Matthaiga 5
5
1Egi worohanka hajagi, xexete hihageja howarena, egi jaja minagkhi, wironag warnira hirahirena.
2Egi ishabanaga washa wagigussana egi wena:
3Wogishawarnankshana naxirag wanajojaisgera, hungma wangregi herera earninege.
4Wogishawarnankshana jarnaga najgetegra, warukheghirekjanege.
5Wogishawarnankshana xunu‐hakikaranira mara harninekjanege.
6Wogishawarnankshana jarnaga washophi dokewehira egi washophi iwusra, wainaj‐hirekjanege.
7Wogishawarnankshana najwojankera, najwojaine kiruxurug‐hirekjanege.
8Wogishawarnankshana najge‐sgera, Maura hajairekjanege.
9Wogishawarnankshana rashguni khiwahira, Maura ninkjang warnira wawigairekjanege.
10Wogishawarnankshana jarnaga washophi hawau wawigishananankhi, hungma wangregi herera earninekjanege.
11Wogishawawiaje jaja wankshigra najinisgi hirawigi egi hinigishana hirawigi, egi washa wowonk hokiraj hinigairekjanihawina Ne hawau.
12Wogishawawiaje egi mashja giphiwianje, wangregi woirowe hashiniwira rokanankshana; deshesge prophetra wawigishana hirena e jowerawiregi hajirera.
13Managre hisguhira neninewina, eshi nisgura hosgura gixawarnigi jaguisha hisguhiranashe, epa inke washiroku phiraninana, eshi jangra hot’une hiranana egi wankshig warnashi hiranana.
14Managre hohamb harnira neninewina, jhinagra hisha xe‐hihageja minagkhi inke nuxawa ruxurugninana.
15Inke shige hisha hiratashakerehira daehigi egi wigus hokipi khuhainja kereninana, eshi hiratashakerehi hornashieja kerenana, egi jhieja jarnagakhi hatasha wagiginana.
16Deshesge‐hiwire hohamb washiniwira wankshig jowehireja hatasha wakarakerewire, worephi washiniwira warnigija‐hirekjawina egi Hianjrawiga wangreginagre sharajangikjawina.
17Woehira shige prophetra maisinj‐waha hajishe inke hirawinine, inke maisinj‐waha hajinina, eshi exji hereha hajina.
18Hisgexji hinigawina, wangregi egi mara shejaineshge, jotara hisha egi hoshebnigra hisha woehieja inke shejanikjanena, harnaj exji herekjanera epa.
19Higu peshe uwashi worujisdi de‐e higishanagi egi wankshigra shesge wagigusgi, e hungma wangregi worujisdira higairekjanena eshi higu peshe uanaga wagigusgi e hungma wangregi xetera higairekjanena.
20Hisgexji hinigawina, inke hophi hashiniwira Wowagax‐hiperesra egi Pharisera hophira wiranijairawinigi inke hungma wangregi hokewe shuruxurugwininana.
21Warnaraxguwina, jowarejaxjira wairena: Inke wat’ehinine, egi higu peshe wat’ehigi, woehieja hikjanena.
22Eshi hinigawina: Higu peshe khinubra eja hapahi wogiteghi, woehieja hikjanena, egi higu peshe khinubra inke washanisha hereni higegi (sanhedrim) woehixeteja hikjanena, eshi higu peshe khinubra wanai wowong ranina higegi, pejshishigeja hikjanena.
23Esge woga hashinira nabruxaj‐haueja hashinirajigi, egi eja rakhinubra wewianje washara hisha hiranikirajegi
24Nabruxaj‐haueja woga hashinira karashuanaga egi jorni karanaga egi rakhinubra rashguni khianaga egi hageja kirige egi woga hashinira nab‐hikuruxajaje.
25Haerakhira xapge rashguni khianje harakishu sharasharegi, nigete haerakhira waehira‐eja wornigarnaga, egi waehira warukoseja wornigarnaga egi jhi‐hornanissekjanena.
