Matthaiga 13
13
1Hamb‐eja Jesus jhieja hihinabshana egi tejaijejeja minagshana.
2Egi hornihe xetexji sto‐khinarnaga hirahirena esge waj hisha‐eja hokawarnaga egi minagshana, egi worohanka harnaj nijejeja nashinena.
3Egi washara roha wirokit’ena, washa hisgera wigiu, wena: Horuxujwire max‐hoshuisha max hoshurena,
4Egi jaja woshugi sura hota nagueja kirinakhirena, egi wanigra hajiranaga egi jeb‐wahirena.
5Hota ininjaija kirinakhirena egi inke makax junina, egi higuana haxebhirena, inke makaxra shewenige esge.
6Egi jaja wira hankshi‐jinakhi, daxuirena, egi inke reju juranige esge dawus‐hirena.
7Egi hota napahi horogeja kirinankhirena egi napahira haxebhirena egi warnassag‐hirena.
8Eshi hota makax hophieja kirinankhirena egi waisgab haminaghirena hota hogihisha haminaghirena egi hota kerepana‐hakewe, egi hota kerepana‐dani.
9Higu peshe nuxhopox winaxgu jungi, naxguhiwiaje.
10Egi wironagra hajirena egi wagairena: Jagu‐u washa hisgera wirorag‐gisharagshe?
11Horniharna egi wawagena: Hornikunawina hungma wangregi hereja washa nuxawara hiperes‐ninawige, eshi de‐e inke wawogairanina.
12Higu peshe harnijegi e hokuinekjanena egi hiraijera junkjanena, eshi higu peshe inke harnijanigi, e girus‐hirekjanena, higu jagu harnijegi.
13Esge washa hisgera wiroakit’ena: Wajarnankhi inke wajairanikjege, egi warnaxgunankhi inke warnaxgu hiranikjege, inke shige naxgu hiranikjege esge.
14Egi minnagre exji hererena Esaias prophet‐nihera e‐wena: Nuxhopoxra winanaxgunkjanihawina egi inke nanaxgunikjanihawina, egi hishjasura wirashjakjanihawina egi inke hiraginikjanihawina.
15Egi wankshig de‐e najge warninera shjainena egi nuxhopox warninera winaxgu jexirena, egi hishjanuwishnakshana, hishjasu warninera wirajairekjanege egi nuxhopox warninera winaxguinekjanege egi najge warninera wiperes‐hirekjanege, egi wakshainekjanege egi rushjawahakjanege esge.
16Eshi hishjasu washiniwira wogishawarnankshana wajairege egi nuxhopox washiniwira warnaxgunanke.
17Hisgexjina hinigawina, prophetra roha egi wangphira washa washjawire, waja roguinena, egi inke wajairanina, egi washa warnanaxguwine warnaxgu‐roguinena, egi inke warnaxguiranina.
18Esge max‐hoshuisha washa hisgera hiroragra naxguwine.
19Jaja hisha hung‐ma hoit’era naxgungi egi inke naxgunegi, wowongra jinana egi washa jagu najgeja hoshurega warnashenana. De‐e e‐herena, nagueja su rusra.
20Egi hisha ininjainja su rusgi e herena, hoit’era naxgungi egi higuana wogishawaxji russana,
21Eshi inke reju junina, eshi hijajanana, jaja hawegi egi shige higishana‐nainegi hoit’era hawau, higuana watoxinana.
22Egi hisha napahi horogeja sura rusgi e‐herena hoit’era naxgungi, egi ma‐tegi najge‐wojianaga egi hitajera‐waishjankejege hoit’era nihaijeb‐hinana egi inke washa haminagninana.
23Eshi hisha sura makax hophieja rusgi e‐herena hoit’era naxguanaga egi naxgunana, e washa haminagnana, egi hota hogihisha haminag‐hiranana egi hota kerepanahakewe, egi hota kerepana‐dani.
