'Olic 140
140
O Pilongoc to Sadipot
O 'olic ni Tafiti. Mapatorod i kakridan no paradiway.
1 Tapangaw, pa'oripen kako a paliyas nai tatiihay a tamdaw,
nanay dipoten kako a paliyas nai miforiforay a tamdaw.
2Masarocod ko faloco' nangra a misahalaka to tatiihay a dmak,
to romi'ami'ad misanga' cangra a palowad to sakacacolicoli.
3Matiya o cisawarakay a 'oner ko sma nangra,
matiya o aefefay a 'oner ko ngoyos nangra a cisawarak.
4 Tapangaw, pa'oripen kako a paliyas nai sakowan no tatiihay a tamdaw,
tena'en ko pisaharakat no miforiforay a mikari'ang i takowanan.
5Mitlay to tilo a sapikari'angan i takowanan ko misalata'ata'angay a tamdaw,
tlien nangra i lalan ko talakal to sapirpetaw i takowanan.
6Pasowal kako Tapang, <<O Kawas ako Kiso.>>
Tapangaw, nanay tngilenho Iso ko pitahidang ako a milongoc to pipadama Iso.
7O Isatakaraway a Tapang, o ki^melay a pa'oripay ako,
o midipotay Kiso i takowanan i kalaloodan.
8 Tapangaw, aka palahcien ko nisaharatengan no tatiihay a tamdaw,
mamana caay palahcien Iso ko nisahalakaan nangra, ta caay pisatakaraw cangra.
9Mamana caay papilowiden Iso ko 'ada i takowanan,
ta patikol i tireng nangra ko pipatalaw nangra i takowanan.
10Mamana matfad ko marengrengay a 'afel i fongoh nangra,
mamana mafalah cangra i talolongay a rfong ta caayto ka sadak cangra a tahada'oc.
11Mamana matfad ko 'orip no milikafay a tamdaw,
mamana matkop no pades ko miforiforay a tamdaw.
12 Tapangaw, mafana' kako o pa'adingay Kiso a midipot to tadancaay a tamdaw,
caay ka ^ca o mo^celay ko dmak Iso to saki pakosiya a tamdaw.
13O mamipahmek i Tisowanan ko mo^celay a tamdaw,
o mamaro' cangra i ka'ayaw Iso.
Currently Selected:
'Olic 140: AMIS2019
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in Taiwan, 2019
