Matthaiga 25
25
1Egi shejanagi hungma wangregi herera hinugwajegra kerepanaisha hikisgekjanena, e hiratasha‐kerehira wakurus‐hiranaga egi hinug‐kanaikjanega hirakjambharairena.
2Egi saja wanaiksabwina egi saja wanaiwowonkhirena.
3Wanaiwowonk‐nanka hiratashakerehi warninera wakurus‐hiranaga egi inke wikini harniarairanina.
4Eshi wanaiksab‐nanka wikini rus‐hiranaga woshura wawokshuirena egi hiratasha‐kerehi warninera hirassa.
5Egi hinug‐kanaikjanega si‐nihege harnaj shjuwainena egi nainena.
6Egi hahekissagkaja, uwaine naxguinena, horuxujwire hinugkanaikjanera huhena, hikipa howarawire.
7Egi hinugwajegnanka harnaj nashinena, egi hiratasha‐kerehi warninera tae‐wakaragirena.
8Egi wanaiwowonknanka wanaiksabnanka wawagairena: Wikini hashiniwira hunkuwine, hiratasha‐kerehi warniwira gisebhirena.
9Eshi wanaiksabnanka hornihairena, wairena: Inke shesgarnina, inke hinuinke wanginani‐kjanihawina. Eshi woruwieja howarawianaga egi hisge khiruwiwine.
10Egi waruwi harairegaja hinug‐kanaikjanega jina, egi jarnaga hikorohornankhi kikanag‐houeja wakishu hokewena, egi jhirobra hornassairena.
11Hageja hinugwajeg hijanenanka hishge hajirena, wairena: Hirukanara, Hirukanara hingiruhaswire.
12Eshi horniharna egi wena: Hisgexjina hinigawina, inke hiniperes‐winina.
13Esge hirakara‐uwine, hamb hajinja egi howagix hajinja Wankshig‐hinigra jikjanegi inke hiraperes‐winina.
14Egi hungma wangregi herera wang‐hisha ma‐harixji hikiwarare hikisgena, e ware warnira wakaragigo‐arnaga egi washa warnira harniu‐wagigina.
15Egi hisha Talentra saja hokuna, hijanera nupiwi hokuna egi hijanera hishankira hokuna, jasgeshana hokiphinegi wagiuna, egi higuana hikiwararena.
16Egi hisha Talentra saja rusga rarnaga wirehiuna egi Talent hijanera saja wiruxurugshana.
17Egi hishge hijane nup rusjega hishge hijanera nupi wiruxurugshana.
18Eshi hisha hishankira rusra rarnaga egi mara k’arnaga egi hirukana harnira shura harnira eja nuxawakanakshana.
19Hageja sixjingaja warananka hirukana harninera kirina, egi wawigikarabshana.
20Egi hisha Talentra saja rus‐nihera jina egi Talent hijanera saja harnijina, wena: Hirukanara Talentra saja harniragigira, horuxujre hawinjeja Talentra saja hiduxurugshana.
21Hirukana harnira wagena: Phirana, ware phi egi wogisogranina, wataginigra phi hirarakarana washara roha hirukana ningigikjanena, hirukana hashinira wogishowa harnieja horakewekjena.
22Egi Talentra nupiwi rus‐nihera hishge jina egi wena: Hirukanara, Talentra nupiwi harniuinagigira, horuxujre hawinjeja Talentra nupiwi hiduxurugshana.
23Hirukana harnira wagena: Phirana, ware phi egi wogisogranina, wataginigra phi hirarakarana, washara roha hirukana ningigikjanena, hirukana hashinira wogishowa harnieja horakewekjena.
24Egi hisha Talentra hishankira rus‐nihera jina egi wena: Hirukanara hiniperes‐shana wang shja‐ranira maxhirakisherena inke ne horashunira egi stowarana inke ne horaieninunige.