24Egi washinsgera hijaneisha wawogiragshana, wena: Hung‐ma wangregi herera wangisha hisgerana, e su phira max‐earnieja woshurna.
25Eshi jaja wankshigra nainegi, hosh’igra jianaga egi xawishishig waisgab horogeja hogishurna, egi nigiowakerena.
26Egi jaja hura haxeb‐hiregi egi waisgab haminag‐hiregi, hishge xawishishigra jantinena.
27Egi jhi‐hirukanara ware warnira hajirena egi wagairena: Hirukanara, jasge inke su‐phira max‐hashinieja horashunishe, xawishishignagre hajinja howajireshe?
28E wawagena: Wankshig‐wawoshigkera wauna. Warananka wagairena: Jasge dawianaga watusharakjawishe?
29Eshi wena: Inkaa, ningete waisgabra hirassa washurushorojwiege xawishishigra washurusharawigi.
30Hinuinke hakikishu xete wagigiwire max‐hoikishereja hipa, egi max‐hoikisherera heregi max‐hikisherera wawagekjanena: Xawishishigra jorni stowahiwire egi warusgij‐wige taxuirekjena, eshi waisgabra waisgab‐hoshu harnieja hosto‐wahiwire.
31Egi washinsgera hijaneisha wawogiragshana, wena: Hung‐ma wangregi herera mustard su hisha hikisgena, e wangra hisha rusanaga egi max‐earnieja hoshunana.
32E washa sura harnajra eshana xunuxjinigshana, eshi jaja xetegi xawi abxetera eshana xeteraherenana, egi na‐xetejijenana, e wanig wangregi herera hajiranaga egi akarajgeja jhiranana.
33Washinsgera hijaneisha wawogiragshana, hung‐ma wangregi herera winawohi hikisgena, e hinugra hisha rusanaga egi waisgabra wigus danigi eja hirokishunana, hahiharnaj nawornana.
34Jesus worohanka eja washa de‐e harnaj washinsgera wirogiragshana, egi washinsgera‐rashana wawirokit’ena.
35Exji herekjege prophetra arnihera, wena: Hiat’et’egi washinsgera hihekjanena, washa nuxawara managre jinakhi epa, she‐e wotaikjanena.
36Egi Jesus worohanka kerewagigina egi jhieja hokewena, egi wironag warnira hiragirena, wairena: Wijanti hungiragwire, washinsgera maxeja xawishishignankhi.
37Egi horniharna egi wawagena: Hisha su‐phi hoshujega Wankshig‐hinigra herena.
38Maxnanka managre herena, su‐phinanka hung‐mara ninkjang warnira hererena, eshi xawishishignanka wowonkjega ninkjang warnira hererena.
39Wawosh’igjega wawoshugi waxopinishishigra herena, max‐hoikisherera ma‐hoshejana herena, egi max‐hikisherera waxopiniwarajirera hererena.
40Xawishishigra stowahinankhi egi taxuwahinankhi, hikisge shesgekjanena ma de‐e hoshejara.
41Wankshig‐hinigra waxopiniwarajire warnira huwagigikjanena, egi hung‐ma harnieja horus sto‐wahirekjanena washara jarnaga najgeteg wahinankhi egi jarnaga washa wowonk‐uankhi.
42Egi pejxeteja wot’unairekjanena, eja xaghirekjanena egi hirusgesgexji.
43Egi phira hatashairekjanena hambwira hikisge Hianj‐hirera hung‐ma harnieja, peshe nuxhopox winaxgu jungi, naxgu‐hiwiaje.
44Egi shige hung‐ma wangregi herera washa jexi maxeja nuxawanag hikisgena, e wang hisha hiegi hanuxawana, egi wogishawa karanaga, egi washara jarnaga harnigi wiruwianaga egi max‐naka ruwina.
45Egi shige hung‐ma wangregi herera waruwisha periphira hornije hikisgena.
46E jaja perl‐phi jexira hisha hiegi, rarnaga egi washara jarnaga harnigi wawiruwinana, egi ruwinana.
