Matthaiga 21
21
1Egi jaja Jerusalemra hiwusunsh hajiregi egi Bethphageeja hajirena Oliw‐xeja hina, egi Jesus hironag warnira nupiwi regigina.
2Wawagena: Jowerawiregi jhinagnagre eowarawire, egi higuana shungxetenajawaxeteisha rusgij‐jau hish’ekjanihawina egi ningra hakarakishu, girushgawige egi waigarni‐kiriwiaje.
3Egi hisha washa hinigawigi, wawiaje, Hirukanara wiunkjanege, egi higuana huwagigikjanena.
4Washa de‐e harnaj uinare exji herekjege, wauna jagu prophetra arnihera, wena:
5Sion hinugra hogiragwire; horuxujre, hung hashinira hiranihina najgera shawa egi shungxetenajawaxete haminagshana, harexirighisha, wanoijge‐wakingigireisha hinigra herena.
6Egi hironagra harairena, egi jasge Jesus hiwash’ira uinena.
7Egi shungxetenajawaxetera harniakirirena egi harexirigra hirassa, egi waini warninera hijawashuirena, egi haminag‐gigirena.
8Egi worohanka harnaj‐nisge waini warninera nagueja womishhirena hijanenanka na‐akarajge gijgis‐hiranaga egi nagueja horuerena.
9Egi woroha jowera howarena egi woroha hironaganangkhi uwainena, wairena, Hosanna Dawid hinigra giuinera. Rajankwire Hirukanara rash harnira harnijira, Hosanna wangregi herera hirekjanena.
10Egi jaja Jerusalem‐eja jigi, jhinagananka harnaj hixgana, wairena: Peshe de‐e hereshe?
11Egi worohanka wairena: De‐e Jesus prophet Nasareth‐eja herera herena Galilea mowagax‐eja.
12Egi Jesus Maura wohokhu‐hojhixete harnieja hokewena, egi jarnaga wohokhu‐hojhixeteja washa wiruwinankhi egi waruwinankhi harnaj jangra wowahas‐shana, egi shura‐hoikiruja warujra wawakhana, egi rujgesga wiruwi waminagnankhi.
13Egi wawagena: Wagaxankshana: Jhi‐harnira gikaraj‐hojhira higairekjanena, eshi wamanuke hojhi sh’uwina.
14Egi hishjarningra egi manirushagra wohokhu‐hojhixeteja hirajirena, egi rushjawahina.
15Egi jaja nabhoruxaj‐hirukana hungra egi wowagaxhiperesra washa wowakanjank unga wajairegi egi ninkjangnigra e wohokhuhojhixeteja uwanankhi egi wairena: Hosanna Dawid hinigra giuinena, mashja inke giphihiranina,
16Egi wagairena: Nanaxgu rajeshe jagu arnangre? Egi Jesus wawagena: Hojia, jasge inkaga (wowagaxra) hashjawinishe, ninkjang xununigra egi wasinankhi ira shesge‐wahige rajank‐nankshana?
17Egi eja wat’unena, egi jhinageja hihinabanaga egi Bethania‐eja howarena egi hahe‐eja hiwusharna.
18Egi haininegi jhinageja hakja howakarahau dokewehina.
19Egi jaja nagueja Fig‐na‐hisha hajagi hijahina, egi inke washa haminagnina, eshi na‐abrashana‐jena, egi najega wagena: howarehikjanihare manegus inkaga has hamininagnikjanena. Egi higuana Fig‐najega hatat’egshana.
20Egi jaja hironagnanka najega hajairegi, khorairena, wairena: Xapgexjinig Fig‐najane hatat’eg.
21Jesus horniharna egi wawagena: Hisgexjina hinigawina, harnaxgu hashiniwingi egi inke khibarawinigi, inke Fig‐nanagreshana shesge waragigiwininana, eshi xenagre waragarnana, gixanane egi tejainja hokit’unare hiragegi, nigiunana.
22Egi washara harnaj, jagurisha ratawigi, harnanaxguwingi, shurusikjanihawina.
23Egi jaja wohokhu‐hojhixeteja hokewegi egi washa wagigus‐jau nabhoruxaj hirukana hungra egi wankshigra xete warninera hirajirena, egi wairena: Homashja jaguisha hiu washa de‐e sh’ushe egi homashja de‐e peshe hornik’ushe?