25Egi nanikewege, tarnaga egi Talent hashinira marogeja nuxawa‐hakanakshana, horuxujre hakaranine hashinira heregaja.
26Hirukana harnira horniharna egi wagena: Ware wowonk egi worushake ranina, hiraperesgaja max‐hiakisheregi hajinja inke washurnigi egi stohagi hajinja inke waienigi.
27Shura hojhieja shura harnira hogishu phianigaja, egi hakirigi shura harnira hakurusanaga egi hiroshura hirassa.
28Esge Talentra giruswire egi hisha Talentra kerepanaisha harnira hokuwine.
29Egi higu peshe junjegi hokuinekjanena, egi juxjinkjege, eshi hisha jushgunijegi, girus‐hirekjanena jagu harnijegi.
30Egi ware inke washa hikisgarnira hokawasrogeja hornit’urairekjanihawina eja raxag‐wianaga egi hi‐rusgesgexji haranishekjanihawina.
31Jaja Wankshig‐hinigra gloria harnieja jigi egi waxopiniwarajira harnaj wakishu, shejanagi glori hungwaminag harnieja minaikjanena.
32Egi jowehieja wankshig hokirajra harnaj stowagigirekjanena egi khiruje wahikjanena, jhasga hirakarara jhasga warnira egi jharnaxra khiruje‐wahireshununa shesge.
33Egi jhasgara hoishorohieja wakerekjanena, eshi jharnaxra hoirajge‐hieja wakerekjanena.
34Egi Hungnaka hoishoroijananka wawagekjanena, guwire neninewina, Jajiga wogishawa wahira, managre jinagreja hungmara hirushja‐ningigirawira hashiniwina.
35Doikewehira egi waruj hunakuwige, iwusra egi rajga hunakuwige, hijahi harnira egi hokewe hinagigiwige,
36Nanoka harnira, egi waini hunagi‐shawaxuke, hopashara egi homaira‐kiniwige, jhi‐hornaisairera egi hirairajiwige.
37Egi phira hornihairekjanena egi wairekjanena, Hirukanara, jajanane donikewe‐hirajau harnijawishe egi waruj hornikuwishe? Egi iniwusgi egi rajga hornikuwishe?
38Jajanane hijahi hererani harnijawishe egi hokewe‐nigigiwishe? Egi shige nanoka ranigi egi waini ningiuwishe?
39Shige jajanane howasha harnijawianaga egi jhi‐hornassaire harnijawishe egi hiranihiwishe?
40Egi Hungra hornihakjanena egi wawagekjanena: Hisgexjina hinigawina, xunuxjinig warnira hisha jagu ragish’uwingi ne wairagish’uwina.
41Egi hishge hoirajgejananka wawagekjanena, hijahi howeuwine hoshishigowe hire raniwina, manegus pejeja nihawire, e waxopinishishigra egi waxopiniwarajire warninera hirushjawagigirera eja:
42Doikewehira egi inke waruj hunakuwinige, iwusra, egi inke rajga hunak’uwinige.
43Hijahi here harnira egi inke hokewe‐hinagigiwinige, nanoka harnira egi inke waini hunagi‐shawaxugnige, hopashara egi jhi‐hornaisairera egi inke homaira‐kiniwinige.
44Egi hishge hornigi‐hairekjanena, wairekjanena: Hirukanara, jajanane dokewehi egi iwus egi hijahi here ranigi egi nanoka ranigi egi hoshawashagi egi jhi‐hornanissaire harnijawigi egi inke harnini‐hauwishe?
45Egi wawornigihakjanena, wekjanena: Hisgexjina hinigawina, xununig warnira hisha inke washa ragish’uwinigi, hishge inke washa hinagish’uwinina.
46Egi she‐e manegus haweja howarairekjanena eshi phira wankshig‐hoi hisgejaija hokawairekjanena.
Currently Selected:
Matthaiga 25: WIN
Highlight
Copy
Compare
Share
Want to have your highlights saved across all your devices? Sign up or sign in
Published by the American Bible Society in 1907.