47Egi shige hung‐ma wangregi herera hoigixeisha tejainja hot’unairanaga egi hokirajra waixe hikisgena.
48E jaja hoixjingi ninjejeja horutiranaga, egi minaganaga egi phira woshueja hostowahina, eshi shishigra nigewotunena.
49Shesgekjanena ma‐hoshejara heregi, waxopiniwarajirera hajiranaga egi wowongra injab‐wahirekjanena phieja horognankhi.
50Egi pej‐xeteja wot’unairekjanena, egi eja xag‐hirekjanena, egi hi‐rusgesgexji.
51Egi Jesus wawagena: washa de‐e harnaj nanaxguwishe? Wagairena hojia Hirukanara.
52Egi wawagena: Esge wawagax‐hiperesra jarnaga hung‐ma wangregi herera wagigus‐hiregi, wanghisha jhirukana hikisgarnana, e rujgusgi washara warusnana jegra egi shagra.
53Egi wauna: Jaja Jesus washa hisgera de‐e rashjangi, eja nigiowarena.
54Egi jaja ma‐e hojabeja‐gigi, wohokhuhojhi harnineja washa wagigusra deshesge wahina khorairena, egi wairena: Wang de‐e washoiperes de‐e hajinja horus‐she, egi wore rokana de‐e?
55Jasge inke de‐e jhi‐unga hinigra herenishe? Jasge inke hiunira Maria higairanishe? Egi wakhinubra Jakob egi Joses egi Simon egi Judas wigairanishe?
56Egi jasge inke hinug‐wajabra harnaj hiwakishu hiunianjeshe, wang de‐e hajinja howaji washa de‐e worusshe?
57Egi howa’shere hirena. Egi Jesus wawagena: Prophetra e mojabejashana egi eojhiejashana inke gish’aghiraninana.
58Egi eja inke wore rokana wagiunina inke harnaxguiranige esge.
Currently Selected:
Matthaiga 13: WIN
Highlight
Copy
Compare
Share
Want to have your highlights saved across all your devices? Sign up or sign in
Published by the American Bible Society in 1907.
Matthaiga 13
13
1Hamb‐eja Jesus jhieja hihinabshana egi tejaijejeja minagshana.
2Egi hornihe xetexji sto‐khinarnaga hirahirena esge waj hisha‐eja hokawarnaga egi minagshana, egi worohanka harnaj nijejeja nashinena.
3Egi washara roha wirokit’ena, washa hisgera wigiu, wena: Horuxujwire max‐hoshuisha max hoshurena,
4Egi jaja woshugi sura hota nagueja kirinakhirena, egi wanigra hajiranaga egi jeb‐wahirena.
5Hota ininjaija kirinakhirena egi inke makax junina, egi higuana haxebhirena, inke makaxra shewenige esge.
6Egi jaja wira hankshi‐jinakhi, daxuirena, egi inke reju juranige esge dawus‐hirena.
7Egi hota napahi horogeja kirinankhirena egi napahira haxebhirena egi warnassag‐hirena.
8Eshi hota makax hophieja kirinankhirena egi waisgab haminaghirena hota hogihisha haminaghirena egi hota kerepana‐hakewe, egi hota kerepana‐dani.
9Higu peshe nuxhopox winaxgu jungi, naxguhiwiaje.
10Egi wironagra hajirena egi wagairena: Jagu‐u washa hisgera wirorag‐gisharagshe?
11Horniharna egi wawagena: Hornikunawina hungma wangregi hereja washa nuxawara hiperes‐ninawige, eshi de‐e inke wawogairanina.
12Higu peshe harnijegi e hokuinekjanena egi hiraijera junkjanena, eshi higu peshe inke harnijanigi, e girus‐hirekjanena, higu jagu harnijegi.
13Esge washa hisgera wiroakit’ena: Wajarnankhi inke wajairanikjege, egi warnaxgunankhi inke warnaxgu hiranikjege, inke shige naxgu hiranikjege esge.
