Matthaiga 16
16
1Egi Pharisera egi Sadusera wakishu hajirena, egi hiunjairena, wangregi washa woijanti wagiunkje rogiguinena.
2Egi horniharna egi wawagena: Hoxjarnaga washa wishununa, hamb phinkjanena, maxira shujge esge.
3Egi hainiga washa wishununa hamb de‐e hamb shishig gikjanena maxira shujanaga egi maxiwixiwiga. Hipokrit raniwina, maxira hashjawiga hambra jasgekjanega hirapereswina, eshi jasgegaja washa woijanti hambnagre inke wiperes‐shuruxurugwinishe?
4Wankshighol wowonk egi kikanag‐rushe raniwira washa woijanti horaniwina, egi inke washa woijanti hornikui‐ranikjanihawina eshi Jonas prophetga washa woijanti harninahshana. Egi wat’unenashina egi nigeowarena.
5Egi jaja hironag warnira ageja hahiregaja, waisgabdujra harninekjanegi wakikununi hirena.
6Egi Jesus wawagena: Hirakara‐uwine Pharisera egi Sadusera winawohi harninera hinakewe khiwianje.
7Egi hokikit’airena wairena: Inke waisgab‐duj harnin‐jiwinina esge weguni.
8Egi jaja Jesus de‐e wawiperesgi wawagena: Harnaxgu xununig raniwingaja, jagu‐u horakikit’e hashanakshe, inke waisgab‐duj hashinirajiwinigi?
9Jasge higu kheni washa hiraperes‐winishe? egi shige inke shewewiwinishe? Waisgab‐horok’ira sajara hogihixete‐saja wakura, egi napara jarnaga hoixji storawishe?
10Egi shige inke shewewi‐winishe waisgab‐horok’ira shagowira hogihixete‐job wakura, egi napara jarnaga hoixji storawishe?
11Jasgegaja inke hirapers‐winishe, inke hornikit’awire waisgab waganina, eshi Pharisera egi Sadusera winawohi harninera hinakewe rakinkjawige.
12Gajanga hiperes‐hirena, inke waisgab‐hinawohi hinakewe khi washi warnira, eshi Pharisera egi Sadusera wogus harninera wagena.
13Jaja Jesus Kesarea Philippi hijejeja higi, wironag warnira wawigiwaxshana, wena: Wankshig‐hinig hire hajera peshe wiheshe wankshigra arnankshe?
14Egi wairena: Hota warnankshana John Niwawaxunga nineshe, hota Elias nineshe, egi hota Jeremias nineshe nigeshge prophet hijanera hisha nineguni airena.
15Egi wawagena: Eshi peshe wineshe hishawishe?
16Egi Simon Peter horniharna egi wena: Kristus neninegaja, Mau niambra Hinigra.
17Egi Jesus horniharna egi wagena: Wornigishawashanakshana Simon Jona hinigra, rora egi waira inke de‐e hiperes‐ninina, eshi Jajiga wangregi nagre.
18Egi hinigena: Peter ninena, egi ini hihag degi wohokhubojhi harnira hakarakanaikjanena, egi hote homashjara inke hakiranaga warnanikjanena.
19Egi hung‐ma wangregi herera jhirob‐hiruhasra hornikunkjanena, egi jagura hisha manegi shurusgijgi, wangregi rusgijaikjanena, egi jagura hisha manegi shurushgegi, wangregi rushgagikjanena.
20Egi wironag warnira warogixina, inke hisha hogiraghiranikje E Jesus Kristus herejera.
21Epa Jesus wironag warnira wawogiragshana, jasgegi Jerusalem‐eja howaranaga egi washara rohaxji hawekjanegi, xetera wauinekjanena egi nabhoruxaj‐hirukana hungra egi Wowagax‐hiperesra, egi d’ehirekjanegi egi hamb hidani‐hangi shige kikawa‐akjanegi.
22Egi Peter Jesus russana egi najisgijirena wena: Inke shesgarnigaja Hirukanara, inke deshesge ningigi‐hiranikjanena.
23Eshi hijopahi‐jijeanaga egi Peter wagena: Hagregi une Satanra, joweregi hinagi shurujena, wowewi hashinira inke Maura washa warnieja herenina, eshi wankshig washa warnieja herena.
24Egi Jesus wironag warnira wawagena: Hisha hiroinaikjegi, kikurushjarehikjena egi nanamihera kurusanaga egi hiroinaikjena.
25Higu peshe wankshighoi harnira niambkhingi, wankshighoira xawarnikaragikjanena, egi higu peshe wankshighoira xawarnikaragigi rash harnira hawau, wankshig‐hoira hik’ekjanena.
26Egi wangrisha managre harnaj ruxurugkhi jaguophi howekjaneshe egi naxirag earnira xawarnihigi? Egi wangjega naxirag earnira jaguisha hakja hikuruwinashe?
27Egi Wankshig‐hinigra, Hianjra gloria harnieja jikjanena, waxopiniwarajire warnira wakishu, egi eja wankshigra jarnaga worera jagushana unankhi hirowe‐wagigikjanena.
28Hisgexjina hinigawina, eegi hotanankshana e inke hot’e harajab‐hiranikjanena, Wankshig‐hinigra hung‐ma harnieja howaji hajairegi epa.
Currently Selected:
Matthaiga 16: WIN
Highlight
Copy
Compare
Share
Want to have your highlights saved across all your devices? Sign up or sign in
Published by the American Bible Society in 1907.