Matthaiga 25
25
1Egi shejanagi hungma wangregi herera hinugwajegra kerepanaisha hikisgekjanena, e hiratasha‐kerehira wakurus‐hiranaga egi hinug‐kanaikjanega hirakjambharairena.
2Egi saja wanaiksabwina egi saja wanaiwowonkhirena.
3Wanaiwowonk‐nanka hiratashakerehi warninera wakurus‐hiranaga egi inke wikini harniarairanina.
4Eshi wanaiksab‐nanka wikini rus‐hiranaga woshura wawokshuirena egi hiratasha‐kerehi warninera hirassa.
5Egi hinug‐kanaikjanega si‐nihege harnaj shjuwainena egi nainena.
6Egi hahekissagkaja, uwaine naxguinena, horuxujwire hinugkanaikjanera huhena, hikipa howarawire.
7Egi hinugwajegnanka harnaj nashinena, egi hiratasha‐kerehi warninera tae‐wakaragirena.
8Egi wanaiwowonknanka wanaiksabnanka wawagairena: Wikini hashiniwira hunkuwine, hiratasha‐kerehi warniwira gisebhirena.
9Eshi wanaiksabnanka hornihairena, wairena: Inke shesgarnina, inke hinuinke wanginani‐kjanihawina. Eshi woruwieja howarawianaga egi hisge khiruwiwine.
10Egi waruwi harairegaja hinug‐kanaikjanega jina, egi jarnaga hikorohornankhi kikanag‐houeja wakishu hokewena, egi jhirobra hornassairena.
11Hageja hinugwajeg hijanenanka hishge hajirena, wairena: Hirukanara, Hirukanara hingiruhaswire.
12Eshi horniharna egi wena: Hisgexjina hinigawina, inke hiniperes‐winina.
13Esge hirakara‐uwine, hamb hajinja egi howagix hajinja Wankshig‐hinigra jikjanegi inke hiraperes‐winina.
14Egi hungma wangregi herera wang‐hisha ma‐harixji hikiwarare hikisgena, e ware warnira wakaragigo‐arnaga egi washa warnira harniu‐wagigina.
15Egi hisha Talentra saja hokuna, hijanera nupiwi hokuna egi hijanera hishankira hokuna, jasgeshana hokiphinegi wagiuna, egi higuana hikiwararena.
16Egi hisha Talentra saja rusga rarnaga wirehiuna egi Talent hijanera saja wiruxurugshana.
17Egi hishge hijane nup rusjega hishge hijanera nupi wiruxurugshana.
18Eshi hisha hishankira rusra rarnaga egi mara k’arnaga egi hirukana harnira shura harnira eja nuxawakanakshana.
19Hageja sixjingaja warananka hirukana harninera kirina, egi wawigikarabshana.
20Egi hisha Talentra saja rus‐nihera jina egi Talent hijanera saja harnijina, wena: Hirukanara Talentra saja harniragigira, horuxujre hawinjeja Talentra saja hiduxurugshana.
21Hirukana harnira wagena: Phirana, ware phi egi wogisogranina, wataginigra phi hirarakarana washara roha hirukana ningigikjanena, hirukana hashinira wogishowa harnieja horakewekjena.
22Egi Talentra nupiwi rus‐nihera hishge jina egi wena: Hirukanara, Talentra nupiwi harniuinagigira, horuxujre hawinjeja Talentra nupiwi hiduxurugshana.
23Hirukana harnira wagena: Phirana, ware phi egi wogisogranina, wataginigra phi hirarakarana, washara roha hirukana ningigikjanena, hirukana hashinira wogishowa harnieja horakewekjena.
24Egi hisha Talentra hishankira rus‐nihera jina egi wena: Hirukanara hiniperes‐shana wang shja‐ranira maxhirakisherena inke ne horashunira egi stowarana inke ne horaieninunige.
