Ifiso 3
3
O Pipatnak ni Pawlo i Roma a Finacadan
1Orasaka, kako ci Pawlo o marofoay to saki ci Kristo Yisan ato saki tamowanan o roma a finacadan i, mitolon kako to Kawas. 2Mafana'ay kamo, paini ko Kawas to mikomi, saka mapatorod kako to ccay a tayal to sakanga'ay namo. 3Mapahapinangto no Kawas kako a pakafana' to pakakmoday a dmak Ningra. (Mapasamoayto ako a mitilid tonini a pakakmoday a dmak, 4ano maasip namo korira i, o mamafana' kamo to o maan ko nipakafana'an no Kawas i takowanan to pakayniay i ci Kristoan a pakakmoday a dmak.) 5I tiyaho i, caay pahapinangen no Kawas i cimacimaan konini a pakakmoday a dmak. Anini sato i, pakaynien Ningra i Fangcalay 'Adingo ko nipipahapinang tonini i fangcalay a tarokos ato pali'ayaway to sowal Ningra. 6O tatodong nonini a pakakmoday a dmak i, pakayni i Nga'ayay Ratoh a mapalakapot ko roma a finacadan ato Yutaya a tamdaw a mapalmed no Kawas. O ca'angto no ccay a tireng cangra. O romasato, malcad cangra a milayap to niktonan no Kawas a sowal pakayni ci Kristo Yisan a malahci.
7O nano micidekay a rocek no Kawas ko saka malakoli kako to no Nga'ayay Ratoh, onini i pakaynien Ningra i dmak no tadamaanay a 'icel ko pipafli i takowanan. 8Talacowa o sasafaay no polong no mitooray kako, nikawrira, mapalmed no Kawas kako. Saka, micidek ko nipipafli Ningra i takowanan to tayal. Onini i, o sapipatnakaw ako i roma a finacadan to caay ko mama^min a sowalen a tadamaanay a dmak ni Kristo. 9O romasato, o sapipahapinangaw ako i tamdamdaw to nika o mamasamaan ko nika lahci no pakakmoday a nisahalakaan no Kawas a dmak. Naniti:yaho a masimed no misanga'ay to maamaan a Kawas konini a pakakmoday a dmak. 10O sakapisimed no Kawas tonini i, nga'ay pakayni i kiwkay a mapatiri' anini ko i kakarayanay a mikowanay a coyocoyoh ato cisakowanay to kasasiromaroma no taneng no Kawas. 11O sakapihaen no Kawas i, o sapido^doaw Ningra to caay ko mamafalic a nafaloco'an Ningra. Malahcito Ningra konini i tireng no Tapang ita ci Yis Kristoan. 12Pakayni i piti'er ita i ci Kristoan#3.12 Pakayni i piti'er ita i ci Kristoan -- ano ^ca i, I tini i ci Kristoan, pakayni i nika so'lin Ningra. ko sakatanektek no faloco' ita a caay paska a miraod i ka'ayaw no Kawas. 13Orasaka, nanay caay ka toled ko faloco' namo to nika pades ako to saki tamowanan. O sakaci^poc namo konini a ma^min.
O Olah ni Kristo
14Orasaka, mipitosor kako a mitolon i ci Wamaan. 15Nawhani Cingra ko tatapangan no i kakarayanay ato i hkalay a kasafinacadan. 16Nanay o nano nika tadamaan no 'dil Ningra ato 'icel no Fangcalay 'Adingo ko sakaki^mel no faloco' namo. 17Nanay pakayni i piti'er namo ko sakamaro' ni Kristo i faloco' namo. Nanay o olah Ningra ko palamitan ato katanektekan no faloco' namo. 18Ta malcad kamo ato polong no finawlan no Kawas a ma^deng a mihapinang to nika hakowa ko kakahad, kakaya', takaraw ato talolong no olah ni Kristo. 19Nanay mafana' kamo to olah ni Kristo, oya mikikakaay to taneng ato fana' no tamdaw a olah, ta matomes no tadamaan no Kawas kamo.
20Pakayni i matayalay i titaanan a 'icel no Kawas ko nika ma^deng a malahci Ningra ko ikakaay no nilongocan ato niharatengan ita a maamaan a dmak. 21Nanay pakayni i ci Yis Kristoan ato kiwkay a mapahmek ko Kawas awaay ko tolas a tahada'oc! Amin.
