Matthaiga 12
12
1Egi wauna Sabath hambregi Jesus waisgab‐maxeja howena egi hironag warnira dokewehi hirena, egi waisgab rusoj hiranaga egi waruj hirena.
2Eshi jaja Pharisera hajairegi, wagairena: Horuxujre, hironag washinira washa de‐e unankshana woehieja e Sabath‐hambregi ura roxirera.
3Eshi wawagena: Jasge, inke wawagaxeja hashjawinishe Dawid jagu ura, jaja dokewehigi egi jarnaga wakishu unjegi.
4Maura hojhieja hokewena egi waisgab duj wahara ruj‐shana e woehieja rujra rogixirera shige jarnaga wakishu unjega, eshi nabhoruxaj hirukanara eshana rujhiranana.
5Egi shige inke woehieja hashjawinishe Sabath‐hambregi nabhoruxaj hirukanara wohokhuhojhixeteja Sabathra higishana‐nanknunige egi inke washinohire uwauninankshana.
6Eshi hinigawina: Eegi xeteisha unjena wohokhuhojhixetera worujisshana.
7Egi hirapereswigi jagu de‐e wagairera: Najwojara hiraijera waiphi‐hajena nabruxajra worujis‐waharna, inke wigishananira inke hawewahi phiraniwinina.
8Wankshig‐hinigra hishge Sabath‐hambra hirukanajena.
9Egi jaja eja regi wohokhuhojhi warnineja hokewena.
10Egi horuxujre, wangisha eja nankshana e nab harnira dakaserena. Egi higiwaxhirena wairena: Jasge Sabath‐hambregi rushjawahira woehieja roxishe? washinaraj hirekjege wairena.
11Egi wawagena: Wankshigra hisha horogregi hashanankshe jhasgara hisha harnigi, egi Sabath‐hambregi mopoxeja hoshibregi, jasge inke harukosanaga egi a‐tumbninashe?
12Jasge inke wankshigra e hiraijera phirarnaga jhasgara worujis‐hiranishe? Esge woehira inke roxinina Sabath‐hambregi washophi ura.
13Egi wangjega wagena: Ara kawajigre. Egi wajigshana, egi rushjana hijanera kikarakisgena.
14Egi Pharisera hihinab‐hiranaga egi haehi hirena hakira, jasge houna hiranaga d’ehirekjegi.
15Egi jaja Jesus hiperesgi, eja nige‐howarena egi worohaxji hironakshana, egi harnaj rushjawahina.
16Egi winakewe wahina inke hiperes‐hire‐hiranikjege.
17Exji herekjege Esaias prophetra arnihera, wena:
18Horuxujre ware harnira, E haijhana, wagixetera, E naxirag harnira giphixjina. Naxirag harnira hashukjanena, egi hirarujeja herera woehira wogiraikjanena.
19Inke wakitagnikjanena inke shige uwanikjanena inke shige hisha hora naxguinikjanena nagu‐hoxeteja.
20Raxge kshabrera inke shishre‐wahinikjanena, egi hotaxij‐jegi inke giseb‐hinikjanena, warninanaga woehira wirahi‐hiarnaga wawanakjanena ejipa.
21Rash earnira hiuinarnaga hirarujeja herera woinashi juinekjanena.
22Egi hisha hagarni hahirena waxopinishishig harnineisha, hishjaraning egi iraning, egi rushjahina deshesge hina, hishjaningra egi iraningra hit’ete hianaga egi wajarna.
23Egi wankshigra harnaj khorairena egi wairena: Jasge inke de‐e Dawidga hinigra herenishe?
24Eshi jaja Pharisera naxguinegi wairena: Wang de‐e inke washinjahi hiuanaga waxopinishishig jangra howahasnijena eshi Beelsebubra hiunjena waxopinishishig hungra.
25Egi Jesus wowewira wawigiperes‐shana, egi wawagena: Hungmara hisha khiruje‐khianaga hakikiragi maisinsh‐khinana, egi jhinagra hisha egi shige jhira hisha khiruje‐khianaga hakikiragi inke nashini‐janana.
26Egi Satanra Satan jangra howahasgi e khiruje‐khianaga hakikira waunana, jasgehianaga hung‐mara nangishi‐janeshe?
27Egi Beelsebub hiuanaga waxopinishishig jangra hopahasgi, homashja peshe harnigi hiuinarnaga ninkjang washiniwira jangra howahasnankshe? Esge e woehira hiningiuinekjanihawina.
