Matthaiga 24
24
1Egi Jesus hihinabanaga egi wohokhu‐hojhixetenaka eja nigiowarena. Egi wironag warnira hirahirena wohokhu‐hojhixetenaka houna hajagigirena.
2Eshi Jesus wawagena: Washa de‐e harnaj hashjawishe? Hisgexjina hinigawina, inke inira hisha hirajakikanag harnaganikjanena inke rushe phininagre.
3Egi Oliw‐xe hihageja minaganaku wironagra hirahirena inekhi, wairena: Hungiragwire washa de‐e jajanagi herekjanegishi? Egi rajikjanegi jaguisha wijantinkjanegi egi moshejara herekjanegishi?
4Egi Jesus horniharna egi wawagena: Hirakarauwine inke hisha nigishjanke‐nikjawina.
5Egi roha rash harnira hiunjikjanena, wairekjanena, Kristus newinena. Egi roha gishjankerekjanena.
6Egi kisaire warnanaxgu‐kjanihawina egi kisarnank horaghirekjanena. Horuxujwire egi inke naxirawinianje. Washa de‐e harnaj jasgegi herekjanena, eshi hoshejara kheni hereni waunkjanena.
7Wankshig hokirajra hakikirairekjanena, egi hungmara hakikirairekjanena, egi dokewehi hirekjanena, egi Pestilensra egi mara‐hixgakjanena ningeshana.
8Washa de‐e wonajgetegra hojikerera herekjanena.
9Egi nirushjare hirekjanihawina hawewahieja egi d’eninekjanihawina egi wankshig‐hokirajra harnaj hornish’ighirekjanihawina, rash harnira hawau.
10Egi roha watoxinkjanena egi himakirag‐hirekjanena egi hokish’ig‐hirekjanena.
11Egi prophet woishjankera roha nashinkjanena egi roha gishjankerekjanena.
12Egi wigishanara rohankjanege, esge worohanka howoxete harninera rashjainekjanena.
13Eshi hisha hoshejainja hipa hiwanuxshagi hiungi, e niaimbkjanena.
14Egi hungmara woragphi harnira managre harnaj hihokhuinekjanena e wankshig‐hokirajra harnaj wihowagigikjanena, egi hoshejara jikjanena.
15Egi jaja homahujairera noxgaresge harnira ma‐wakanjangeja nashinje hashjawigi e Daniel prophetra horagshana (higu peshe de‐e egi harnaxgunkjena),
16Jarnaga Judea mowagaxeja uankhi xexeteja hogiashirekjena.
17Higu peshe jhi‐hihageja unjegi inke d’ampanaga jhihojhieja washara hisha kurusnikjena.
18Egi higu peshe maxeja unjegi inke kirianaga waini kurusnikjena.
19Najogijaisge hirekjanena waujganag‐anankhi, egi jarnaga hambananka eja wasiwagiginankhi.
20Eshi gikarajwige hogias hashiniwira inke maninegi herenikjena egi inke shige Sabath‐hambeja.
21Shejanagi hawera rokana hirekjanena, managre jegjinakhi egi tegi hipa inkaga shesgarnina, inkaa, egi inkaga shesgarnikjanena.
22Egi hambananka inke shib‐wahiranigi inke wankshigra hisha niambnikjanena. Eshi gijainera hawau hambananka shib‐wagigirekjanena.
23Shejanagi hisha wanigekjanihawina horuxujwire Kristus egi jena, egi shige goja jena, inke warnaxguwinianje.
24Egi Kristi woishjankera nashinekjanena egi prophet woishjankera nashinekjanena egi washa woijanti egi wowakanjak rokana jantihirekjanena, ruxurugphingishi gijainera waishjanke hiranana.
25Horuxujwire, kheni hereni hornigitagwina.
26Esge wanigairekjanihawina, horuxujwire, mojainainja unjena, inke eowarawinianje, horuxujwire, jhiakohi nuxawainja unakshana inke warnaxguwinianje.
27Egi wakanja‐hojamb hikisge wiaxebhuregi howajikjanena egi wioireja hatashara hirakere, shesge Wankshig‐hinigra jigikjanena.
