Korint II 9
9
1Io mbuere hondre longu hendre e hendre gle memrad, mu da beg daui me goure le ndro su lao ad Jesu ber Jerusalem. Aga danmu: 2Io dono hanguruen ademu hian, ma golnisden ademu io da gin bosoui le ndro su ber Masedonia, io gin bamugueni mu, io gin bai le ndro su, su ber Grek su gin hinen mburer le moni asu boen, le year i da gineao, su gin hinen i roud, be su gin hirong, mu da gin doui me goure moni lie. 3Io gin rendegien su ndere le ndro mu, io ha lengi i, nongen adu iou gin bosoui le ademu na gmonen ge. Longu na gmeher dege io gin bai le ademu. 4Io mbuere be su ber Masedonia su la born ndro io, su gilndri, mburer ademu i de bomud masou, boen bombulo, de bombulmu i gmesi gleri. 5Be io gin hanguruen longu ogoro, io gin ndemani su ndere, su al hanu le sal, su ghinen heb mburer ogo gbomud. Debosan homo i boii mu: Meruamu dsoln.
6Io hanguruen dege ogoro: Ar homo i daui dsoln le beleng aden, boen i danen huri gan anen dsoln. Ar homo i de daui heb gan dsoln bui le beleng aden, i de huri heb dsoln bugane. 7Homo ma homo i hengen dege i hanguruen le bergoln i gmonen. Mbue hengen, be ndrnem i irgu leri. Jehova golnisden homo, i da hengen le ndro i, ma i mugmug leri. 8Jehova i ndoa le hengen le ndro mu memrad ber golnisden aden bulhe, memrad ademu dsoln ge, danmu hengen le ndro su gle memrad ademu, 9dege homo gin hondre: I gin hengen le ndro su dsoln, i gin hengen le ndro su, heb memrad asu bui, golnisden aden i do da sidegesi. 10I ge, i da hengen le ndro ndremda beleng gorn, e gan anen, i ghengen le ndro mu le gan dagara lie, ma memrad ademu hian ge ber lang i greg i la dsoln. 11Ndangen memrad ademu mabosanged ge i vonei le hengen le ndro su dagara lie. Dansu mugueni Jehova gleri. 12Be mu gin sobani su le golnisden ademu dagara, aga i hian le ndro su lao helian ber Jerusalem, le ndro su ge? Bui, aga i hian le ndro mu dagara lie, be su lao helian su bamugueni Jehova gle bern ademu hian, ma raring asu i iao le belengan dege gusmoan le mugueni Ndorlaben Jehova. 13Be su ilndri, mu ndoa le mburer ad Jehova danmu golnisden su, delengamu le nongen ad Kristo sidesi, golmuisden su ge, ma su masi le rang asu momen. 14-15Boen su soling ndro Jehova, i hengen le ndro mu, bergolsu gunuen hi bui, su beg ilndri mu, golnisden ad Jehova i da gin meher ndro mu, i gin hengen le ndro mu bulhe. Iou bamugueni Jehova gle memrad aden hian manden.
Currently Selected:
Korint II 9: LLENT
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society 1956
