'Olic 132
132
O Nika Hmek to Fangcalay Pita'ongan
O saka cokacok a 'olic.
1 Tapangaw, nanay caay ka tawal Iso ci Tafiti,
nanay haratengen Iso ko polong no narorayan ningra a mihadidi.
2 Tapangaw, nanay haratengen Iso koya niktonan ningra i Tisowanan a sowal,
oya niktonan ningra a sowal i Ci'icelay a Kawas ni Yakop,
3-5toya, <<Ano caay ka kilim ako ko saki Tapang a pala,
ano caay ka kilim ako ko malokamaro'an no Ci'icelay a Kawas ni Yakop i,
caay ko mamicomod kako i loma' ako,
caay ko mamafoti' kako,
caay ko mamatokatok kako,>> ya sanay.
6I tini i Piclihim kami a pakatngil to pakayniay to Katatlekan a Lipa,
matamato niyam i omah ni Yiarim, saan.
7Saka, sowal sa kami, <<Tata, micomod kita i kamaro'an no Tapang,
tayra kita i ka'ayaw no tadamaanay a kamaro'an Ningra a mita'ong i Cingraan,>> saan kami.
8 Tapangaw, kalomowadto a micomod i pahanhanan Iso a pala,
pihaklong to todong no tadamaanay a 'icel Iso a Katatlekan a Lipa a micomod i Talo'an.
9Nanay mica'dong ko citodongay to ta'ong Iso to mo^cel Iso,
nanay milkal ko so'linay a finawlan Iso a mahmek.
10 Tapangaw, oya niktonan Iso a sowal ci Tafitian o matayalay Iso i,
nanay caay ka falahen Iso ko nipili'an Iso a patireng a hongti.
11Do^doen no Tapang ko so'lin a mikton to sowal ci Tafitian,
caayto ko mamalodot.
<<O papatirengen Ako ko ccay a wawa iso a palahongti,
o mamirocok cingra i tisowanan a malahongti.
12Ano mido^do ko wawawawa iso to nikatatlekan Ako,
ano mido^do cangra to limo'ot Ako i,
o mamirocokto ko wawawawa nangra a malahongti a tahada'oc,>> saan Kiso.
13O nipili'an no Tapang ko Cion,
ora pala ko kangalayan Ningra a malokamaro'an Ningra.
14Sowal sa Cingra, <<O mamida'oc Kako a maro' i tini,
o pikowanan Ako konini a pala.
15O papaflien Ako ko Cion to kangalayan nira,
o papafcolen Ako a pakaen ko pakosiya a tamdaw nira.
16Papipasowalen Ako ko citodongay to ta'ong to sapa'orip Ako,
o mamilkal a pahmek ko so'linay a finawlan no Cion.
17O papalowaden Ako a patireng ko ccay a tloc ni Tafiti a palahongti,
o mamararid a malahongti i tini ko nipatirengan Ako a hongti.
18O tatfaden Ako ko 'ada ningra,
nikawrira, o papacakaten Ako ko kitakit ningra,>> saan.
Currently Selected:
'Olic 132: AMIS2019
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in Taiwan, 2019
