Matthaiga 11
11
1Egi wauna, jaja Jesus wironag nup‐hashana warnira uwashira rashjangi, eja wakiruje rena, jhinag warnineja washa wagigusanaga egi wahokhuna.
2Egi Johnga jhiwornasse‐hojhieja nanku, jaja Kristus wore harnira naxgungi, wironag warnira nupiwi hijowaregigina.
3Egi wagena: Hisha jikjanegi nenineshe nigeshge hijanera hisha hotuxuj‐hikjanihawishe.
4Jesus horniharna egi wawagena: Johnga hogirag karawire washa jagu nanaxgu‐harajane egi hashja‐harajane.
5Hishjaningra wajanagre egi mani‐rushagra maninagre, lepra rushjahirare, egi nux‐ningra warnaxgu‐hirare, d’era niamb‐hirera, egi wanajojaisgera woragphira wawihokhuinena.
6Wogishawajena higu peshe inke watoigixinigi.
7Egi hakarairegi, Jesus worohanka wawagajirena Johnga haehi: Mojainainja jaguisha hashjarahiwishe? Raxgeisha maintajehi haisosog‐jegishi?
8Shige jaguisha hashjarahiwishe? Wang‐hisha waini shawaxji hikikax‐jegishi? Horuxujre waini shawaxji hikikaxra hung‐hojhieja nankshana,
9Eshi jaguisha hashjara hiwishe, prophetra hisha? Hisgexjina hinigawina, prophet hiraijeraisha herena.
10De‐e erena e wowagax ejakshana: Horuxujre worag harnira joweraija howareagigina, e nagu hashinira hirushja‐ningigikjanena joweraija.
11Hisgexjina hinigawina, horogregi hinug wankshighi‐inankhi John Niwawaxunga inke hisha hiraijaira jinina, eshi hisha hung‐ma wangreginagre eja horujisdijegi e hiraijera xetena.
12John Niwawaxunga hamb warnira eparnaga egipa hung‐ma wangregi herera hakiwarnuinena, egi wakiwarnunanka rus‐hirena homashja hiu.
13Prophetra harnaj harnaga egi woehira Johnga epa prophet‐hirena.
14Egi shuruswigishi, de‐e Elias herena, e jikjanera.
15Hisha nuxhopox winaxgu jungi naxgu hiwiaje.
16Eshi wankshig‐hoi degi jaguisha hikisgeharnashe? Ninkjangenig woruwieja minaganank hikisge waharna egi wakishgaj hirera wakaragigornank,
17Egi wairena: Ningishushugwira egi inke shawashiwinina. Egi nigixag‐harnakaja egi inke raxagwini.
18Johnga jira egi inke waruj‐nianaga inke shige warajganina egi wairena: Waxopinishishig‐hisha harnijena.
19Egi Wankshig‐hinigra jira, warujshana egi warajgana, egi wairena: Horuxujhire, wang‐waroijxeteisha egi nishuj‐hiksi‐isha, Publikan egi washa woishana un hijakorohisha, eshi wowanaiksabra ninkjank warnira phi hiranainena.
20Egi jhinagnanka najwawisgi‐jirena, eja wore rokanaxji hiraijeraxji wagiura egi inke najgerakarateg‐hiranige esge.
21Harawekjanena Xorasin, harawekjanena Bethsaida. Wowakanjank rokana wagiuinegi Tirus egi Sidon‐eja ningiuirawire shesge wagigiregi, sirejaxji haga najgerakarateg hiranana waiperisasag hornashiranaga raxojeja minag hiranana.
22Eshi hinigawina Tirus egi Sidon‐eja herera hamb woehieja hiraijera hiroheg hawairekjanena, ne hiraijera harawekjanihawina.
23Egi ne Kapernaumra wangregi harnini‐hajiakarairena, pejshishig‐eja hornitunairekjanena. Wore wowakanjank ningiuinawira egi Sodom shesge gigiregi, hambde‐e hijarnagnana.
24Eshi hinigawina ma Sodomra hamb woehieja hiraijera hiroheg hawekjanena, ne hiraijera harawekjanena.
25Eja Jesus horniharna egi wena: Wainiginabshana Jaji wangregi egi mara Hirukanara, washa de‐e washinperesra egi wouphira nuxawa waragitumbra esge, egi ninkjanginigra janti waragigira.
26Hojia Jaji de‐shesge hira‐raiphinge.
27Washara harnaj hunkuna Jajiga, egi inke hisha hiperesnina Hinigra peshe herera, eshi Hianjrashana hiperessana. Inke shige hinkisha Hianjra hiperesnina, Hinigrashana, egi E higu peshe Hinigra hiperes‐hikjegi unana.
28Hiraijiwire, jarnaga warera egi wak’in skingre k’ira, egi hoxgasigi hornikunkjawina.
29Winap’i harnira ruswige hiuwine, egi woshgara hinpereswire, wankshig‐phi‐harnianaga egi najge khushi hakikarani harnige esge, egi naxirag washiniwira hoxgasigi wiragish’ekjanihawina.
30Winap’i harnira wowategenig harnaga egi wak’in harnira haharnike esge.
Currently Selected:
Matthaiga 11: WIN
Highlight
Copy
Compare
Share
Want to have your highlights saved across all your devices? Sign up or sign in
Published by the American Bible Society in 1907.