24Egi Jesus horniharna egi wawagena: Nishge washaisha hinigipaixjanihawina, e hunagisharagwigi, nishge hornigitaikjanihawina homashja jaguisha hiu washa de‐e hauanjane.
25John niwawaxu harnira hajinja howajishe? Wangregi nigeshge wankshigregi? Egi hokikit’airena wairena: Wangregi howajina hiawigi jagu‐u inke harnanaxguwinishe wangigekjanihawina,
26Eshi wankshigregi hiawigi wankshigra hiwarnakawa‐wigaja, Johnga harnaj prophet hiranai hirege.
27Egi Jesus hornigihairena egi wairena: Inkehiapereswinina. Egi wawagena: Hishge inke hornigitagwinina homashja jaguisha hiu washa de‐e haura.
28Eshi jagu hirarawishe? Wangisha nupiwi hinighigi, egi jegejajega hirahina egi wagena: Hinighaxji, habsinshmax harnieja hamb de‐e wararare.
29Horniharna egi wena: Inke haunina, eshi hageja najgerakarateg harnaga egi rena.
30Egi hinubeja‐jega hirahina egi shige shesge higena, egi horniharna egi wena: Tekjanena hirukanara, egi inke ranina.
31Nup hajawinga hajanga hianjhiwira jagu era giuwishe? Wagairena: Jegejajega. Jesus wawagena: Hisgexjina hinigawina, Publikanra egi hinug‐wowongra e jorni jowerawieja Maura hungma harnieja hokawairena.
32Johnga hiranijiwina, nagu hophira ningigus‐jiwina egi inke harnanaxguwinina, eshi Publikanra egi hinugwowongra harnaxguinena. Egi ne hashjawira inke hageja najgerarakarategwianaga harnanaxguwinina.
33Hisgera hijaneisha naxguwine: Jhirukanaisha ejanankhi e habsinsh hoshuna, egi mara k’arnaga habsinshhowaxgink hisha hijakanagshana, egi jhi‐hankshi hisha una egi max‐hirakaraija hornaj‐wagigina, egi ma‐harixji howarena.
34Egi jaja hasra dujhiregi ware warnira max‐hirakarananka eja howarewagigina, hasra hisge rus‐hirekjege.
35Egi max hirakarananka jhirukanara ware warnira warusanaga egi hisha hojina, egi hisha d’ehina egi hisha inihigissagshana.
36Shige ware hijane regigina hiraijera jorni hahirera, egi shige shesge wagigirena.
37Eshi hirowageja hinigra hijo‐waregigina, wena: Hinighara hingish’aghirekjanegaja.
38Eshi jaja max‐hirakarananka hinig hirajega hajairegi, wakigairena: De‐e hoishjana harnira herena, huwire, d’ehikjawina egi hoishjaine harnira harnikjawina.
39Egi harukos‐hirena, egi habsinsh‐max jangeja hot’unairanaga egi d’ehirena.
40Jaja habsinsh‐max‐hirukanajega jigi max‐hirakarananka jagu wagiunkjaneshe?
41Wagairena: Wangwowongnanka mashja maisinsh wahikjanegaja egi maxhirakara hijaneja habsinsh‐max harnira hornaj‐wagigikjanena, e has‐hodujra herega hokaraik’u‐hirekjanena.
42Jesus wawagena: Jasge inkaga wowagaxeja hashjawinishe: Inisha e jhiura nigiot’unairegi e ini haminag hopassera hahi herenana? Maura E shesge hina, egi hajara khorewahina.
43Esge wanigawina: Maura hungma harnira ningirushirekjanihawina egi wankshig‐howajehieja wogairekjanena e hasra Maura wagarni‐hahirekjanena.
44Higu peshe ini de‐e hashibregi gishishishjanena, eshi ininaka peshe hashibregi rujoibjanena.
45Egi jaja nabhoruxaj‐hirukana‐hungra egi Pharisera hisgera harnira naxguinegi, hiperes‐hirena e wawagera.
46Egi harukos‐nainena, eshi worohanka wanakawairena, prophet hisha here hirana‐inanke esge.
Currently Selected:
Matthaiga 21: WIN
Highlight
Copy
Compare
Share
Want to have your highlights saved across all your devices? Sign up or sign in
Published by the American Bible Society in 1907.
