Kenesis 49
49
1Im Iēkob yovrok‐onda ōvun nĭtnĭme eni memokū, Uvelum kĭmi sū ĭm ya anūwi pug kūm magkū ugi ima mori antepū tovune kūm nĭmpugon dan sū nĭsah.
2Uvelum mūrĭgi, kimi ōvun nĭtnĭme eni Iēkob, ūven?-?dagugi Isrēel ītemen‐e‐kūm. 3Rūben kĭk ĭtnetemefi enyx, faneteme enyx, nate potni torugat enyx, navos numposeti, 4ĭm horogesah tamas; avanavan sugkū nū kotū onarisah; kĭk mĭve sah ra nĭvlok enyx, ĭtemen‐e‐kik; kĭmumpi nĭmrug: iyi yive sah ra nĭvlok enyx.
5Sĭmion ĭm Livĭ, ravinsīeme: mōvun nūrah woreteme?-?lĭmel irora umasigi. Ah, naviat enyx etūve ra marepon?-?akīugi en irora; 6ah etūve ra nxora sat en irora; mugi natekĭsah satĭndi en irora dūtĭvavtĭti sī natemonōk. 7Navoret narakī horog wokon. Ya antevafw‐ōra ra Iēkob mō menesaviokonda ra nūrū sū Isrēel.
8Yūda! rapmisĭeme wonavos iram. Nokopmū anti ra nōwanda ov novsen nakan enugkĭk; mōvun nĭtnĭme eni ĭtemen‐e‐kĭk wuntelasep ūnĭmtum. 9Yūda oti nĭtni līon; nĭtūg kĭk okesah worevī nelat; iyi yisempelēyukcyok, miyi yumni‐nugenug sugkū līon, ĭm sugkū sī līon ĭtnasiven; mē oyugi iyi? 10Nirum atumonok otū amwi marugi Yūda, ĭm neteme nūrian marugi ĭlebōteven nōwon eni afeli nĭmpugon Mesīa ampelum; mōv netevokontū sū wosindiuki navian eni iyi. 11Iyi yeleki as eni ra vīn, ĭm nĭtnĭ as eni ra nōsen vīn aremī; miygi yorowugi ov nemas eni ra wīn, mōvun sĭmplxon ran de ra novūan vīn: 12nĭpmi eni oti navilara ugi wīn ĭm nugon nesebo ugi dumponi.
13Sebūlon antĭndōwi ra nokoren tok sū, miyi anti tok ĭlebōk nĭmsen lō sū; noroken eni anti afeli ra Sīdon.
14Isakar oti as horog umprokugkxn tan ra mumpon nesūriarūn dūrū numpokentum sū. 15Miyi yokesi nemĭndog memokū aremī, ĭm nūrū mori nĭmelōkelō; miyi yĭmtīevan gi nĭvlokon woruriuki, mō metepū lĭvsx worotorugat.
16Dan onūrian iranda ov netevokontū eni sugkū sī ra irora savūta sū ra Isrēel; 17Dan oti neskil ūselat memo?-?kopūrum worelentevi nōwon hors, miyi mori mesuki tan iyi omol kitan. 18Ah Iehōva yx mĭntevetūwi nēōwara enugkĭk.
19Kad, ĭm nemas ūbramī umnavokat iran, miyi ontar ra nĭsah.
20Yōūp eni Asher anti aremī; miyi antipe eni‐nevag nalōeves.
21Naftalī oti hīnd otenĭmpe iyi; miyi umanūwi magkū nam ves.
22Yōsef oti nugkelĭn nē worovūo; nugkelĭn nē worovūo ra nokorĭn nū‐ĭtokeli, mōvun dugon umĭnteli ratĭlebō ran tan nĭmpi; 23mōveteme gi nefani umese iyi mō mūmnakan pugi; 24kō nefani eni yetĭndōwi ugi horog, ĭm nelepon nokoben yetĭn numpi ūnam ugi nokoben eni iyi Nōbū eni Iēkob ra nūsian, amnē yūi iyi navles ra sĭmsĭmak nĭtni Isrēel. 25Ugi Nōbū ĭtemene kĭk mori onesitū iram, Miyi ra nūsian mori ampīves kĭk gi ōvun nevīeve ūnumpōkob, mugi ōvun nevīeves ran tok sū, mugi ōvun nevīeves ni sū mov netnĭnda sū; 26ōvun nevīeves eni ĭtemene‐kĭk dūti sĭkat mōmū ra ōvun nevīeves en irora retemeneme yx, mafeli ov navlūtni ōvun numpūo sū ūnam ĭndōwi; irora mori nĭsekon Yōsef, numpūn eni, nĭ‐sekon iyi mori yetĭn satevugi marokonda ravĭnsīeme eni.
27Benyomĭn ontareferugi sugkū wūlf; ra prūbokom iyi oneni nelat, ĭm pōarap ontavūrakugi pe mori.
28Irora sū mori dūti savūta sū twelv ra Isrēel, mimō mori ĭtemen en irora yōmenūwi pun ōra, miyi yivīeves irora, 29yetevūrak wokonda ovun nevīeves eni; miyi yĭmpasewokonda memokū, ya kum mampe pun ōra netevokontū enyx, ūtĭnemi yx ra nokorĭnda retemeneme yx ra neveli mori ra mumpon nūrū eni Efron neteme Hītī. 30Uneveli mori ra nūrū Makpila ra nokoren Mamre ra nūrū Kēnan, mori Ebraham yīpimpasĭgi ĭm nūrū sūgkū ra Efron neteme Hĭtī nĭmsĭn woretĭnematemas. 31Iyūi irora dūpmūtĭneme Ebraham ĭm Sēra retepon eni; iyūi dōmūtĭnemi Isak ĭm Rebeka retepon eni; ĭm yūi yx īmtĭnemi Lia; 32ōvun nĭtnĭme eni Het dūmūvasĭgi nūrū mori ĭm neveli ra mumpon. 33Im Iēkob yĭmenūaveni ōvun nĭmpasewugi sū eni pun ōra ōvun nĭtnĭme eni, miyi yalnē nōwon eni ra mumpon nĭvlok, mō mesumsah aveni; mirora dumuriuki iyi mō mavorekū.
Currently Selected:
Kenesis 49: ERGOT
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society: Genesis in 1914, and Ruth in 1932.