Matthaiga 16
16
1Egi Pharisera egi Sadusera wakishu hajirena, egi hiunjairena, wangregi washa woijanti wagiunkje rogiguinena.
2Egi horniharna egi wawagena: Hoxjarnaga washa wishununa, hamb phinkjanena, maxira shujge esge.
3Egi hainiga washa wishununa hamb de‐e hamb shishig gikjanena maxira shujanaga egi maxiwixiwiga. Hipokrit raniwina, maxira hashjawiga hambra jasgekjanega hirapereswina, eshi jasgegaja washa woijanti hambnagre inke wiperes‐shuruxurugwinishe?
4Wankshighol wowonk egi kikanag‐rushe raniwira washa woijanti horaniwina, egi inke washa woijanti hornikui‐ranikjanihawina eshi Jonas prophetga washa woijanti harninahshana. Egi wat’unenashina egi nigeowarena.
5Egi jaja hironag warnira ageja hahiregaja, waisgabdujra harninekjanegi wakikununi hirena.
6Egi Jesus wawagena: Hirakara‐uwine Pharisera egi Sadusera winawohi harninera hinakewe khiwianje.
7Egi hokikit’airena wairena: Inke waisgab‐duj harnin‐jiwinina esge weguni.
8Egi jaja Jesus de‐e wawiperesgi wawagena: Harnaxgu xununig raniwingaja, jagu‐u horakikit’e hashanakshe, inke waisgab‐duj hashinirajiwinigi?
9Jasge higu kheni washa hiraperes‐winishe? egi shige inke shewewiwinishe? Waisgab‐horok’ira sajara hogihixete‐saja wakura, egi napara jarnaga hoixji storawishe?
10Egi shige inke shewewi‐winishe waisgab‐horok’ira shagowira hogihixete‐job wakura, egi napara jarnaga hoixji storawishe?
11Jasgegaja inke hirapers‐winishe, inke hornikit’awire waisgab waganina, eshi Pharisera egi Sadusera winawohi harninera hinakewe rakinkjawige.
12Gajanga hiperes‐hirena, inke waisgab‐hinawohi hinakewe khi washi warnira, eshi Pharisera egi Sadusera wogus harninera wagena.
13Jaja Jesus Kesarea Philippi hijejeja higi, wironag warnira wawigiwaxshana, wena: Wankshig‐hinig hire hajera peshe wiheshe wankshigra arnankshe?
14Egi wairena: Hota warnankshana John Niwawaxunga nineshe, hota Elias nineshe, egi hota Jeremias nineshe nigeshge prophet hijanera hisha nineguni airena.
15Egi wawagena: Eshi peshe wineshe hishawishe?
16Egi Simon Peter horniharna egi wena: Kristus neninegaja, Mau niambra Hinigra.
17Egi Jesus horniharna egi wagena: Wornigishawashanakshana Simon Jona hinigra, rora egi waira inke de‐e hiperes‐ninina, eshi Jajiga wangregi nagre.
18Egi hinigena: Peter ninena, egi ini hihag degi wohokhubojhi harnira hakarakanaikjanena, egi hote homashjara inke hakiranaga warnanikjanena.
19Egi hung‐ma wangregi herera jhirob‐hiruhasra hornikunkjanena, egi jagura hisha manegi shurusgijgi, wangregi rusgijaikjanena, egi jagura hisha manegi shurushgegi, wangregi rushgagikjanena.
20Egi wironag warnira warogixina, inke hisha hogiraghiranikje E Jesus Kristus herejera.
21Epa Jesus wironag warnira wawogiragshana, jasgegi Jerusalem‐eja howaranaga egi washara rohaxji hawekjanegi, xetera wauinekjanena egi nabhoruxaj‐hirukana hungra egi Wowagax‐hiperesra, egi d’ehirekjanegi egi hamb hidani‐hangi shige kikawa‐akjanegi.
22Egi Peter Jesus russana egi najisgijirena wena: Inke shesgarnigaja Hirukanara, inke deshesge ningigi‐hiranikjanena.
23Eshi hijopahi‐jijeanaga egi Peter wagena: Hagregi une Satanra, joweregi hinagi shurujena, wowewi hashinira inke Maura washa warnieja herenina, eshi wankshig washa warnieja herena.
24Egi Jesus wironag warnira wawagena: Hisha hiroinaikjegi, kikurushjarehikjena egi nanamihera kurusanaga egi hiroinaikjena.
25Higu peshe wankshighoi harnira niambkhingi, wankshighoira xawarnikaragikjanena, egi higu peshe wankshighoira xawarnikaragigi rash harnira hawau, wankshig‐hoira hik’ekjanena.
26Egi wangrisha managre harnaj ruxurugkhi jaguophi howekjaneshe egi naxirag earnira xawarnihigi? Egi wangjega naxirag earnira jaguisha hakja hikuruwinashe?
27Egi Wankshig‐hinigra, Hianjra gloria harnieja jikjanena, waxopiniwarajire warnira wakishu, egi eja wankshigra jarnaga worera jagushana unankhi hirowe‐wagigikjanena.
28Hisgexjina hinigawina, eegi hotanankshana e inke hot’e harajab‐hiranikjanena, Wankshig‐hinigra hung‐ma harnieja howaji hajairegi epa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Published by the American Bible Society in 1907.