14Egi minnagre exji hererena Esaias prophet‐nihera e‐wena: Nuxhopoxra winanaxgunkjanihawina egi inke nanaxgunikjanihawina, egi hishjasura wirashjakjanihawina egi inke hiraginikjanihawina.
15Egi wankshig de‐e najge warninera shjainena egi nuxhopox warninera winaxgu jexirena, egi hishjanuwishnakshana, hishjasu warninera wirajairekjanege egi nuxhopox warninera winaxguinekjanege egi najge warninera wiperes‐hirekjanege, egi wakshainekjanege egi rushjawahakjanege esge.
16Eshi hishjasu washiniwira wogishawarnankshana wajairege egi nuxhopox washiniwira warnaxgunanke.
17Hisgexjina hinigawina, prophetra roha egi wangphira washa washjawire, waja roguinena, egi inke wajairanina, egi washa warnanaxguwine warnaxgu‐roguinena, egi inke warnaxguiranina.
18Esge max‐hoshuisha washa hisgera hiroragra naxguwine.
19Jaja hisha hung‐ma hoit’era naxgungi egi inke naxgunegi, wowongra jinana egi washa jagu najgeja hoshurega warnashenana. De‐e e‐herena, nagueja su rusra.
20Egi hisha ininjainja su rusgi e herena, hoit’era naxgungi egi higuana wogishawaxji russana,
21Eshi inke reju junina, eshi hijajanana, jaja hawegi egi shige higishana‐nainegi hoit’era hawau, higuana watoxinana.
22Egi hisha napahi horogeja sura rusgi e‐herena hoit’era naxgungi, egi ma‐tegi najge‐wojianaga egi hitajera‐waishjankejege hoit’era nihaijeb‐hinana egi inke washa haminagninana.
23Eshi hisha sura makax hophieja rusgi e‐herena hoit’era naxguanaga egi naxgunana, e washa haminagnana, egi hota hogihisha haminag‐hiranana egi hota kerepanahakewe, egi hota kerepana‐dani.
24Egi washinsgera hijaneisha wawogiragshana, wena: Hung‐ma wangregi herera wangisha hisgerana, e su phira max‐earnieja woshurna.
25Eshi jaja wankshigra nainegi, hosh’igra jianaga egi xawishishig waisgab horogeja hogishurna, egi nigiowakerena.
26Egi jaja hura haxeb‐hiregi egi waisgab haminag‐hiregi, hishge xawishishigra jantinena.
27Egi jhi‐hirukanara ware warnira hajirena egi wagairena: Hirukanara, jasge inke su‐phira max‐hashinieja horashunishe, xawishishignagre hajinja howajireshe?
28E wawagena: Wankshig‐wawoshigkera wauna. Warananka wagairena: Jasge dawianaga watusharakjawishe?
29Eshi wena: Inkaa, ningete waisgabra hirassa washurushorojwiege xawishishigra washurusharawigi.
30Hinuinke hakikishu xete wagigiwire max‐hoikishereja hipa, egi max‐hoikisherera heregi max‐hikisherera wawagekjanena: Xawishishigra jorni stowahiwire egi warusgij‐wige taxuirekjena, eshi waisgabra waisgab‐hoshu harnieja hosto‐wahiwire.
31Egi washinsgera hijaneisha wawogiragshana, wena: Hung‐ma wangregi herera mustard su hisha hikisgena, e wangra hisha rusanaga egi max‐earnieja hoshunana.
32E washa sura harnajra eshana xunuxjinigshana, eshi jaja xetegi xawi abxetera eshana xeteraherenana, egi na‐xetejijenana, e wanig wangregi herera hajiranaga egi akarajgeja jhiranana.
33Washinsgera hijaneisha wawogiragshana, hung‐ma wangregi herera winawohi hikisgena, e hinugra hisha rusanaga egi waisgabra wigus danigi eja hirokishunana, hahiharnaj nawornana.
34Jesus worohanka eja washa de‐e harnaj washinsgera wirogiragshana, egi washinsgera‐rashana wawirokit’ena.
