Taneng 20
20
1O sakaapa, o sakala'odot ko nika komaen to ^pah,
o sakatfad no tamdaw ko nika lasang ningra.
2O kter no hongti i, matiya o piltoh no layon,
ano pakakteren iso cingra i, matiya o kinapatayay kiso to tireng.
3Palowad to sakacacoli ko maapaay a tamdaw,
nikawrira, o caay pipalowad to sakacacoli i, o sakatadamaan noya tamdaw.
4O matokaay a tamdaw i, caay ka fana' to kaliomahan,
saka, awaay ko kinaira ningra to pipanayan.
5O harateng no tamdaw, matiya o talolongay a cinanomay a tfon,
nikawrira, pakapipatalahkal to harateng noya tamdaw ko citanengay a tamdaw.
6'Aloman ko o so'linay a tamdaw kako sanay.
Nikawrira, papina ko so'linay a tamdaw saw?
7Mo^cel ko dmak no so'linay a tamdaw,
malmed ko tlotloc ningra.
8Maro' i pisawkitan ko hongti a mihapinang to polong no tatiihay a dmak.
9Cima ko papaka^ses a somowal to nika o makoracayto ko faloco' ako,
maharekayto kako a mikorac a mifalah to raraw ako a saan saw?
10O masasiromaay a tosa ko siro#20.10 siro -- o roma i, sadadoy (ka'amis). a satingting ato masasiromaay a tosa ko sato a sapilatang i, o ka'osian no Tapang konini.
11Mahapinang i kalodmak no wawa ko nika o nga'ayay ano ^ca o tatiihay ko faloco' ningra.
12O sapakamelaw no mata ato sapakatngil no tangila i, sahto o no Tapang a nipakalmedan.
13Aka ka karafoti', ano ^ca o mamalapakosiya kiso,
o malalokay a tamdaw a matayal i, caay ko cacango'ot to kakaenen iso.
14O mamicakay a tamdaw i, matkes a matkes saan a ngaliwngiw,
ma'acato ningra i, ka^med a ka^med saan a mahmek.
15Ikaka no tada^kim ato cingco ko nika tadamaan no citanengay a sowal.
16O mihaydaay a mihosiw to kiyam no kafahalan a tamdaw i,
tada o maapaay, o mamapatampo#20.16 tampo -- o no Payrang a sowal. ko riko' ningra.
17O nisafana'an a miala a kakaenen i, tadamicidek ko nika nga'ay nira a kaenen,
nikawrira, ikorto i, malatafok#20.17 malatafok -- o roma i, fonak (ka'amis). a mitomes to ngoyos ningra.
18O nisahalakaan a misafaco a dmak i, caay ka ^ca ka lahci,
ano awaay ko mafana'ay a mikrid a milood i, aka pilood.
19O mirarakatay a milikaf to tao i, o mamalsa'#20.19 mamalsa' -- o roma i, molaci' (ka'amis). ko nisimedan ningra a dmak,
aka pisawidang to karangoyosay a tamdaw.
20O mi'kakay a mapoi' a tamdaw to wama ato wina no tireng i,
matiyato o mamapadeng a dawdaw a to'man ko 'orip ningra.
21O rahodayay a mirocokan a dafong i,
caay ko sakalmed a tahatolas.
22Aka pito^to kiso a mico'ay to 'ada iso, ti'eren a mitala ko Tapang,
caay ka ^ca ka patado Cingra i tisowanan a mico'ay.
23O masasiromaay a tosa ko siro a satingting ato mangah a satingting i,
o ka'osian no Tapang konini a ma^min.
24O nisa'osian no Tapang ko rakat no 'orip ita o tamdaw,
saka, cima ko mafana'ay ita to rakat no 'orip ita saw?
25Ano mikton to faloco' i ka'ayaw no Kawas i, saharateratengenho,
ta caay ka sasiyor ko faloco'.
26O citanengay a hongti i, mikadkad a mifitay to tatiihay a tamdaw,
ca^des ko pitfoc cangraan o tatiihay a tamdaw.
27Mapafli no Tapang kita to sakalatamdaw ato nga'ay a faloco',
awaay ko cima ita to pakapisimeday to nidmakan no niyah.
28O so'lin ato mo^cel ko pikowan no hongti,
o mamararid a tanektek ko sakowan ningra.
29O nika ci'icel no kapah ko sakatadamaan ningra,
o nika 'ofad no mato'asay ko saka o kakangodoan cingra.
30Paliyas to tatiihay a dmak to nipisti', makorac ko laloma' no faloco' to nipipacpac.
Currently Selected:
Taneng 20: AMIS2019
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2019
