Ifiso 4
4
O Saka Laccay no Kiwkay
1Orasaka, pa'icel kako o marofoay to nano nika tayal ako to no Tapang a palimo'ot i tamowanan. Nanay mado^do namo i dmak ko nafaloco'an no mitahidangay i tamowanan a Kawas. 2Ka o misapo^neray, o damsayay, o kodaitay, o ciolahay ko faloco' a masasipa'ayaw kamo, 3ka o rihadayay a faloco' namo ko sakakakafit namo, kararid a misa'icel a ma'imer to nipipalaccay no Fangcalay 'Adingo i tamowanan. 4Nawhani ccay ko tireng, ccay ko Fangcalay 'Adingo, ccay ko patosokan no pitahidang no Kawas tamowanan a pafaloco'. 5Ccay ko Tapang, ccay ko piti'eran, ccay ko pipaino'. 6Ccay ko Wama a Kawas no polong no tamdaw. O maro'ay i polong no kalomaamaan, o mikowanay to polong no kalomaamaan, o matayalay i polong no kalomaamaan Cingra.
7O faloco' ni Kristo ko pi'arawan Ningra a pafli i kahaccaccay ita to micidekay a rocek. 8Mato sowal a matilid i Fangcalay Cudad,
<<Yo macakat Cingra a talafaed i,
kriden Ningra ko 'alomanay a mirpetan i piloodan.
Painien Ningra to rocek ko tamdamdaw,>> saan.
9<<Macakatay Cingra>> yasanay a sowal i, caay hakiya ka o nano maloklonay Cingra tangasa i kala^no no sra? 10Orasaka, oya nano <<maloklonay>> a tamdaw i, <<macakatayto>> i satakaraway a kakarayan a talafaed. O pihaen Ningra i, o sakapitomesaw Ningra to kalomaamaan. 11Cingra haca koya <<pafliay to rocek i tamdamdaw.>> Maparocek Ningra ko roma a tamdaw a malatarokos. O roma i, malapali'ayaway to sowal no Kawas. O roma i, malapatnakay. O roma i, malafoksiay ato pasifana'ay. 12O sakapihaen no Kawas i, o pipatala to finawlan no Kawas a matayal to saki Cingraan, patireng to kiwkay, o tireng ni Kristo. 13Ta malaccay kita a miti'er a mafana' to Wawa no Kawas. Ta mato'as ko faloco' ita a matiya o nika songila' ni Kristo. 14Ta caayto ko mamatiya o ka^mangay kita a mangiyangi ko faloco' a mafalic a matiya o mapawpaway no taplik ato nai cowacowaay a fali. Ta caayto ko mamasa'fit no tatiihay ato misawiay a sifana' kita. 15O romasato, ka o nano olah no faloco' ita ko sakaso'lin no sowal, ta malahad a malahad ko faloco' a miringi ci Kristoan i masamaamaanay a dmak. Nawhani o Tapang no sa'opo no mitooray Cingra. 16O mamitadi'ec i Cingraan ko polong ko tireng, pakayni i ci Kristoan ko sakakakafit no kasapokopokoh no tireng a madadamadama. Ano hatira, yo mapakatayal ko kahaccaccay a ca'ang no tireng i, o lalomahad a tanektek ko tireng i kasasiolaolah a mapatireng.
O Fa^lohay a 'Orip i ci Kristoan
17Orasaka, o nano sowal no Tapang ko sapa'icel ako a pasowal i tamowanan, akato ka matiya o dmak no caay pitoor to Kawas a tamdaw ko dmak namo. Awaay ko ^poc no nisafaloco'an nangra. 18Nawhani to'man ko faloco' nangra. O nika fokil ato nika 'atkak no faloco' nangra ko saka^ca pikihar nangra to nipipafli no Kawas to 'orip cangraan. 19Mafokilto cangra to ngodo. Saka, haklong han nangra ko 'anof no faloco' nangra a ma'otit a midmak to masamaamaanay a kaackan a dmak.
