Matthaiga 3
3
1Egi hambnanka eja John Niwawaxunga nashin a Judea mojainainja wahokhunjena.
2Egi wena: Najgerakarategwire, wangregi hung‐mara jiginige esge.
3De‐e erena Esaias prophet hisha horagnihera wena: Hora jantinjena hisha mojainainja wahokhura, Hirukanara nagu harnira hirushjagigiwire, egi mowe‐nagura rojangigiwire.
4Egi John she‐e, washa huxashog‐hin wonashi‐isha hornashina egi waxuipirag hisha hipiragshana. Egi waruj warnira sasajge hirena egi hesigdanishu hojainainja here.
5Egi Jerusalem hajira egi Judeara harnaj, egi Jordan ma hogigixanka harnaj hirahina.
6Egi Jordan‐eja niwawaxuna egi washa woishana warninera wokaraghirena.
7Eshi jaja Pharisera egi Sadusera roha niwawaxu harnieja hahiregi, wawagena: Wakhan wankshighii‐harajane, peshe hornigiragwigaja howogitegra jikjanegi ragigiaswishe?
8Esge has phi haminagwire najgerakarategwige.
9Egi Abraham hianjhawira heregaja inke hirawinianje. Hisgexji warnigawina, Maura ruxurugnankshana ininagre kikawa‐a wahianaga Abraham ninkjang warninana.
10Egi shegunegi najega rejueja masra agi hagarninankshana. Esge nara jarnaga inke has phi haminaginigi, waiwank‐hirekjanena egi pej‐eja wot’unairekjanena.
11Hisgexji ni wagiu hajena harnipaxu hajane, washa woishana najgekarateg, eshi hisha hiroinag jira, hiraijera mashjana, hotujis‐shana, E waguje harnira inke wagarniu hiakisgarnina, E Naxirag Wakanjangra harniwaxukjanihawina, egi pej hirassa.
12Waisgabporoporo hiwamaxisha harnijena, egi waisgab‐hoissu hou harnira sge‐karagikjanena. Egi waisgab‐hojhieja waisgab warnira hosto‐wahikjanena, eshi waisgab‐hara taxuwahikjanena manegus pej‐eja.
13Egi shejananegi Jesus Galilea‐eja howajina, Jordan‐eja jina, Johnga hirajina, ni‐hawaxu‐hirekjege.
14Eshi Johnga rogixina, wena: Ne‐eshi ni‐shawaxungi phinana, egi neja hirairajigaja?
15Egi Jesus horniharna wagena: Sheguhiarnaga hingiunane, shesgegi phinana, hophira harnaj exji herekjege. Egi giuna.
16Egi jaja Jesus ni‐hawaxuinegi, higuana nieja anjinakshana. Egi horuxujre, wangregi giruhas hirena, egi Maura Naxirag harnira harnukanag‐hu hajarna, rujgesga hikisge, egi hasherena.
17Egi horuxujre, wangregi hora howajina, wena: De‐e hinigha wagixetera herena, E hakaraipixjina.
Currently Selected:
Matthaiga 3: WIN
Highlight
Copy
Compare
Share
Want to have your highlights saved across all your devices? Sign up or sign in
Published by the American Bible Society in 1907.