35Exji herekjege prophetra arnihera, wena: Hiat’et’egi washinsgera hihekjanena, washa nuxawara managre jinakhi epa, she‐e wotaikjanena.
36Egi Jesus worohanka kerewagigina egi jhieja hokewena, egi wironag warnira hiragirena, wairena: Wijanti hungiragwire, washinsgera maxeja xawishishignankhi.
37Egi horniharna egi wawagena: Hisha su‐phi hoshujega Wankshig‐hinigra herena.
38Maxnanka managre herena, su‐phinanka hung‐mara ninkjang warnira hererena, eshi xawishishignanka wowonkjega ninkjang warnira hererena.
39Wawosh’igjega wawoshugi waxopinishishigra herena, max‐hoikisherera ma‐hoshejana herena, egi max‐hikisherera waxopiniwarajirera hererena.
40Xawishishigra stowahinankhi egi taxuwahinankhi, hikisge shesgekjanena ma de‐e hoshejara.
41Wankshig‐hinigra waxopiniwarajire warnira huwagigikjanena, egi hung‐ma harnieja horus sto‐wahirekjanena washara jarnaga najgeteg wahinankhi egi jarnaga washa wowonk‐uankhi.
42Egi pejxeteja wot’unairekjanena, eja xaghirekjanena egi hirusgesgexji.
43Egi phira hatashairekjanena hambwira hikisge Hianj‐hirera hung‐ma harnieja, peshe nuxhopox winaxgu jungi, naxgu‐hiwiaje.
44Egi shige hung‐ma wangregi herera washa jexi maxeja nuxawanag hikisgena, e wang hisha hiegi hanuxawana, egi wogishawa karanaga, egi washara jarnaga harnigi wiruwianaga egi max‐naka ruwina.
45Egi shige hung‐ma wangregi herera waruwisha periphira hornije hikisgena.
46E jaja perl‐phi jexira hisha hiegi, rarnaga egi washara jarnaga harnigi wawiruwinana, egi ruwinana.
47Egi shige hung‐ma wangregi herera hoigixeisha tejainja hot’unairanaga egi hokirajra waixe hikisgena.
48E jaja hoixjingi ninjejeja horutiranaga, egi minaganaga egi phira woshueja hostowahina, eshi shishigra nigewotunena.
49Shesgekjanena ma‐hoshejara heregi, waxopiniwarajirera hajiranaga egi wowongra injab‐wahirekjanena phieja horognankhi.
50Egi pej‐xeteja wot’unairekjanena, egi eja xag‐hirekjanena, egi hi‐rusgesgexji.
51Egi Jesus wawagena: washa de‐e harnaj nanaxguwishe? Wagairena hojia Hirukanara.
52Egi wawagena: Esge wawagax‐hiperesra jarnaga hung‐ma wangregi herera wagigus‐hiregi, wanghisha jhirukana hikisgarnana, e rujgusgi washara warusnana jegra egi shagra.
53Egi wauna: Jaja Jesus washa hisgera de‐e rashjangi, eja nigiowarena.
54Egi jaja ma‐e hojabeja‐gigi, wohokhuhojhi harnineja washa wagigusra deshesge wahina khorairena, egi wairena: Wang de‐e washoiperes de‐e hajinja horus‐she, egi wore rokana de‐e?
55Jasge inke de‐e jhi‐unga hinigra herenishe? Jasge inke hiunira Maria higairanishe? Egi wakhinubra Jakob egi Joses egi Simon egi Judas wigairanishe?
56Egi jasge inke hinug‐wajabra harnaj hiwakishu hiunianjeshe, wang de‐e hajinja howaji washa de‐e worusshe?
57Egi howa’shere hirena. Egi Jesus wawagena: Prophetra e mojabejashana egi eojhiejashana inke gish’aghiraninana.
58Egi eja inke wore rokana wagiunina inke harnaxguiranige esge.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Published by the American Bible Society in 1907.