তীতনা 3
3
নাম্মাখো দাকনা গি·য়েতা
1ইসলনি মান্দিরাংখো গিসিক রা·এতবো জেদাক্কে বিসং শাসন দাকগিবা আরো জেরাংনি জাক্কো বিল দংআ বিসংনি নিং·আও দংআ, বাম্মে দংআ আরো মান্দিরাংনা গিম্মিক গিত্তা দাকচাকনা থারিয়ে দংসোআ। 2বিসং দারাংখো জিজাখানা বা নিরিজাখানা, বাত্তেসা বিসং জেদাক্কে সনথল গিসিকনি হং·আ আরো গিম্মিকমুং রিন্নকে জাকখালা।
3চিংআবা স্খাংদে গিসিক সেং·আগ্রি আরো বামগিজাগিবা হং·আমিং, ব্রাংগিবা রামাও রি·নুয়ামিং, আরো নাম্মাখো চাকনুয়ামিং আরো বাং·আ হা·সিকারাংনি নকখল দংআমিং। চিংআ গিপ্পিনরাংখো মিকনেংনুয়ামিং নাংএগিজা সক্কেগিজা আরো নামগিজাখো দাকনা চানচিয়ে জাংগি মিৎথাংনুয়ামিং। আন·থাংসং মিৎচিনা খ্রাগিবা হং·ওবা চিংআ সাকসা সাকগিপ্পিনখো মিৎচিনুয়ামিং। 4ইন্দিবা জেনসালো আনচিংখো জক্কেৎগিবা ইসলনি খা·সাচাক্কা আরো খা·সা ফারাকজক উনো বিয়া পাপওনি আনচিংখো জক্কেৎজক। 5মামুং নাম্মা কামনা বিয়া আনচিংখো জক্কেৎজা, বিনি খা·সাচাক্কানি গিম্মিনান উখো দাকজক। গিসিক রংথালগিবাচা গিত্তাল দাক্কে আৎচিয়েতে আরো গিত্তাল দাক্কে থারিয়ে বিয়া আনচিংনি খা·থংখো সু·গালে চি·রংএতজক, আরো ইন্দাকেন বিয়া আনচিংখো জক্কেৎজক। 6আনচিংখো জক্কেৎগিবা যীশু খ্রীষ্টচা বিয়া জাকস্রামে গিসিক রংথালগিবাখো আনচিংনা রন·জক, 7জেদাক্কে আনচিং ফাংনাজলনি জাংগিনি খা·দংআখো মা·ন্নে ইসলনি গিম্মিকখো মান·রিকগিবা হং·আ। ইন্দাকে হং·না মান·জক, মুয়ানা ইসলনি খা·সাচাক্কাচা আনচিংখো দোসগ্রি দাক্কে রা·চাকজক। 8ইয়া খাৎথা বিবিরা·না খ্রাগিবা হং·আ। আংআ হা·ম্মা, না·আ ইয়া বিদিংরাংও দিংচিকবো, জেদাক্কে ইসলখো জেরাং বিবিরা·জক বিসং গিপ্পিনরাংনা দাকচাকানি কামও আন·থাংথাংখো বিমচিপাও দন্না গিসিক র·ন্না। মান্দিরাংনা ইয়ারাং নাম্মা আরো দাকচাকানি হং·আ।
9জাদা গিত্তা জিগ্রিকা, মা·চং চান্না, নিরিয়া-গিসিয়া আরো নিয়ামরাংখো রা·এ জিগ্রিকাওনি না·আ চে·ল্লাচা দংবো, মুয়ানা ইরাংখো দাক্কে মামুং হং·জানুয়া; ইরাং গিম্মিকান বু·আরি-সু·আরি হং·আ। 10জে মান্দি ব্রাংগিবা স্খিয়াখো র·ন্নে মা·আৎগ্রিকাখো থারিয়া বিখো স্খাং রাং·সা, জা·মানো দা·আও রাং·সা সিমসাকেতবো। ইন্দাকাও কাম হং·জাওদে বিমুং নাংরিমাখো দনথংবো।
11না·আদে হা·আইয়ান, ইন্দাকগিবা মান্দিনি চানচিয়া নামজা। বিয়া পাপী হং·আ; বিয়া আন·থাংআন আন·থাংনি দোসখো ফিন্নিকা।
বন·চতগিবা খাৎথা
12আংআ আর্তিমা বা তুখিকখো নাং·চা ওয়াত্তেতজোকনোন না·আ নীকপলিচা আংচা রি·বানা মংসং দাক্কে খ্রেংবো, মুয়ানা আংআ নীকপলিচান সিন·খারিও দংনুয়া ইন্নে থিক দাকজক। 13উকিল সীনা আরো আপল্লোনি রি·য়াংআনি রামানা মা·ন্না দিপ্পাৎ দাকচাকবো, জেদাক্কে বিসংনি মামুংনা দিলজা। 14গিপ্পিনরাংনা দাকচাকানি কামও আন·থাংথাংখো বিমচিপাও দন্না আনচিংনি মান্দিরাংনি স্খিনা নাংনুয়া, জেদাক্কে বিসং গিপ্পিনরাংনি নাংআনিখো র·ন্না মা·ন্না। ইন্দাকে দাক্কোদে বিসংনি জাংগি বিথিগ্মাং হং·নুয়া।
15আংমুং জেরাং দংআ বিসং গিম্মিকান নাং·খো সালাম র·ন্নিংজক। খ্রীষ্টখো বিবিরা·আনি গিম্মিন জেরাং আনচিংনা খা·সাআ বিসংনা সালাম রন·বো।
না·সং গিম্মিকনি সাক্কাও ইসলনি খা·সাচাক্কা দংখানা।
Currently Selected:
তীতনা 3: GLNT
Highlight
Copy
Compare
Share
Want to have your highlights saved across all your devices? Sign up or sign in
This translation was published by The Bangladesh Bible Society in 2004 © BBS 2004.
