'Olic 122
122
O Pipahmek to Yirusalim
O saka cokacok a 'olic ni Tafiti.
1Ira ko pasowalay i takowanan a tamdaw, <<Tayra kita i loma' no Tapang,>> saan.
Itiya i, salipahak sa kako.
2Yirusalimaw, tomirengayto kami i matini i laloma' no fawahan no niyaro' iso.
3Mapatireng konini a Yirusalim i,
o makapahay, o masongila'ay a niyaro'.
4Taynito a ma^min ko kasangasaw no Tapang,
do^doen no Israil ko milayapan a limo'ot a pacakat to kansiya i Tapang.
5Nawhani ira i tini ko mo^celay a pisawkitan,
i tini ko tlotloc ni Tafiti a hongti a misawkit to finawlan.
6Kapilongoc kamo to sakarihaday no Yirusalim,
<<Nanay lomowad ko maolahay i tisowanan a tamdaw a ma^min!
7Nanay ira ko rihaday i laloma' no niyaro' iso!
Nanay rihaday ko i laloma'ay no loma' no hongti iso!>> han.
8O sakanga'ayaw no salikaka ako ato widang ako,
saka, pasayra sa kako i Yirusalim a pasowal,
<<Nanay marihaday kiso!>> han ako.
9O sakanga'ayaw no loma' no Tapang a Kawas ita,
saka, mitolon kako a milongoc to sakalmed iso.
Currently Selected:
'Olic 122: AMIS2019
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in Taiwan, 2019
