Johanes I 1
1
Heb nongen hanu.
1Iou bohernou le ndro mu longu ber nandugian nandugian, le longu iou gin hirong i, begmardu gin ilndri i, iou gin lele longu ogoro, iou gin boro i le nemedu: Aga nongen ber lang, i da mamaren ge. 2Nongen ogo i da mamaren gin mbsig me ndro du, iou gin ilndri i, iou boharni, iou bohernou le ndro mu le longu ogoro, i da hinen su ndramed mamaren sidegesi. Goru i da baghege ndro Damen, i ogo gin boharni i me ndro du. 3Ehe, longu iou da gin ilndri, nongen iou da gin hirong i iou bohernou le ndro mu, muren mu da ge ndro du, mu la born ndro du le hanguruen nongen ogo. Damen i da baghege ndro du lie ma Ndurn Jesu Kristo. 4Iou hondre heb nongen ogo le ndro mu, iou ha lengi, mu ha manden monen ge.
Su da baghege ndro Jehova, su somui le longu ber ndrogum bui.
5Aga heb nongen iou gin hirong le bohon aden, iou da bohernou le ndro mu: Jehova aga i rang, heb ndrogmoan i da ndro i bui. 6Be iou ha vong, iou da baghege ndro i, hendre ge, be iou ha dogi le ndrogmoan, iou bahilou ge, iou de bo mburer hian monen bugane. 7Be iou ha dogi le rang, dege i ha dogi le sul ber lang, i da ge ndro du, iou da ge ndro i, ndrai ad Ndurn Jesu i surhi bergoldu gle longu masi momen. 8Be iou ha vong: Heb longu momen i da ndro du bui, iou bahilou gle meluadu, heb longu monen i da le bergoldu bui. 9Ar iou boharni longu adu momen, i hanguruen hian me ndro du, i na ge monen gme ndro du, i esbui longu adu momen giao, i surhi meluadu gle rosan ge. 10Be iou ha vong, iou de gin bo longu momen bui, io hinen Ndorlaben adu gle hom ndremda bahilou, nongen aden i da le bergoldu bui.
Currently Selected:
Johanes I 1: LLENT
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society 1956
