Timoteus I 2
2
Paulus henunuen su Kristen le raring.
1Io ha lengi, uo gob lodu monen ge, uo ha soling, uo gabmugueni Ndorlaben, uo ndemani i, i osbani su ndramed masigane, 2i hanguruen su King ber boan, ma su Ndorlaben ber gor masi, boen iou do da hian ge le gor adu. 3Aga i hian ge, aga Jehova ha lengi i, Ndorlaben adu i da rumburdi du. 4I ha leng sobani su masigane, i ha lengi su masi dansu longu ber lang hian ge. 5I Ndorlaben Jehova homo ge, ma Jesu Kristo Ndurndramed homo i da regunha su ndramed le ndro Jehova. 6I gin daui mandrn e ndrai aden aga le surian. I ha lengi, nongen le mburer aden i ghilou le gor masi. 7I gin loh io, io bohernou nongen ogo le ndro su, i gin loh io, io hom Apostel aden, nongen ordo i ndangen, io de bahilou bui, i gin loh io, io ghenunuen su Haiden le longu ber lang, le longu ad Jehova ndangen.
Bern asu gamel ma bihin be su bo lodu.
8Io ha lengi i, be su gamel su me goure, su beg lodu, su daui nemen helian rosan gle belengan gle ndro Jehova. Heb gus asu bui, heb iil asu bugane. 9Io ha lengi i su bihin, su daui salo asu hian ge, mbue su nouni mandrsu gle memrad de gle lomon asu de gle salo asu hian ge. 10Nounou asu aga bern asu hian ge, voasuiso Jehova ge, su ha dogi monen ge. 11Hom bihin i delengan le nongen ber lodu i ha somui ri be su beg henunuen i. 12Io mbuere hom bihin i henunuen su le numo hernou, io mbueren hom bihin i henunuen su gamel, bugane su da ge monen simge. 13-14Jehova gin mengseni hanu Adam, boen i gin mengseni Eva, Satan gin seslaini Eve, i gin los hanu, boen Adam gin los. 15Ndorlaben i bolumia bihin, be i da gini ndurn, be i boro ndoui ad Ndorlaben, be i ibdi golnisden aden, be i da ge ndro Jesu sidesi.
Currently Selected:
Timoteus I 2: LLENT
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society 1956