28Higu hajainja ro‐d’erakhi, egi jaxshebra stokhihirekjanena.
29Hamb hawarnanka hageja higuana hambwira hokawais‐kjanena egi hahewira inke hohamb‐hinikjanena, egi wiragoshgera shibrairekjanena, egi homashja wangregi herera hixgainekjanena.
30Egi shejanagi wangregi Wankshig‐hinigra washa woijanti warnira jantinekjanena. Egi shejanagi wankshig‐hokiraj manegi herera harnaj xag‐hirekjanena, egi Wankshig‐hinigra wangregi maxiwieja huhe hajairekjanena, homashja egi gloria rokana harni.
31Egi waxopiniwarajire warnira hu‐wagigikjanena, dutuera mashja wowexu hajirekjanena, egi sto‐wahirekjanena gijaine warnira hohuhira hijopihike howe‐warnihakirirekjanena, maxi hosheja akhi warni‐hakirirekjanena.
32Washa hisgera Fig‐nara hipereswire, jaja akarajgera naroni hoshuiregi egi abra haxeb‐hiranana, hirapereswinana dogra hiwusunsh hotara.
33Hishge shesgawiaje, jaja washa de‐e harnaj hashjawigi, hipereswiaje hiwusunsh hotara jhirobeja jena.
34Hisgexjina hinigawina, wankshig‐hoi de‐e inke shejanikjanena, jaja washa de‐e harnaj exji heregi epa.
35Maxira egi mara shejainekjanena eshi hoit’e harnira inke shejanikjanena.
36Eshi hamb‐she‐e egi howagix‐she‐e inke hisha hiperesnikjanena, inkaa, inke waxopiniwarajire wangregi herera hiperes‐hiranikjanena, eshi Jajiga eshana.
37Eshi Noah hamb warnieja wauinera shesgekjanena, hishge shesgekjanena Wankshig‐hinigra jikjanegi.
38Wankshignaka jasge hiranihera hamb‐eja kheni ninjara jini, waruj‐hirena, rajgainena, kikanag‐hirena, egi kikanag‐wagigi‐hirena, Noah waj‐eja hoikewera hambejipa,
39Egi inke washara hisha hiperes‐ninank’u, ninjara jina egi harnaj warninena, hishge shesgekjanena Wankshig‐hinigra jigi.
40Egi shejanagi nupiwi maxeja u‐anjegi, hisha rushiranaga egi hijanejega t’unairekjanena.
41Hinugra nupiwi worujobeja warujob‐nankhi, hisha rus‐hiranaga egi hijanejega t’unairekjanena.
42Esge hirakara‐uwine, inke hiraperesni‐harajena Hirukana hashiniwira howagix hajinja jikjanegi.
43Eshi de‐e wewiwianje: Jhi‐hirukanara hiperesgi howagix hajinja wamanukera jikjanegi, hirakaranana, egi jhi harnira inke gixux hokewe‐gigininana.
44Esge nishge hikoroho‐hajanje, howagixra hisha‐eja inke shesge shewewini‐harajau Wankshig‐hinigra jikjanena.
45Egi peshe wogisogjeshe egi ware wanaiksabshe e hirukana harnira jhi harnira hirukana‐wagiginashe hijarna‐jexjinga waruj wogarnashe?
46Ware she‐e wogishawarnana e hirukana harnira jaja kirigi deshesge hijau hiegi.
47Hisgexjina hinigawina, jarnaga washa warnira wirukana‐giginana.
48Eshi ware wowonkjega najge harnira wakara‐garnana: Hirukana harnira si‐i inke kirini sheshi,
49Egi wangware wakishura wawojinjirena, egi warujanaga egi warajganaga jarnigshana,
50Warajega hirukana harnira hamb‐hishaeja inke karakjamb‐nijau kirinana, egi howagix eja hawushirihinana.
51Egi hoikunugra nup hiranana, egi hipokritra wawikisge ungiginana, eja xagni‐harnana egi hirusgesgexji.
Currently Selected:
Matthaiga 24: WIN
Highlight
Copy
Compare
Share
Want to have your highlights saved across all your devices? Sign up or sign in
Published by the American Bible Society in 1907.
