'Olic 129
129
O Pipakokot to 'Ada no Israil
O saka cokacok a 'olic.
1Israilaw, dada kasomowal kiso,
nano ka^mangan iso i, masamaan ko pikari'ang no 'ada i tisowanan?
2<<Nano ka^mangan ako tahanini i, tadaca^des ko pikari'ang no 'ada i takowanan,
nikawrira, caay pakalowid cangra i takowanan.
3Ira i koror ako ko talolongay a padihac no doka',
matiya o nikangkangan no maomahay a talolongay a ci'ci'.
4Nikawrira, o mo^celay ko Tapang,
tdalen Ningra kako a pasadak nai palakoliay,>> saan.
5Mamana malowid a ma^min a mapakangodo koya mi'intelay to Cion.
6Mamana matiya o molngaway i fadahong a talod cangra,
caho ka tata'ang i, ma'icangto.
7Awaay ko tayraay a tamdaw a miritrit,
nawhani caay ko mama^deng a masarorong.
8O pakayraay a mita'lif a tamdaw i, awaay ko pasowalay to
<<Nanay mapakalmed no Tapang kiso.
Pakaynien niyam i ngangan no Tapang ko pipalmed i tisowanan,>> sanay.
Currently Selected:
'Olic 129: AMIS2019
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in Taiwan, 2019