28Eshi Maura naxirag harnira hiauanaga waxopinishishig jangra hopahas‐hajege, Maura hung‐ma harnira hiranijiwina.
29Egi shige jasge hisha hiarnaga egi wang mashjara hisha hojhieja hokawanashe egi washa warnira wanashenashe inke jorni wang mashja‐jega rusgij‐ninashe? Egi hagenigi washara wanashenana.
30Hisha inke hakishu haunianjegi inkirajanana, egi hisha inke wastohi hakishu haunianjegi hoere‐hijanana.
31Esge wanigawina: Washa woishana hokirajra harnaj egi raxjashgunira wankshigra wagit’unairekjanena, eshi peshe Naxirag Wakanjangra raxjashgunigi inke wagit’unairanikjanena.
32Egi higu peshe Wankshig‐hinigra hoit’e hirakira hit’egi, gitunairekjanena, eshi higu peshe Naxirag Wakanjangra hakira hit’egi inke git’unairanikjanena, inke ma‐egi egi shige inke ma‐joweregi.
33Hisherewinana na‐phira hisha hoshugi egi hasra phihiranana, egi shige na‐shishigra hisha hoshugi, egi hasra shishig‐hiranana, nara wijantinakshana has warnineja.
34Wakha‐hipahi ning raniwira, jasge rawianaga nishishig harajege washa phi hishawininana, najge hashiniwira hawuhinshuanke i‐eja haxebnankshana.
35Wang‐phira najge harnira washa phi horujgusjegi, washa phi haxebhinana, egi wang‐shishigra washa shishig rujgusjegi washa shishig haxebhinana.
36Eshi hinigawina: Wankshigra hit’e hoinigera jarnaga airegi hamb woehieja e wawigairekjanena.
37Hoit’e washinira e phininekjanihawina egi hoit’e washinira e washoshishig howeninekjanena.
38Egi Wowagax‐hiperesra egi Pharisera hota hornihairena, wairena: Hirukanara washa woijantira hisha harnigijhawigi haiphiwinana.
39Eshi horniharna egi wawagena: Wankshighoi kikanag rushe egi wowong raniwira washa woijanti horaniwina, egi inke washa woijanti hornikui‐ranikjanihawina, Jonas prophetga washa woijanti harninashana.
40Jonasga hambra danihanaga egi hahera daniha hoxete nixarogeja nihera hikisge Wankshig‐hinigra hambra danihanaga egi hahera daniha ma‐rogeja nihekjanena.
41Niniweh wankshigra hamb woehieja wankshighoi de‐e wakishu nashinekjanena egi washoshishig howewahirekjanena, Jona wahokhura najgera‐karateghirege esge, egi horuxujwire eegi hiraijera xeteisha jena, Jona worujisshana.
42Hiungiwi wiorojanjeregi herera hamb woehieja wankshighoi de‐e hakishu nashinekjanena egi washoshishig howewahikjanena, e ma‐harixji howajianaga Salomon washoiperes harnira naxgujige, egi horuxujre eegi hiraijera xeteisha jena, Salomon worujis.
43Jaja naxirag shishigra wankshig‐eja hihinabgi, mawusra howarahena hoxgasigi hokini, egi inke washa hienina.
44Esge wena: Jhi‐wajhieja hakja wawakerekje, hajinja hiahinabra eja, egi jaja gigi mananaku hiena gisinshjina egi phiuxjine.
45Egi rarnaga, egi naxirag hijanera shagowi harnikirina e hiraijera wowonk hirena, egi hokawairanaga egi eja jhirena. Egi wang she‐e hageja wakhinikjanena jorni hirohekshana. Wankshighoi wowonk de‐e hishge shesgairekjanena.
46Wankshigra wawokit’arnanku, horuxujre hiunira egi wakhinubra jangeja nashinankshana, hokit’e roguxjine.
47Egi hisha wagena: Horuxujre hiuniraga egi warakhinubra jangregi nashinankshana, hornikit’e roguxjine.
48Eshi horniharna egi wagena hogiragjega: Peshe hiunihashe egi peshe wakhinubshe?
49Egi wironag warnieja hapahi ara wajigshana egi wena: horuxujre hiunihara egi wakhinubra.
50Higu peshe Jajiga wangreginagre woshga harnira ungi e wakhinubra hererena egi hinugwajabshana egi hiuniharna.
Currently Selected:
Matthaiga 12: WIN
Highlight
Copy
Compare
Share
Want to have your highlights saved across all your devices? Sign up or sign in
Published by the American Bible Society in 1907.
