Timoteus I 5
5
Nongen le asu hian, asu ulhou ma asu bihinou.
1Mbue habai hom gamel i da hian ge, vong le ndro i, dege uo ha leng vong le ndro Damem. Su ulhou, hian ghanguruen su, su dege nderm, 2su labihin su dege su nanem, su ndurbihin su dege su bisom, ghanguruen monen le bergolm. 3Gabmugueni su bihinou, su loun de hanguruen su bui. 4Ar bihinou homo ndurn, de ndurnmengul i da le um aden, su ghanguruen hibinou ogo, su osbani i le gan ansu, golsugisden i, e hanguruen hian le aden. Aga Jehova ha lengi. 5Hom bihinou ndangen, loun aden bui, i hanguruen Jehova ge le bergoln, i gob lodu le ndro i, i ha soling ndro i lobing e lorang. 6Ar homo asu bihinou ghanguruen longu ber sengen aden, i gina momen ge. 7Absou le ndro su longu ogoro, io ha lengi su gdogi monen ge. 8Ar homo de hanguruen su loan aden, de su ber um aden bui, i hangaini Jehova, io hanguruen, i dege homo asu Haiden. 9E hondre ngarn ad hom bihinou le buk asu bihinou roud bui. Hondre ngarn aden, be uru aden i manonungul, be i nambulen ad hom gamel ge goru. 10Be i gin bo mburer hian, monen ge be i gin henunuen su ndurn aden gle hian ge, be i gin ha somui su ber gor manan, be i gin surhi ndegesu lao helian ad Ndorlaben, be i gin sobani su, rang momen i da ndro su, be i gin hinen longu hendre e hendre hian ge. 11Su bihinou uru asu heb dsoln bui, mbue hondre ngarsu le buk adem. Su hanguruen ge sengen asu, su hangaini Kristo, su ha leng ibdi hom gamel le nambulsu lie. 12Su de hanguruen nambulen i da ginmad bui. 13Heb mburer monen i da ndro su bui, su hilou le um hom ma le um hom, su absou nongen dsoln, nongen i da heb monen bui. 14Io ha lengi, su bihinou uru asu mabosanged masou, su gibdi hom gamel le nambulen lie, su gini ndurn, su gob mburer le gan ansu, debosan Satan i seslaini su, su ndramed su ha vong momen le asu. 15Su holel asu su gin bieni sal hian monen ge, su ndrbon sal ad Satan. 16Be hom bihin i Kristen, bihinou holel i da le um aden, hian i ghanguruen bihinou ogo le gan anen, su ber lodu su ghanguruen su bihinou ge, loun asu bui.
17Gabmugueni su labenen ber lodu, su da gin hinen mburer asu monen ge. Gabmugueni su ndramed hernou, ma su da gin henunuen mu. 18Nongen Helian i vong, i bai: Mbue hosi bohon ad bulmagou, i da gin bo mburer le gan anem. Homo i da bo mburer, mburer aden i vonei le gan anen, hian hengen i. 19Mbue ha somui, be homo beg bo gord le ndro hom labenen ber lodu. Gob gord le ndro i, be sor marmou, de su madilmou dansu boharni le longu aden. 20Su ge, su da gin hinen heb longu momen, absoui le ndro su le bormarsu masi, su masi su hirong i, su ha noh longu momen. 21Io vong le ndro uo le bormarn ad Jehova, ma le bormarn ad Ndorlaben Jesu Kristo, le bormarsu Angelo masigane ghanguruen nongen ogo, longu hendre e hendre io da gin hondre, mbue hanguruen heb memrad asu, su beg hengen le ndro uo. Gob gord adem monen gane. 22Mbue daui nemem le borbalsu roud, debosan uo ha somui le longu asu momen. Orgulue meluam na ge rosan. 23Mbue ilmui ndran molhege, gilmui heb ndrunvain, ndrnem i de horuan bui, heb iab i do dari. 24Longu momen asu ndramed holel dandu lele roud, asu holel su mbsig muren. 25Dagara longu hian ge dandu lele, longu hian asu holel roud, asu holel i mbsig bersi muren. Homo de danen gorni longu aden hian bui.
Currently Selected:
Timoteus I 5: LLENT
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society 1956
