Matthaiga 15
15
1Egi Jesus hirajirena Wowagax‐hiperesra egi Pharisera e Jerusalem‐eja howajirena, wairena:
2Jagu‐u hironag washinira xetera woshga warninera wigishana hireshe? E inke nab warninera wakurusharninankshana waisgab ruj hirega.
3Egi horniharna egi wawagena: Jagu‐u Maura uwashi harnira nishge hiraishanawishe woshga hashiniwira hawau.
4Maura uwashina ena: Hianjraga karaishagre egi hiuniraga, egi hisha hianjra egi hiunira washoshishig howe warogigungi, d’ehirekjena.
5Eshi washawina: Higu peshe hianjra egi hiunira wagarnana, wogaisha herena, jagu hophi egi hu‐shuruswinara,
6Shesgera wauiranana inke hianjra egi hiunira wakaraishagnina. Deshesgerawina Maura uwashi harnira inke washinkisge rawinina woshga hashiniwira hawau.
7Hipokrit‐raniwina, Esaias phi prophet‐ningigiwina wena:
8Wankshignagre hiwusunsh hahuirena irashana egi hingishaghirena ixura wik’u, eshi najge warninera hari hingiunankshana.
9Eshi hoinigexji hingikaraj‐nankshana wankshig uwashi wogus wagigusnanke esge.
10Egi worohanka wagigorna egi wawagena: Naxguwine egi hipereswire,
11Inke she‐e ieja howairajega wankshigra shishig‐hininana, eshi jagu ieja howajinanka she‐e wankshigra shishig‐hinana.
12Egi wironag warnira hirakirirena egi wagairena: Hiraperesshe Pharisera wogiteg‐hirera washa de‐e hishera naxguinera?
13Egi horniharna egi wena: Washa jagu haxebnankhi e wangregi Hianjhara inke woshuni waunankhi, rejuna wirushoroj‐hirekjanena.
14Shegu unang‐wahiwire, hishjarning hishjarning‐rutiwaunankshana, egi hishjarningra hisha hishjarningra rutigi, hinuinke mopoxeja hoshibrairekjanena.
15Egi Peter horniharna egi wagena: Washinsgera de‐e wijanti‐hungiragwire.
16Egi Jesus wena: Nishge inke nanaxguwinishe?
17Kheni higu hiraperes‐winishe, jagura hisha ieja howairanaga nixaija howairegi, egi jangeja horeja hot’unarnana?
18Eshi washa jagu ieja haxebanka, najge‐eja howajiakshana, egi she‐e wankshigra shishig‐hinana.
19Najge‐eja howajiakshana wowewi shishigra, wankshigd’ehira, kikanag‐rushera, hikikshakshara, wamanura, retungra egi waraxjashgunira.
20Washa de‐e wankshigra shishig‐wahinana. Eshi nabra inke rusharani warujra, inke wankshigra shishig‐hininana.
21Egi Jesus eja rena egi Tirus egi Sidon hijejera howarena.
22Egi horuxujre Kanaan hinugisha hijej‐eja howajina egi giuwana, wena: Naj‐hungijane Hirukanara Dawid hinigra ninegaja, hinughara waxopinishishig hawehira rokana wagiunankshana.
23Eshi inke hoit’eisha hornigiharnina. Eshi wironag warnira hirajiranaga gitairena, wairena: Hinugra keregigire, uwa wangaruxe hahanke.
24Eshi horniharna egi wena: Jhasga xawarnira Israeljhira eshana wawagiu huingigina.
25Egi hinugjega jiarnaga egi gikaraj‐shana, wena: Hirukanara hingijirare.
26Eshi horniharna egi wagena: Inkephinina ninkjangnigra waisgab harnira wagirusanaga egi shung‐eja wogit’unera.
27Egi hinugjega wena: Hirukanara hisgegaja. Shesgarnunige shungnagre hoxjugra ruj‐nankshana, hirukana warninera waruj harnieja shibrairega.
28Egi Jesus horniharna egi hinugjega wagena: Hinugra harnaxgu hashinira rokanagaja, jasge waragera ningiuinekjena. Egi hinugjega hinugra rushjahirena howagixeja.