Matthaiga 12
12
1Egi wauna Sabath hambregi Jesus waisgab‐maxeja howena egi hironag warnira dokewehi hirena, egi waisgab rusoj hiranaga egi waruj hirena.
2Eshi jaja Pharisera hajairegi, wagairena: Horuxujre, hironag washinira washa de‐e unankshana woehieja e Sabath‐hambregi ura roxirera.
3Eshi wawagena: Jasge, inke wawagaxeja hashjawinishe Dawid jagu ura, jaja dokewehigi egi jarnaga wakishu unjegi.
4Maura hojhieja hokewena egi waisgab duj wahara ruj‐shana e woehieja rujra rogixirera shige jarnaga wakishu unjega, eshi nabhoruxaj hirukanara eshana rujhiranana.
5Egi shige inke woehieja hashjawinishe Sabath‐hambregi nabhoruxaj hirukanara wohokhuhojhixeteja Sabathra higishana‐nanknunige egi inke washinohire uwauninankshana.
6Eshi hinigawina: Eegi xeteisha unjena wohokhuhojhixetera worujisshana.
7Egi hirapereswigi jagu de‐e wagairera: Najwojara hiraijera waiphi‐hajena nabruxajra worujis‐waharna, inke wigishananira inke hawewahi phiraniwinina.
8Wankshig‐hinigra hishge Sabath‐hambra hirukanajena.
9Egi jaja eja regi wohokhuhojhi warnineja hokewena.
10Egi horuxujre, wangisha eja nankshana e nab harnira dakaserena. Egi higiwaxhirena wairena: Jasge Sabath‐hambregi rushjawahira woehieja roxishe? washinaraj hirekjege wairena.
11Egi wawagena: Wankshigra hisha horogregi hashanankshe jhasgara hisha harnigi, egi Sabath‐hambregi mopoxeja hoshibregi, jasge inke harukosanaga egi a‐tumbninashe?
12Jasge inke wankshigra e hiraijera phirarnaga jhasgara worujis‐hiranishe? Esge woehira inke roxinina Sabath‐hambregi washophi ura.
13Egi wangjega wagena: Ara kawajigre. Egi wajigshana, egi rushjana hijanera kikarakisgena.
14Egi Pharisera hihinab‐hiranaga egi haehi hirena hakira, jasge houna hiranaga d’ehirekjegi.
15Egi jaja Jesus hiperesgi, eja nige‐howarena egi worohaxji hironakshana, egi harnaj rushjawahina.
16Egi winakewe wahina inke hiperes‐hire‐hiranikjege.
17Exji herekjege Esaias prophetra arnihera, wena:
18Horuxujre ware harnira, E haijhana, wagixetera, E naxirag harnira giphixjina. Naxirag harnira hashukjanena, egi hirarujeja herera woehira wogiraikjanena.
19Inke wakitagnikjanena inke shige uwanikjanena inke shige hisha hora naxguinikjanena nagu‐hoxeteja.
20Raxge kshabrera inke shishre‐wahinikjanena, egi hotaxij‐jegi inke giseb‐hinikjanena, warninanaga woehira wirahi‐hiarnaga wawanakjanena ejipa.
21Rash earnira hiuinarnaga hirarujeja herera woinashi juinekjanena.
22Egi hisha hagarni hahirena waxopinishishig harnineisha, hishjaraning egi iraning, egi rushjahina deshesge hina, hishjaningra egi iraningra hit’ete hianaga egi wajarna.
23Egi wankshigra harnaj khorairena egi wairena: Jasge inke de‐e Dawidga hinigra herenishe?
24Eshi jaja Pharisera naxguinegi wairena: Wang de‐e inke washinjahi hiuanaga waxopinishishig jangra howahasnijena eshi Beelsebubra hiunjena waxopinishishig hungra.
25Egi Jesus wowewira wawigiperes‐shana, egi wawagena: Hungmara hisha khiruje‐khianaga hakikiragi maisinsh‐khinana, egi jhinagra hisha egi shige jhira hisha khiruje‐khianaga hakikiragi inke nashini‐janana.
26Egi Satanra Satan jangra howahasgi e khiruje‐khianaga hakikira waunana, jasgehianaga hung‐mara nangishi‐janeshe?
27Egi Beelsebub hiuanaga waxopinishishig jangra hopahasgi, homashja peshe harnigi hiuinarnaga ninkjang washiniwira jangra howahasnankshe? Esge e woehira hiningiuinekjanihawina.