Currently Selected:
Ifiso 3: AMIS2019
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2019
Ifiso 3
3
O Pipatnak ni Pawlo i Roma a Finacadan
1Orasaka, kako ci Pawlo o marofoay to saki ci Kristo Yisan ato saki tamowanan o roma a finacadan i, mitolon kako to Kawas. 2Mafana'ay kamo, paini ko Kawas to mikomi, saka mapatorod kako to ccay a tayal to sakanga'ay namo. 3Mapahapinangto no Kawas kako a pakafana' to pakakmoday a dmak Ningra. (Mapasamoayto ako a mitilid tonini a pakakmoday a dmak, 4ano maasip namo korira i, o mamafana' kamo to o maan ko nipakafana'an no Kawas i takowanan to pakayniay i ci Kristoan a pakakmoday a dmak.) 5I tiyaho i, caay pahapinangen no Kawas i cimacimaan konini a pakakmoday a dmak. Anini sato i, pakaynien Ningra i Fangcalay 'Adingo ko nipipahapinang tonini i fangcalay a tarokos ato pali'ayaway to sowal Ningra. 6O tatodong nonini a pakakmoday a dmak i, pakayni i Nga'ayay Ratoh a mapalakapot ko roma a finacadan ato Yutaya a tamdaw a mapalmed no Kawas. O ca'angto no ccay a tireng cangra. O romasato, malcad cangra a milayap to niktonan no Kawas a sowal pakayni ci Kristo Yisan a malahci.
7O nano micidekay a rocek no Kawas ko saka malakoli kako to no Nga'ayay Ratoh, onini i pakaynien Ningra i dmak no tadamaanay a 'icel ko pipafli i takowanan. 8Talacowa o sasafaay no polong no mitooray kako, nikawrira, mapalmed no Kawas kako. Saka, micidek ko nipipafli Ningra i takowanan to tayal. Onini i, o sapipatnakaw ako i roma a finacadan to caay ko mama^min a sowalen a tadamaanay a dmak ni Kristo. 9O romasato, o sapipahapinangaw ako i tamdamdaw to nika o mamasamaan ko nika lahci no pakakmoday a nisahalakaan no Kawas a dmak. Naniti:yaho a masimed no misanga'ay to maamaan a Kawas konini a pakakmoday a dmak. 10O sakapisimed no Kawas tonini i, nga'ay pakayni i kiwkay a mapatiri' anini ko i kakarayanay a mikowanay a coyocoyoh ato cisakowanay to kasasiromaroma no taneng no Kawas. 11O sakapihaen no Kawas i, o sapido^doaw Ningra to caay ko mamafalic a nafaloco'an Ningra. Malahcito Ningra konini i tireng no Tapang ita ci Yis Kristoan. 12Pakayni i piti'er ita i ci Kristoan#3.12 Pakayni i piti'er ita i ci Kristoan -- ano ^ca i, I tini i ci Kristoan, pakayni i nika so'lin Ningra. ko sakatanektek no faloco' ita a caay paska a miraod i ka'ayaw no Kawas. 13Orasaka, nanay caay ka toled ko faloco' namo to nika pades ako to saki tamowanan. O sakaci^poc namo konini a ma^min.
O Olah ni Kristo
14Orasaka, mipitosor kako a mitolon i ci Wamaan. 15Nawhani Cingra ko tatapangan no i kakarayanay ato i hkalay a kasafinacadan. 16Nanay o nano nika tadamaan no 'dil Ningra ato 'icel no Fangcalay 'Adingo ko sakaki^mel no faloco' namo. 17Nanay pakayni i piti'er namo ko sakamaro' ni Kristo i faloco' namo. Nanay o olah Ningra ko palamitan ato katanektekan no faloco' namo. 18Ta malcad kamo ato polong no finawlan no Kawas a ma^deng a mihapinang to nika hakowa ko kakahad, kakaya', takaraw ato talolong no olah ni Kristo. 19Nanay mafana' kamo to olah ni Kristo, oya mikikakaay to taneng ato fana' no tamdaw a olah, ta matomes no tadamaan no Kawas kamo.
20Pakayni i matayalay i titaanan a 'icel no Kawas ko nika ma^deng a malahci Ningra ko ikakaay no nilongocan ato niharatengan ita a maamaan a dmak. 21Nanay pakayni i ci Yis Kristoan ato kiwkay a mapahmek ko Kawas awaay ko tolas a tahada'oc! Amin.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2019