Kenesis 46
46
1Miyi Isrēel yĭmtatevote, mō ĭmpe ra nūrū Birsiba, mō ĭm sokowar ugi ōvun sokowar iran Nōbū eni Isak ĭtemen eni. 2Im Nōbū yenūwi pugi Isrēel ra ōvun nilasĭvrovora ra pūmrok, mō menūwi memokū, Iēkob, Iēkob. 3Miyi yenūwi memokū, Yx ĭgko. Miyi yōmenūwi memokū, Yx Nōbū, Nōbū eni ĭtemen‐e‐kĭk; etūmtetugi woriyep ra Ityĭpt, ĭt ya onumpi kĭk numpūn lō tamas iyūi. 4Ya īyep ūndū kĭk ra Ityĭpt, ĭm ya ōmĭntōrok ĭgko, ĭm Yōsef antipe nokoben eni ran tan nĭmtum.
5Im Iēkob yitūok ra Birsiba; mōvun nĭtnĭme eni Isrēel dūtōri Iēkob ĭtemen en irora, mōvun nĭtnĭme en irora, mōvun reteponeme en irora, ran tan ōvun nūrah sū mori woralō, mori Fērō yitamūl‐ōra woruriuki tan iyi. 6Mirŏra dūvī ōvun kūrimatx en irora, ĭm nōete sū en irora mori dūmūsĭmsĭmugi ra nūrū Kēnan, mō mūve ra Ityipt, Iēkob, mōvun nĭtnĭme omwisū eni dal iyi, ĭtōvatemen mitvasiven ōvun nĭtĭndeme dal iyi, 7ov novsen eni omwisū, yĭmtōr‐ōra omwisū ra Ityĭpt.
8Imo sū dūti ov ninda ōvun nĭtnĭme eni Isrēel mori dūve ra Ityĭpt; Iēkob mōvun nĭtnĭme eni. Itnetemefi eni Iēkob, Rūben. 9Mōvun nĭtnĭme eni Rūben dūti Hanok ĭm Falū, ĭm Hesron, ĭm Karmī.
10Mōvun nĭtnĭme eni Sĭmion Yemūel, ĭm Yamin, ĭm Ohad, ĭm Yakĭn, ĭm Sōhar, ĭm Saūl, nĭtni eni sī nasiven Kēnan.
11Mōvun nĭtnĭme eni Livī dūti Kerson, ĭm Kōhat ĭm Merērī.
12Mōvun nĭtnĭme eni Yūda dūti, Er, ĭm Onan, ĭm Sila, ĭm Fares, ĭm Sara: Er ĭm Onan dūmas ra nūrū Kēnan. Mōvun nĭtni eni Fares dūti Hesron ĭm Hamūl.
13Mōvun nĭtnĭme Isakar dūti, Tōla, ĭm Fūva, ĭm Yōb, ĭm Sĭmron.
14Mōvun nĭtnĭme eni Sebūlon dūti Sered, ĭm Ilon, ĭm Yahlil.
15Mōvun nĭtnĭme eni Lia, mori iyi yivī eni Iēkob ra Padanaram dūti irora sū mori, ĭm Dīna nĭtni ĭtnasiven eni. Mōvun nĭtnĭme eni itōvateman mitōvasiven eni, omwi sū turti‐tri.
16Mōvun nĭtnĭme eni Kad dūti, Sĭfion, ĭm Hakī, ĭm Sūnī, ĭm Esbon, ĭm Irī, ĭm Arōdī, ĭm Arēlī.
17Mōvun nĭtnĭme eni Ashur dūti Yĭmna, ĭm Isūa, ĭm Isūī, ĭm Birīa, ĭm Sēra, vevĭn en iro ra Mōvun nĭtnĭme eni Birīa dūti Hiber, ĭm Malkiēl.