20Nikawrira, caay ka matira ko pinanam namo to pakayniay ci Kristoan! 21Nano matngilay namo ko pakayniay i Cingraan, malanisawawaan to Ningra, o mananamayto koya iraay i ci Yisan a so'lin. 22Orasaka, hlongen ko mipoheday to 'orip namo a <<katlangay a faloco'>>. Onini a katlangay a faloco' i, o nano masawiay no 'anof no tireng a malamaponi'ayto. 23Safa^lohen ko faloco' namo. 24Ca'dongen ko <<fa^lohay a faloco'>>. Onini a fa^lohay a faloco' i, o milcaday to faco no Kawas a masanga', mapahapinang konini a so'lin to nika mo^cel ato nika korac no dmak.
25Orasaka, akato pisamangah a somowal. Ka o so'linay a sowal ko sakalalicalicay namo a ma^min. Nawhani o todong no ca'ang no tireng ni Kristo kita a ma^min. 26Ano maktekter kamo i, aka ka o sakaciraraw namo ko kter namo. Aka ka tahacremen ko kter namo. 27Aka pangala'en ko Palafoay. 28O mitatakaway a tamdaw i, akato pitakaw. O nika mo^cel no faloco' ningra a malalok a matayal ko nga'ay. Ta ira ko sapalada' ningra i pakoyoc a tamdaw. 29Akato ka o tatiihay ko sowal namo. Ka o pa'icelay, o palatamdamdaway ato sakaci^poc no mitngilay a tamdaw a ccay ko sowal namo. 30Aka pakararomen ko todong no tireng no Kawas a Fangcalay 'Adingo. Nawhani o nitopaanto no Kawas kamo to Fangcalay 'Adingo. Onini a Fangcalay 'Adingo ko kacipinangan to nika o aira ko pitdalan no Kawas tamowanan a romi'ad. 31Sawaden ko masamaamaanay a tlii ato makteray ato mafirangay a faloco' namo. Aka to piliyaw a micacli', aka to piliyaw a milalokes, aka to piliyaw a ira ko masamaamaanay a 'intel. 32Kasasini'ada'ada, kasasipa'ayaw kamo. Kasasihpol kamo to raraw a matiya o pihpol no Kawas to raraw namo pakayni ci Kristoan.
Currently Selected:
Ifiso 4: AMIS2019
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2019
Ifiso 4
4
O Saka Laccay no Kiwkay
1Orasaka, pa'icel kako o marofoay to nano nika tayal ako to no Tapang a palimo'ot i tamowanan. Nanay mado^do namo i dmak ko nafaloco'an no mitahidangay i tamowanan a Kawas. 2Ka o misapo^neray, o damsayay, o kodaitay, o ciolahay ko faloco' a masasipa'ayaw kamo, 3ka o rihadayay a faloco' namo ko sakakakafit namo, kararid a misa'icel a ma'imer to nipipalaccay no Fangcalay 'Adingo i tamowanan. 4Nawhani ccay ko tireng, ccay ko Fangcalay 'Adingo, ccay ko patosokan no pitahidang no Kawas tamowanan a pafaloco'. 5Ccay ko Tapang, ccay ko piti'eran, ccay ko pipaino'. 6Ccay ko Wama a Kawas no polong no tamdaw. O maro'ay i polong no kalomaamaan, o mikowanay to polong no kalomaamaan, o matayalay i polong no kalomaamaan Cingra.
7O faloco' ni Kristo ko pi'arawan Ningra a pafli i kahaccaccay ita to micidekay a rocek. 8Mato sowal a matilid i Fangcalay Cudad,
<<Yo macakat Cingra a talafaed i,
kriden Ningra ko 'alomanay a mirpetan i piloodan.
Painien Ningra to rocek ko tamdamdaw,>> saan.