28Eshi Maura naxirag harnira hiauanaga waxopinishishig jangra hopahas‐hajege, Maura hung‐ma harnira hiranijiwina.
29Egi shige jasge hisha hiarnaga egi wang mashjara hisha hojhieja hokawanashe egi washa warnira wanashenashe inke jorni wang mashja‐jega rusgij‐ninashe? Egi hagenigi washara wanashenana.
30Hisha inke hakishu haunianjegi inkirajanana, egi hisha inke wastohi hakishu haunianjegi hoere‐hijanana.
31Esge wanigawina: Washa woishana hokirajra harnaj egi raxjashgunira wankshigra wagit’unairekjanena, eshi peshe Naxirag Wakanjangra raxjashgunigi inke wagit’unairanikjanena.
32Egi higu peshe Wankshig‐hinigra hoit’e hirakira hit’egi, gitunairekjanena, eshi higu peshe Naxirag Wakanjangra hakira hit’egi inke git’unairanikjanena, inke ma‐egi egi shige inke ma‐joweregi.
33Hisherewinana na‐phira hisha hoshugi egi hasra phihiranana, egi shige na‐shishigra hisha hoshugi, egi hasra shishig‐hiranana, nara wijantinakshana has warnineja.
34Wakha‐hipahi ning raniwira, jasge rawianaga nishishig harajege washa phi hishawininana, najge hashiniwira hawuhinshuanke i‐eja haxebnankshana.
35Wang‐phira najge harnira washa phi horujgusjegi, washa phi haxebhinana, egi wang‐shishigra washa shishig rujgusjegi washa shishig haxebhinana.
36Eshi hinigawina: Wankshigra hit’e hoinigera jarnaga airegi hamb woehieja e wawigairekjanena.
37Hoit’e washinira e phininekjanihawina egi hoit’e washinira e washoshishig howeninekjanena.
38Egi Wowagax‐hiperesra egi Pharisera hota hornihairena, wairena: Hirukanara washa woijantira hisha harnigijhawigi haiphiwinana.
39Eshi horniharna egi wawagena: Wankshighoi kikanag rushe egi wowong raniwira washa woijanti horaniwina, egi inke washa woijanti hornikui‐ranikjanihawina, Jonas prophetga washa woijanti harninashana.
40Jonasga hambra danihanaga egi hahera daniha hoxete nixarogeja nihera hikisge Wankshig‐hinigra hambra danihanaga egi hahera daniha ma‐rogeja nihekjanena.
41Niniweh wankshigra hamb woehieja wankshighoi de‐e wakishu nashinekjanena egi washoshishig howewahirekjanena, Jona wahokhura najgera‐karateghirege esge, egi horuxujwire eegi hiraijera xeteisha jena, Jona worujisshana.
42Hiungiwi wiorojanjeregi herera hamb woehieja wankshighoi de‐e hakishu nashinekjanena egi washoshishig howewahikjanena, e ma‐harixji howajianaga Salomon washoiperes harnira naxgujige, egi horuxujre eegi hiraijera xeteisha jena, Salomon worujis.
43Jaja naxirag shishigra wankshig‐eja hihinabgi, mawusra howarahena hoxgasigi hokini, egi inke washa hienina.
44Esge wena: Jhi‐wajhieja hakja wawakerekje, hajinja hiahinabra eja, egi jaja gigi mananaku hiena gisinshjina egi phiuxjine.
45Egi rarnaga, egi naxirag hijanera shagowi harnikirina e hiraijera wowonk hirena, egi hokawairanaga egi eja jhirena. Egi wang she‐e hageja wakhinikjanena jorni hirohekshana. Wankshighoi wowonk de‐e hishge shesgairekjanena.
46Wankshigra wawokit’arnanku, horuxujre hiunira egi wakhinubra jangeja nashinankshana, hokit’e roguxjine.
47Egi hisha wagena: Horuxujre hiuniraga egi warakhinubra jangregi nashinankshana, hornikit’e roguxjine.
48Eshi horniharna egi wagena hogiragjega: Peshe hiunihashe egi peshe wakhinubshe?
49Egi wironag warnieja hapahi ara wajigshana egi wena: horuxujre hiunihara egi wakhinubra.
50Higu peshe Jajiga wangreginagre woshga harnira ungi e wakhinubra hererena egi hinugwajabshana egi hiuniharna.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Published by the American Bible Society in 1907.