18Irora mori ōvun nĭtnĭme eni Sĭlpa, mori Lēban yīpmovugi Lia, nĭtni eni ĭtnasiven, miyi yivī irora‐mō eni Iēkob, omwisū sĭkestin.
19Mōvun nĭtnĭme eni Rētyel, retepon eni Iēkob dūti Yōsef ĭm Benyomĭn.
20Dūti numprokomol eni Yōsef nūrū Ityĭpt Manase ĭm Ifrēĭm, yumol irora Asinat nĭtni ĭtnasĭven eni Potifera, neteme sokowar ra On.
21Mōvun nĭtnĭme eni Benyomĭn dūti Bila, ĭm Biker, ĭm Asbel, ĭm Kira, ĭm Nēaman, ĭm Ihī, ĭm Rōs, ĭm Mupim, ĭm Hupim, ĭm Ard. 22Irora mori ōvun nĭtnĭme eni Rētyel, mori yumprokomol eni Iēkob: omwi su fōrtin.
23Mōvun nĭtni eni Dan, dūti Hūsim.
24Mōvun nĭtnĭme en Naftalī dūti Yasil, ĭm Kūnī, ĭm Yiser, ĭm Silem.
25Irora‐mō dūti ōvun nĭtnĭme eni Bĭlha, mori Lēban yĭpmovugi Rētyel nĭtni ĭtnasiven eni; miyi yivī irora mori eni Iēkob: omwi sū seven.
26Omwisū mori dūvelum dal Iēkob ra Ityĭpt, mori dūmnē ra nokolĭsiran eni, mirora ōvun retepondeme en irora ōvun nĭtneme eni Iēkob: omwi sū‐sĭkesti‐sĭkes, 27Mov nĭtni eni Yōsef mori yumprokomol eni ra Ityĭpt: irora dūrū: omwisū mori ra nimō eni Iēkob, mori dū?-?muvē ra Ityĭpt, seventi.
28Miyi yĭmtamūli Yūda worōbūm iran pugi Yōsef, woresareki nĭpmi eni ra Kōsen; mirora dūvelum ra nūrū Kōsen. 29Im Yōsef yĭmtaves‐e‐ves nūrah woralō eni, mō ĭmpe worevetĭt iran Isrēel ĭtemen eni, mafeli Kōsen, yetūratumpeni pugi; miyi yumol ra nōwan eni, mō mĭmnageri ra nōwan eni. 30Im Isrēel yenūwi pugi Yōsef memokū, Tenĭmpe yx yōumas marima, ĭt ya okesi nĭmtum ĭt kĭk umnomūrep.
31Im Yōsef yenūwi pun ōra ravĭnsīeme eni, mirora sū ra nimō eni ĭtemen eni memokū, Aremī ya ampe mō mĭntampĭgi pugi Fērō, memenūwi pugi mogkū, Ravūgsīeme, mirora ra nimō eni ĭtemene yx, okevelum dūmnē ra nūrū Kēnan po yx. 32Mōveteme mori ūmnovūguni ōvun sĭmsĭmak, imō numpūrah en irora dan sū, mirora dūtōr‐ōra ōvun sĭmsĭmak sū mōvun kurimatx, mōvun tiame sū en irora. 33Im pol sugkū Fērō amperug‐kūm mō manūwi pug kūm magkū, Tiē ov numpūrah enugkĭmi? 34kĭmi kwontamsi mūmagkū, Ovun lĭvsx enugkĭk ugi ōvun kūrimatx marugi nĭmpugon dan kam virok mafeli nĭmpugon marima, kam mōvun retemami sugkū, [ūnūwi mūmagku sugkū] ma iyi ontenĭmpe kĭmi woretĭndōwi ra nūrū Kōsen: ōveteme Ityĭpt dūmokesĭndi pun ōra sū mori dūmnovuguni ōvun sĭmsĭmak ra ov nūrah sū.
Currently Selected:
Kenesis 46: ERGOT
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society: Genesis in 1914, and Ruth in 1932.