25Egi nanikewege, tarnaga egi Talent hashinira marogeja nuxawa‐hakanakshana, horuxujre hakaranine hashinira heregaja.
26Hirukana harnira horniharna egi wagena: Ware wowonk egi worushake ranina, hiraperesgaja max‐hiakisheregi hajinja inke washurnigi egi stohagi hajinja inke waienigi.
27Shura hojhieja shura harnira hogishu phianigaja, egi hakirigi shura harnira hakurusanaga egi hiroshura hirassa.
28Esge Talentra giruswire egi hisha Talentra kerepanaisha harnira hokuwine.
29Egi higu peshe junjegi hokuinekjanena, egi juxjinkjege, eshi hisha jushgunijegi, girus‐hirekjanena jagu harnijegi.
30Egi ware inke washa hikisgarnira hokawasrogeja hornit’urairekjanihawina eja raxag‐wianaga egi hi‐rusgesgexji haranishekjanihawina.
31Jaja Wankshig‐hinigra gloria harnieja jigi egi waxopiniwarajira harnaj wakishu, shejanagi glori hungwaminag harnieja minaikjanena.
32Egi jowehieja wankshig hokirajra harnaj stowagigirekjanena egi khiruje wahikjanena, jhasga hirakarara jhasga warnira egi jharnaxra khiruje‐wahireshununa shesge.
33Egi jhasgara hoishorohieja wakerekjanena, eshi jharnaxra hoirajge‐hieja wakerekjanena.
34Egi Hungnaka hoishoroijananka wawagekjanena, guwire neninewina, Jajiga wogishawa wahira, managre jinagreja hungmara hirushja‐ningigirawira hashiniwina.
35Doikewehira egi waruj hunakuwige, iwusra egi rajga hunakuwige, hijahi harnira egi hokewe hinagigiwige,
36Nanoka harnira, egi waini hunagi‐shawaxuke, hopashara egi homaira‐kiniwige, jhi‐hornaisairera egi hirairajiwige.
37Egi phira hornihairekjanena egi wairekjanena, Hirukanara, jajanane donikewe‐hirajau harnijawishe egi waruj hornikuwishe? Egi iniwusgi egi rajga hornikuwishe?
38Jajanane hijahi hererani harnijawishe egi hokewe‐nigigiwishe? Egi shige nanoka ranigi egi waini ningiuwishe?
39Shige jajanane howasha harnijawianaga egi jhi‐hornassaire harnijawishe egi hiranihiwishe?
40Egi Hungra hornihakjanena egi wawagekjanena: Hisgexjina hinigawina, xunuxjinig warnira hisha jagu ragish’uwingi ne wairagish’uwina.
41Egi hishge hoirajgejananka wawagekjanena, hijahi howeuwine hoshishigowe hire raniwina, manegus pejeja nihawire, e waxopinishishigra egi waxopiniwarajire warninera hirushjawagigirera eja:
42Doikewehira egi inke waruj hunakuwinige, iwusra, egi inke rajga hunak’uwinige.
43Hijahi here harnira egi inke hokewe‐hinagigiwinige, nanoka harnira egi inke waini hunagi‐shawaxugnige, hopashara egi jhi‐hornaisairera egi inke homaira‐kiniwinige.
44Egi hishge hornigi‐hairekjanena, wairekjanena: Hirukanara, jajanane dokewehi egi iwus egi hijahi here ranigi egi nanoka ranigi egi hoshawashagi egi jhi‐hornanissaire harnijawigi egi inke harnini‐hauwishe?
45Egi wawornigihakjanena, wekjanena: Hisgexjina hinigawina, xununig warnira hisha inke washa ragish’uwinigi, hishge inke washa hinagish’uwinina.
46Egi she‐e manegus haweja howarairekjanena eshi phira wankshig‐hoi hisgejaija hokawairekjanena.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Published by the American Bible Society in 1907.