29Egi Jesus eja rena, egi Galilea tera hiwusunsh hina, egi xexeteisha eja hotina egi eja minagshana.
30Egi worohaxji hirahina, jarnaga manirushagra wakarani egi hishjaningra, iningra, hokishigra egi hijanera rohaxji, egi Jesus sii‐hieja wagishuirena, egi rushjawahina.
31Sheshesgehigi worohanka khorairena, jaja i‐ningra hit’et’e wajairegi, hokishigra rushjainegi, manirushagra maninegi, egi hishjarningra wajairegi, egi Israel Mau harninera rajank‐hirena.
32Egi Jesus wironag warnira wakaragigorna egi wena: Worohangre naj‐wagijana, hambra daniha hinkishu uinege, egi inke waruj juiranina, egi inke kere‐wagiginikjanena inke warujni, nigete nagueja hagi hokikurushag‐hirege.
33Egi wironag warnira wagairena: Hajinja waisgabra rokana horus‐kjanihawishe mojainanegi worohaxjiangre wainaj‐wahira.
34Egi Jesus wawagena: Horok’ina jarnaga hashiniwishe? Egi wairena: Shagowe egi ho‐xununigra jarnagi.
35Egi worohanka mainja minag wa’shina.
36Egi horok’i shagoweanka egi hora warussana egi wainabshana egi warujhena egi wironag warnira wawogarna egi wironagnanka worohanka‐eja wawogairena.
37Egi harnaj waruj‐hirena, egi wainaj‐hirena, egi waruj horujejera warus‐hiregi napara shagowe hoixji hotarna.
38Egi jarnaga warujga wangra hogihixete‐jobshana, hinugra egi ninkjangnigra inke gikarabnira.
39Egi worohanka kere‐wagigina egi wajeja hominaganaga egi Magdalara hijejeja hina.
Currently Selected:
Matthaiga 15: WIN
Highlight
Copy
Compare
Share
Want to have your highlights saved across all your devices? Sign up or sign in
Published by the American Bible Society in 1907.
Matthaiga 15
15
1Egi Jesus hirajirena Wowagax‐hiperesra egi Pharisera e Jerusalem‐eja howajirena, wairena:
2Jagu‐u hironag washinira xetera woshga warninera wigishana hireshe? E inke nab warninera wakurusharninankshana waisgab ruj hirega.
3Egi horniharna egi wawagena: Jagu‐u Maura uwashi harnira nishge hiraishanawishe woshga hashiniwira hawau.
4Maura uwashina ena: Hianjraga karaishagre egi hiuniraga, egi hisha hianjra egi hiunira washoshishig howe warogigungi, d’ehirekjena.
5Eshi washawina: Higu peshe hianjra egi hiunira wagarnana, wogaisha herena, jagu hophi egi hu‐shuruswinara,
6Shesgera wauiranana inke hianjra egi hiunira wakaraishagnina. Deshesgerawina Maura uwashi harnira inke washinkisge rawinina woshga hashiniwira hawau.
7Hipokrit‐raniwina, Esaias phi prophet‐ningigiwina wena:
8Wankshignagre hiwusunsh hahuirena irashana egi hingishaghirena ixura wik’u, eshi najge warninera hari hingiunankshana.
9Eshi hoinigexji hingikaraj‐nankshana wankshig uwashi wogus wagigusnanke esge.
10Egi worohanka wagigorna egi wawagena: Naxguwine egi hipereswire,
11Inke she‐e ieja howairajega wankshigra shishig‐hininana, eshi jagu ieja howajinanka she‐e wankshigra shishig‐hinana.
12Egi wironag warnira hirakirirena egi wagairena: Hiraperesshe Pharisera wogiteg‐hirera washa de‐e hishera naxguinera?
13Egi horniharna egi wena: Washa jagu haxebnankhi e wangregi Hianjhara inke woshuni waunankhi, rejuna wirushoroj‐hirekjanena.
