2 Korinto 6
6
1O kapot no Kawas kami a matayal saka, mipa'icel kami i tamowanan, tona milayapayto kamo to mikomi no Kawas, aka saloyaen ko mikomi no Kawas. 2Nawhani o sowal no Kawas i,
<<Yo maraodto ko pilayapan Ako tisowanan i, paca'ofen Ako kiso.
Yo maraodto ko pipa'oripan Ako tisowanan i, padamaen Ako kiso,>> saan.
Haratengen, o pilayapan to sini'ada no Kawas i matini! O pipa'oripan no Kawas a romi'ad anini!
3O saka^caaw ka lokes no tayal niyam saka, caay picara kami to cimacima a tamdaw. 4I tini i masamaamaanay a dmak kami a pahapinang to nika o matayalay no Kawas kami. Hadidien niyam ko roray. 5Masti' kami, marofo, makari'ang, maparawraw, maroray a matayal, caay ka ala ko fafoti'en, misaliway kami. 6O nika tingalaw no faloco' niyam ato nika fana' ato nika kodait ato nika sini'ada niyam ato nipipakafana' no Fangcalay 'Adingo tamiyanan ato nika so'lin no olah niyam 7ato nipipasowal niyam to so'linay a ratoh ato 'icel no Kawas ko sapahapinang niyam to nika o matayalay no Kawas kami. O mo^celay ko todong no lalosidan niyam to sapatada ato sapilood to 'ada. 8Mapakacihrang, mapakangodo, matongangan, makahmek kami. Pakomisa'fitay ko tao tamiyanan. Nikawrira, o so'linay ko sowal niyam. 9Mato kafokilan no tao kami. Nikawrira, o kafana'anto no tamdamdaw kami. Mato mapatayay kami. Nikawrira, o ma'oripayho kami. Talacowa masti' kami, nikawrira, caay ka patay kami. 10Mato mararomay kami, nikawrira, mararid kami a lipahak. Mato pakoyoc kami, nikawrira, mapakacidafong niyam ko 'alomanay a tamdaw. Mato awaay ko maan aca niyam. Nikawrira, adihay ko maamaan niyam.
11Kamo o i Korintoay a salikaka, mapatalahkalto niyam a ma^min ko sasowalen i tamowanan. Awaay ko nisimedan niyam to maan aca i faloco'. 12Caay ko kami ko kingcoay. O faloco' namo kora kingcoay. 13Samatiyaen ako o wawa ako ko nika somowal i tamowanan. Samatiyaen o no mako ko namo a misakakahad to faloco' to saki takowanan.
Tna'en ko Misawiay a Sifana'
14Aka ka laccay ato caay paso'lin to Kawas a tamdaw a mica'dong to talo'odan. Nawhani caay ka nga'ay. Samaanen no nga'ayay ato tatiihay ko nika laccay hakiya? Samaanen no likat ato to'man ko nika laccay hakiya? 15Samaanen ni Kristo ko nika rarihaday aci Satan hakiya? O maan ko sakalalitmoh no faloco' no paso'linay to Kawas ato caay paso'lin hakiya? 16Manga'ay saw a miparo to samiyay i pita'ongan to Kawas a Fangcalay Pita'ongan? O pita'ongan to ma'oripay a Kawas a Fangcalay Pita'ongan kita! Mato sowal no Kawas,
<<Mikapot Kako i finawlan Ako a maro'.
O mamalaKawas nangra Kako.
O mamalafinawlan Ako cangra,>> saan.
17Orasaka, sowal sa ko Tapang,
<<Piliyas kamo i cangraan a micidek.
Aka pitfing to kapaysinan a maamaan ta layapen Ako kamo.
18O mamalaMama namo Kako.
O mamalawawa Ako kamo,
saan ko sowal no Ci'icelay a Tapang.>>
Currently Selected:
2 Korinto 6: AMIS2019
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2019