26Hisgexjina hinigena, eja inkaga hirahishanabnikjanena, jaja shurashujra harnaj hirowe‐ragishana.
27Nanaxguwina jowarejaxjina wairena: Inke hikikshaksha‐winianje.
28Eshi hinigawina: Higu peshe hinugra hisha horuxuj‐anaga rogungi hikshakshagini waunana najge harnieja.
29Egi hishjasu hoishoro hashiniwira washa wowonkunigi, rushorojanaga egi nigehot’unaje, e hiraijera niphinkjanena waisa washinira hisha d’egi egi inke ro hashinira harnaj pej‐shishigeja hot’unairanigi.
30Egi nab‐hoishoro hashinira washa wowonk unigi, gikunugaje egi nige‐hot’unaje, e hiraijera niphinkjanena waisa washinira hisha d’egi egi inke ro hashinira harnaj pej‐shishigeja hot’unairaninana.
31Egi wairena: Higu peshe hijawira t’unegi, hinugjega kit’une wawagaxra hisha harnigigikjena.
32Eshi hinigawina: Higu peshe hijawira karat’unegi, hikshakshaire khingishana waunana, hikshakshairehi waunana, egi higu peshe hinug‐t’unairega khanagkhi, e hikshaksha waunana.
33Shige nanaxguwina jowarejaxjira wairena: Inke washa woretunk wihohi hiuwinianje, eshi Hirukanara jagu wihoragigigi giuanje.
34Eshi hinigawina: Inke wihohinianje, inke wangregi hiunianje Maura waminag harnira herege esge.
35Egi inke managre hiunianje, si‐hakere harnira herege esge, egi inke Jerusalemra hiunianje, hung‐xetera jhinag harnira herege esge.
36Inke nassu hashinira wihohi unianje, inke najura hisha sga shige seb hi‐shuruxurugnige esge.
37Eshi hirat’et’egi waje hojia, hojia, Inkaa, Inkaa. Jagurisha hiraijaira hishegi she‐e washoshishig hikjanena.
38Nanaxguwina wairena: Hisha hishjasura higishanagi, hishge hishjasura hisha higishanainekjanena, egi hisha hira higishanagi hishge hira hisha higishanainekjanena.
39Eshi hinigawina: Inke wowongra wajiswinianje, eshi higu peshe iro sanig hoishoro hashinira hojingi, sanigra hishge hija hagarnianje.
40Egi hisha woehi hiuanaga wonashixete hashinira rusgi, wonashixete hihageja here hashinira hirassa rusgigiaje.
41Egi higu peshe hini‐harnini‐anaga wigus hisha harnikishu re‐naingi, wigus nup hakishu raje.
42Hokuanje nigita‐gishi, egi hisha worniginaj jigi inke rushag keregiginianje.
43Nanaxguwina wairena: Hirakishu‐wusunjra wogixeteaje egi hornishigra hoshigaje.
44Eshi hinigawina: Hornishig‐hirawira wawogixetewiaje, washophi howe warogiguwiaje washoshishig‐howe ronigigu‐nangwigi, egi phiwagigiwiaje hornishig‐hirawigi egi gikaraj wagigiwiaje jarnaga washanigishgashgahirawigi egi hinigishana hirawigi.
45Hianjrawiga wangreginagre E ninkjang harniniwinana, wi harnira wowongra egi phira haxeb‐wagigijena, egi nishu huwagigijena phira egi wowongra.
46Egi waworagixetewigi wornigixete‐nangwigi, hironigi‐wawinashe? Jasge inke Publikanra shesge hininankshe?
47Egi warakhinub‐wirashana wawirakaragiwigi, jaguisha wawirajaira shuwinashe? Jasge inke Publikanra hishge shesge hininankshe?
48Esge wogisogji phiwianje, Hianjrawira wangreginagre wogisogji phinagra shesgawiaje.
Currently Selected:
Matthaiga 5: WIN
Highlight
Copy
Compare
Share
Want to have your highlights saved across all your devices? Sign up or sign in
Published by the American Bible Society in 1907.