14Shegu unang‐wahiwire, hishjarning hishjarning‐rutiwaunankshana, egi hishjarningra hisha hishjarningra rutigi, hinuinke mopoxeja hoshibrairekjanena.
15Egi Peter horniharna egi wagena: Washinsgera de‐e wijanti‐hungiragwire.
16Egi Jesus wena: Nishge inke nanaxguwinishe?
17Kheni higu hiraperes‐winishe, jagura hisha ieja howairanaga nixaija howairegi, egi jangeja horeja hot’unarnana?
18Eshi washa jagu ieja haxebanka, najge‐eja howajiakshana, egi she‐e wankshigra shishig‐hinana.
19Najge‐eja howajiakshana wowewi shishigra, wankshigd’ehira, kikanag‐rushera, hikikshakshara, wamanura, retungra egi waraxjashgunira.
20Washa de‐e wankshigra shishig‐wahinana. Eshi nabra inke rusharani warujra, inke wankshigra shishig‐hininana.
21Egi Jesus eja rena egi Tirus egi Sidon hijejera howarena.
22Egi horuxujre Kanaan hinugisha hijej‐eja howajina egi giuwana, wena: Naj‐hungijane Hirukanara Dawid hinigra ninegaja, hinughara waxopinishishig hawehira rokana wagiunankshana.
23Eshi inke hoit’eisha hornigiharnina. Eshi wironag warnira hirajiranaga gitairena, wairena: Hinugra keregigire, uwa wangaruxe hahanke.
24Eshi horniharna egi wena: Jhasga xawarnira Israeljhira eshana wawagiu huingigina.
25Egi hinugjega jiarnaga egi gikaraj‐shana, wena: Hirukanara hingijirare.
26Eshi horniharna egi wagena: Inkephinina ninkjangnigra waisgab harnira wagirusanaga egi shung‐eja wogit’unera.
27Egi hinugjega wena: Hirukanara hisgegaja. Shesgarnunige shungnagre hoxjugra ruj‐nankshana, hirukana warninera waruj harnieja shibrairega.
28Egi Jesus horniharna egi hinugjega wagena: Hinugra harnaxgu hashinira rokanagaja, jasge waragera ningiuinekjena. Egi hinugjega hinugra rushjahirena howagixeja.
29Egi Jesus eja rena, egi Galilea tera hiwusunsh hina, egi xexeteisha eja hotina egi eja minagshana.
30Egi worohaxji hirahina, jarnaga manirushagra wakarani egi hishjaningra, iningra, hokishigra egi hijanera rohaxji, egi Jesus sii‐hieja wagishuirena, egi rushjawahina.
31Sheshesgehigi worohanka khorairena, jaja i‐ningra hit’et’e wajairegi, hokishigra rushjainegi, manirushagra maninegi, egi hishjarningra wajairegi, egi Israel Mau harninera rajank‐hirena.
32Egi Jesus wironag warnira wakaragigorna egi wena: Worohangre naj‐wagijana, hambra daniha hinkishu uinege, egi inke waruj juiranina, egi inke kere‐wagiginikjanena inke warujni, nigete nagueja hagi hokikurushag‐hirege.
33Egi wironag warnira wagairena: Hajinja waisgabra rokana horus‐kjanihawishe mojainanegi worohaxjiangre wainaj‐wahira.
34Egi Jesus wawagena: Horok’ina jarnaga hashiniwishe? Egi wairena: Shagowe egi ho‐xununigra jarnagi.
35Egi worohanka mainja minag wa’shina.
36Egi horok’i shagoweanka egi hora warussana egi wainabshana egi warujhena egi wironag warnira wawogarna egi wironagnanka worohanka‐eja wawogairena.
37Egi harnaj waruj‐hirena, egi wainaj‐hirena, egi waruj horujejera warus‐hiregi napara shagowe hoixji hotarna.
38Egi jarnaga warujga wangra hogihixete‐jobshana, hinugra egi ninkjangnigra inke gikarabnira.
39Egi worohanka kere‐wagigina egi wajeja hominaganaga egi Magdalara hijejeja hina.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Published by the American Bible Society in 1907.