9<<Macakatay Cingra>> yasanay a sowal i, caay hakiya ka o nano maloklonay Cingra tangasa i kala^no no sra? 10Orasaka, oya nano <<maloklonay>> a tamdaw i, <<macakatayto>> i satakaraway a kakarayan a talafaed. O pihaen Ningra i, o sakapitomesaw Ningra to kalomaamaan. 11Cingra haca koya <<pafliay to rocek i tamdamdaw.>> Maparocek Ningra ko roma a tamdaw a malatarokos. O roma i, malapali'ayaway to sowal no Kawas. O roma i, malapatnakay. O roma i, malafoksiay ato pasifana'ay. 12O sakapihaen no Kawas i, o pipatala to finawlan no Kawas a matayal to saki Cingraan, patireng to kiwkay, o tireng ni Kristo. 13Ta malaccay kita a miti'er a mafana' to Wawa no Kawas. Ta mato'as ko faloco' ita a matiya o nika songila' ni Kristo. 14Ta caayto ko mamatiya o ka^mangay kita a mangiyangi ko faloco' a mafalic a matiya o mapawpaway no taplik ato nai cowacowaay a fali. Ta caayto ko mamasa'fit no tatiihay ato misawiay a sifana' kita. 15O romasato, ka o nano olah no faloco' ita ko sakaso'lin no sowal, ta malahad a malahad ko faloco' a miringi ci Kristoan i masamaamaanay a dmak. Nawhani o Tapang no sa'opo no mitooray Cingra. 16O mamitadi'ec i Cingraan ko polong ko tireng, pakayni i ci Kristoan ko sakakakafit no kasapokopokoh no tireng a madadamadama. Ano hatira, yo mapakatayal ko kahaccaccay a ca'ang no tireng i, o lalomahad a tanektek ko tireng i kasasiolaolah a mapatireng.
O Fa^lohay a 'Orip i ci Kristoan
17Orasaka, o nano sowal no Tapang ko sapa'icel ako a pasowal i tamowanan, akato ka matiya o dmak no caay pitoor to Kawas a tamdaw ko dmak namo. Awaay ko ^poc no nisafaloco'an nangra. 18Nawhani to'man ko faloco' nangra. O nika fokil ato nika 'atkak no faloco' nangra ko saka^ca pikihar nangra to nipipafli no Kawas to 'orip cangraan. 19Mafokilto cangra to ngodo. Saka, haklong han nangra ko 'anof no faloco' nangra a ma'otit a midmak to masamaamaanay a kaackan a dmak.
20Nikawrira, caay ka matira ko pinanam namo to pakayniay ci Kristoan! 21Nano matngilay namo ko pakayniay i Cingraan, malanisawawaan to Ningra, o mananamayto koya iraay i ci Yisan a so'lin. 22Orasaka, hlongen ko mipoheday to 'orip namo a <<katlangay a faloco'>>. Onini a katlangay a faloco' i, o nano masawiay no 'anof no tireng a malamaponi'ayto. 23Safa^lohen ko faloco' namo. 24Ca'dongen ko <<fa^lohay a faloco'>>. Onini a fa^lohay a faloco' i, o milcaday to faco no Kawas a masanga', mapahapinang konini a so'lin to nika mo^cel ato nika korac no dmak.
25Orasaka, akato pisamangah a somowal. Ka o so'linay a sowal ko sakalalicalicay namo a ma^min. Nawhani o todong no ca'ang no tireng ni Kristo kita a ma^min. 26Ano maktekter kamo i, aka ka o sakaciraraw namo ko kter namo. Aka ka tahacremen ko kter namo. 27Aka pangala'en ko Palafoay. 28O mitatakaway a tamdaw i, akato pitakaw. O nika mo^cel no faloco' ningra a malalok a matayal ko nga'ay. Ta ira ko sapalada' ningra i pakoyoc a tamdaw. 29Akato ka o tatiihay ko sowal namo. Ka o pa'icelay, o palatamdamdaway ato sakaci^poc no mitngilay a tamdaw a ccay ko sowal namo. 30Aka pakararomen ko todong no tireng no Kawas a Fangcalay 'Adingo. Nawhani o nitopaanto no Kawas kamo to Fangcalay 'Adingo. Onini a Fangcalay 'Adingo ko kacipinangan to nika o aira ko pitdalan no Kawas tamowanan a romi'ad. 31Sawaden ko masamaamaanay a tlii ato makteray ato mafirangay a faloco' namo. Aka to piliyaw a micacli', aka to piliyaw a milalokes, aka to piliyaw a ira ko masamaamaanay a 'intel. 32Kasasini'ada'ada, kasasipa'ayaw kamo. Kasasihpol kamo to raraw a matiya o pihpol no Kawas to raraw namo pakayni ci Kristoan.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2019