ibdi ngendian asu lao ad Jehova gle hian ge. Ehe, mu la born ndro du masi le longu ogo. Bersi muren, ar Ndorlaben Jesu i gbieni gor lundielang, i gmeher le boan, su Angelo aden su la born ndro i. 8I meher le moan manden, i surien longu asu, su da gin bieni Jehova. I surien longu asu momen, su gin hangaini Ndorlaben Jesu, de delengasu le nongen aden bui. 9Ndangen su gorbo, su gina momen ge, su na glos, su da manan ge le bormarn ad Ndorlaben, su da manan ge le engerang aden, le ndoui aden. 10Be i gmeher le rang aden, be i daui engerang aden le ndro su lao aden Helian, be i henunuen su masi, su da gin boro ndoui aden le longu aden ndoun ndoun ber lang. Mu ge, mu gin ha somui le nongen adu ge. 11Be io hanguruen longu ogo, iou hanguruen mu sidesi le raring adu, iou ndemani Jehova, i ghengen le ndro mu, danmu dogi monen ge, danmu boro ndoui aden ber lang gle hian ge. 12I hinen ngarn ad Ndorlaben Jesu Kristo le bergolmu manden ge, i bosilieni le ndro mu engerngarn aden. Aga i hinen i le golnisden ad Jehova, Ndorlaben adu, le ngarn ad Ndorlaben Jesu Kristo.
Currently Selected:
Tesalonik II 1: LLENT
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society 1956