'Olic 74
74
O Saki Pades no Kitakit a Pitolon
O 'olic ni Asaf, o sapasifana' a 'olic.
1Kawasaw, nawiro matini ko nika halafin Iso a mifalah i tamiyanan saw?
Tahada'oc han Iso ko nika kter to siri Iso haw?
2Nanay haratengenho Iso ko nipili'an Iso i ti:yaho a finawlan,
o nipa'oripan Iso cangra, o no Misoto a finacadan cangra,
nanay haratengenho ko nano kamaro'an Iso a Cion a lotok.
3Plengen no 'ada niyam ko Fangcalay Pita'ongan,
nanay katayniho Kiso a minengneng to malaklakay a niplengan nangra.
4Milkal ko 'ada Iso i Fangcalay Pita'ongan Iso,
tanektek a mapatireng ko fayfay nangra itira.
5Matiya o mikilangay cangra a cicaklis.
6Tastasen nangra to caklis ato satoktok ko nito^to'an a pa^res a hcek no Fangcalay Pita'ongan a ma^min.
7Todohen nangra ko Fangcalay Pita'ongan Iso,
paacken nangra ko pita'ongan i Tisowanan.
8Mikton cangra to faloco' to sapitkopaw i tamiyanan,
saka, todohen nangra ko Fangcalay Kaitiraan a ma^min i tini tonini a kitakit.
9Awaayto a ma'araw niyam ko fangcalay a kacipinangan a ma^min,
caayto ko aira ko pali'ayaway to sowal,
awaay ko mafana'ay a tamdaw to nika tahacowa ko nika halafin nonini a pades.
10Kawasaw, tahacowa ko nika tawa no 'ada niyam i Tisowanan saw?
Tahada'oc ko pipaacek nangra to ngangan Iso haw?
11Nawiro caay pipadama Kiso i tamiyanan saw?
Nanay laya'en ko kamay Iso a mipeleng i cangraan.#74.11 Nanay laya'en ko kamay Iso a mipeleng i cangraan -- o roma i, Nawiro nengneng sa Kiso saw? caayay ka hapinang konini a tosir no Hipray.
12Nikawrira, Kawasaw, nano to'as a o hongti niyam Kiso,
kinapi:nato Kiso a pa'orip i tamiyanan.
13O tadamaanay a 'icel Iso ko sapipalicinowas Iso to riyar,
Pla'en Iso ko fongoh no kangic no riyar.
14Pelpelen Iso ko fongohfongoh no 'a'adopen no riyar,
Pakaenen Iso ko 'a'adopen#74.14 'a'adopen -- ano ^ca i, finawlan. no kohkohan to titi nira.
15Fohaten Iso ko kasadakan no nemnem,
krahen Iso ko tata'angay a 'alo.
16O sa'osi Iso ko saka laliyon no romi'ad ato dadaya,
o nitlian Iso ko cidal ato folad.
17Kiso ko patirengay to kalangangan no sra,
o sa'osi Iso ko saka ira no kafa^detan ato kasi^nawan.
18 Tapangaw, nanay haratengenho Iso ko nika tawa no 'ada Iso i Tisowanan,
nanay haratengenho Iso ko nipi^pec no caay ka ngodo a tamdaw i Tisowanan.
19Aka patoroden i miforiforay a 'ada ko awaay ko palawinaan a finawlan Iso,
aka tawalen ko masamsamay a finawlan Iso.
20Nanay haratengenho Iso ko katatlekan ita,
nawhani matomes i to'manay a cani'iw no sra ko miforiforay.
21Nanay caay pakangodoen Iso ko masamsamay a tamdaw,
nanay papipahmeken i Tisowanan ko pakosiya o awaay ko palawinaan a tamdaw.
22Kawasaw, nanay lomowad Kiso a pa'ading to mo^celay a dmak Iso,
nanay haratengenho Iso ko pisaromi'ad no caay ka ngodo a tamdaw a matawa i Tisowanan.
23Aka tawalen ko pilkal no 'ada Iso,
aka tawalen ko nika ^ca pasla' no 'ada Iso a parawraw.
Currently Selected:
'Olic 74: AMIS2019
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2019