Matthaiga 24
24
1Egi Jesus hihinabanaga egi wohokhu‐hojhixetenaka eja nigiowarena. Egi wironag warnira hirahirena wohokhu‐hojhixetenaka houna hajagigirena.
2Eshi Jesus wawagena: Washa de‐e harnaj hashjawishe? Hisgexjina hinigawina, inke inira hisha hirajakikanag harnaganikjanena inke rushe phininagre.
3Egi Oliw‐xe hihageja minaganaku wironagra hirahirena inekhi, wairena: Hungiragwire washa de‐e jajanagi herekjanegishi? Egi rajikjanegi jaguisha wijantinkjanegi egi moshejara herekjanegishi?
4Egi Jesus horniharna egi wawagena: Hirakarauwine inke hisha nigishjanke‐nikjawina.
5Egi roha rash harnira hiunjikjanena, wairekjanena, Kristus newinena. Egi roha gishjankerekjanena.
6Egi kisaire warnanaxgu‐kjanihawina egi kisarnank horaghirekjanena. Horuxujwire egi inke naxirawinianje. Washa de‐e harnaj jasgegi herekjanena, eshi hoshejara kheni hereni waunkjanena.
7Wankshig hokirajra hakikirairekjanena, egi hungmara hakikirairekjanena, egi dokewehi hirekjanena, egi Pestilensra egi mara‐hixgakjanena ningeshana.
8Washa de‐e wonajgetegra hojikerera herekjanena.
9Egi nirushjare hirekjanihawina hawewahieja egi d’eninekjanihawina egi wankshig‐hokirajra harnaj hornish’ighirekjanihawina, rash harnira hawau.
10Egi roha watoxinkjanena egi himakirag‐hirekjanena egi hokish’ig‐hirekjanena.
11Egi prophet woishjankera roha nashinkjanena egi roha gishjankerekjanena.
12Egi wigishanara rohankjanege, esge worohanka howoxete harninera rashjainekjanena.
13Eshi hisha hoshejainja hipa hiwanuxshagi hiungi, e niaimbkjanena.
14Egi hungmara woragphi harnira managre harnaj hihokhuinekjanena e wankshig‐hokirajra harnaj wihowagigikjanena, egi hoshejara jikjanena.
15Egi jaja homahujairera noxgaresge harnira ma‐wakanjangeja nashinje hashjawigi e Daniel prophetra horagshana (higu peshe de‐e egi harnaxgunkjena),
16Jarnaga Judea mowagaxeja uankhi xexeteja hogiashirekjena.
17Higu peshe jhi‐hihageja unjegi inke d’ampanaga jhihojhieja washara hisha kurusnikjena.
18Egi higu peshe maxeja unjegi inke kirianaga waini kurusnikjena.
19Najogijaisge hirekjanena waujganag‐anankhi, egi jarnaga hambananka eja wasiwagiginankhi.
20Eshi gikarajwige hogias hashiniwira inke maninegi herenikjena egi inke shige Sabath‐hambeja.
21Shejanagi hawera rokana hirekjanena, managre jegjinakhi egi tegi hipa inkaga shesgarnina, inkaa, egi inkaga shesgarnikjanena.
22Egi hambananka inke shib‐wahiranigi inke wankshigra hisha niambnikjanena. Eshi gijainera hawau hambananka shib‐wagigirekjanena.
23Shejanagi hisha wanigekjanihawina horuxujwire Kristus egi jena, egi shige goja jena, inke warnaxguwinianje.
24Egi Kristi woishjankera nashinekjanena egi prophet woishjankera nashinekjanena egi washa woijanti egi wowakanjak rokana jantihirekjanena, ruxurugphingishi gijainera waishjanke hiranana.
25Horuxujwire, kheni hereni hornigitagwina.
26Esge wanigairekjanihawina, horuxujwire, mojainainja unjena, inke eowarawinianje, horuxujwire, jhiakohi nuxawainja unakshana inke warnaxguwinianje.
