'Olic 142
142
O Pitolon a Milongoc to Pipadama
O 'olic ni Tafiti, yo mitolon itira i pilimekan a dihif, o sapasifana' a 'olic.
1Mingitangit kako to pipadama no Tapang,
lkal sa kako a mitahidang i Cingraan.
2Patalahkalen ako i Cingraan ko roray ako a ma^min,
pasowalen ako Cingra to pades ako a ma^min.
3Yo sakatoledan kako i,
mafana' Cingra to malodadmaken ako.
I rarakaten ako a lalan i,
tlayen no 'ada ako ko tilo a sapiri'angan i takowanan.
4Minengneng kako to tatihitihi i,
awaay ko papadama a widang i takowanan,
awaay ko pilaliwan ako a lalan,
awaay ko mikiharay a tamdaw i takowanan.
5 Tapangaw, milongoc kako to pipadama Iso,
Tapangaw, o piki'adingan ako Kiso,
i tini i nika 'orip ako anini i, o sakalmed ako Kiso.
6Nanay tngilen Iso ko pitahidang ako a milongoc to pipadama Iso,
nawhani matfadto kako i katoledan.
Nanay pa'oripenho Iso kako a paliyas nai misamsamay a tamdaw,
nawhani ikaka ako ko nika ki^mel nangra.
7Nanay pa'oripenho Iso kako a paliyas nai pades,#142.7 pades, -- ano ^ca i, pirofoan.
ta ma^dengho kako a pahmek to ngangan Iso,
o mamitaliyok i takowanan ko mo^celay a tamdaw,
nawhani tadasida'it Kiso i takowanan.
Currently Selected:
'Olic 142: AMIS2019
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in Taiwan, 2019