27Egi wakanja‐hojamb hikisge wiaxebhuregi howajikjanena egi wioireja hatashara hirakere, shesge Wankshig‐hinigra jigikjanena.
28Higu hajainja ro‐d’erakhi, egi jaxshebra stokhihirekjanena.
29Hamb hawarnanka hageja higuana hambwira hokawais‐kjanena egi hahewira inke hohamb‐hinikjanena, egi wiragoshgera shibrairekjanena, egi homashja wangregi herera hixgainekjanena.
30Egi shejanagi wangregi Wankshig‐hinigra washa woijanti warnira jantinekjanena. Egi shejanagi wankshig‐hokiraj manegi herera harnaj xag‐hirekjanena, egi Wankshig‐hinigra wangregi maxiwieja huhe hajairekjanena, homashja egi gloria rokana harni.
31Egi waxopiniwarajire warnira hu‐wagigikjanena, dutuera mashja wowexu hajirekjanena, egi sto‐wahirekjanena gijaine warnira hohuhira hijopihike howe‐warnihakirirekjanena, maxi hosheja akhi warni‐hakirirekjanena.
32Washa hisgera Fig‐nara hipereswire, jaja akarajgera naroni hoshuiregi egi abra haxeb‐hiranana, hirapereswinana dogra hiwusunsh hotara.
33Hishge shesgawiaje, jaja washa de‐e harnaj hashjawigi, hipereswiaje hiwusunsh hotara jhirobeja jena.
34Hisgexjina hinigawina, wankshig‐hoi de‐e inke shejanikjanena, jaja washa de‐e harnaj exji heregi epa.
35Maxira egi mara shejainekjanena eshi hoit’e harnira inke shejanikjanena.
36Eshi hamb‐she‐e egi howagix‐she‐e inke hisha hiperesnikjanena, inkaa, inke waxopiniwarajire wangregi herera hiperes‐hiranikjanena, eshi Jajiga eshana.
37Eshi Noah hamb warnieja wauinera shesgekjanena, hishge shesgekjanena Wankshig‐hinigra jikjanegi.
38Wankshignaka jasge hiranihera hamb‐eja kheni ninjara jini, waruj‐hirena, rajgainena, kikanag‐hirena, egi kikanag‐wagigi‐hirena, Noah waj‐eja hoikewera hambejipa,
39Egi inke washara hisha hiperes‐ninank’u, ninjara jina egi harnaj warninena, hishge shesgekjanena Wankshig‐hinigra jigi.
40Egi shejanagi nupiwi maxeja u‐anjegi, hisha rushiranaga egi hijanejega t’unairekjanena.
41Hinugra nupiwi worujobeja warujob‐nankhi, hisha rus‐hiranaga egi hijanejega t’unairekjanena.
42Esge hirakara‐uwine, inke hiraperesni‐harajena Hirukana hashiniwira howagix hajinja jikjanegi.
43Eshi de‐e wewiwianje: Jhi‐hirukanara hiperesgi howagix hajinja wamanukera jikjanegi, hirakaranana, egi jhi harnira inke gixux hokewe‐gigininana.
44Esge nishge hikoroho‐hajanje, howagixra hisha‐eja inke shesge shewewini‐harajau Wankshig‐hinigra jikjanena.
45Egi peshe wogisogjeshe egi ware wanaiksabshe e hirukana harnira jhi harnira hirukana‐wagiginashe hijarna‐jexjinga waruj wogarnashe?
46Ware she‐e wogishawarnana e hirukana harnira jaja kirigi deshesge hijau hiegi.
47Hisgexjina hinigawina, jarnaga washa warnira wirukana‐giginana.
48Eshi ware wowonkjega najge harnira wakara‐garnana: Hirukana harnira si‐i inke kirini sheshi,
49Egi wangware wakishura wawojinjirena, egi warujanaga egi warajganaga jarnigshana,
50Warajega hirukana harnira hamb‐hishaeja inke karakjamb‐nijau kirinana, egi howagix eja hawushirihinana.
51Egi hoikunugra nup hiranana, egi hipokritra wawikisge ungiginana, eja xagni‐harnana egi hirusgesgexji.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Published by the American Bible Society in 1907.