Kenesis 44
44
1Mipi yĭmpasewugi iyi nivūo ra nimō eni memokū Ovūara gi nevag ovun bak en irora ōveteme mori, sugkū irora faneteme woresĭnduri, mō metipe muni en irora metevūrah‐go ra nugunda ōvun bak en irora; 2ĭm kup enyx mori sĭlver ra nugon bak eni iyi ĭtevirok, ĭm muni eni; miyi yumpi sugkū nam eni Yōsef mori iyi yĭmpasewugi.
3Im prūbokōm yĭmtamūl‐ōra, irora dūve lap marugi ūntĭmne; 4dūtūve ĭsūt; ĭm Yōsef yōmenūwi pugi nivūa eni memokū, Etūok mūr‐ōra ōveteme mori; nĭmpugon kĭk owosĭnterok‐onda, enūwi pun ōra memokū, Irantie kūmumpi sat ra aremī? 5Narisah enyx umnomoneki marugi imo miyi umĭntapmi worokili ugi pe mori kū? Kĭmi kūmumpi sat ugi imō.
6Miyi yiwosĭnterok‐onda mō menūwi imō mam pun ōra. 7Mirora dūnūur pugi mūmokū, Irantie narisah enyx umanūwi nam magkū sūgkū? Ovun lĭvsx enugkĭk ūtōkū worumpi sugkū imō nam. 8Pah muni mori kam lokesi ra nugon ōvun bak enugkam ka ke livepetorĭleki sū punok marugi nūrū Kēnan, ĭm kam tawi faneteme worumprok ugi sĭlver ĭm kōld marugi nimō eni narisah enugkĭk kū? 9Nagkū kĭmagesi ūndū sī ra irora ōvun lĭvsx wokon eni narisah enyx.
10Miyi yōmenūwi memokū, Aremī; eti sugkū nam enugkĭk; iyi sī mori ya agesi pe ūndū anti lĭvsx enyx, ĭm wanti nesūli kĭmi. 11Mirora dūovki sep ĭtnum ōvun bak enirora ra nemap, mō mūtī pelah sū. 12Miyi yĭmsum?-?pelag? yati potni ra ĭtnetemefi, mōmokompeli ra ĭtevirok; ĭm kup mori ūnesog bak eni Benyomĭn. 13Mirora dūsaseri ōvan nemas en irora; mirora sū dumūvki san ran tanda ōvun as en irora, mō mūtorĭleki ūntĭmne mori.
14Im Yūda mirora ravĭnsīeme dūve ra nimō eni Yōsef; miyi yĭmorokote lap wi yūi, mirora dūmumol ūnĭpmi eni ra nemap. 15Im Yōsef yenūwi pun ōra memokū, Tiē imō mori kĭmi kĭmumpi? Kūtūkili neteme sugkū yx umagesi ĭndowi kū?
16Im Yuda yenūgi memokū, Ka ke lanūwi nam pugi narisah enyx magkūn‐tiē? Pah, kam faneteme wore?-?takosekos ĭramam kū? Nōbū evsok satĭndi enugkam ōvun lĭvsū enugkik; pah kam ōvun lĭvsx eni narisah enyx, kam, miyi mori ra nōkoben eni okesi kup mori. 17Miyi yōmenūwi Tawi; ya otum magkū worūmpi sugkū imō; neteme mori ra nakoben eni okesi kup mori, iyi anti lĭvsx enyx; kō kĭmi, ūve pugi itemen‐e‐kūm ra nĭnparata.
18Im Yūda yive potipot iyi mō menūwi memokū, ah! narisah enyx, aremī ya anūwi nam pug kĭk, yx lĭvsx enugkĭk, narisah enyx; etū tūgon narakī enugkĭk irag livsx enugkĭk: kĭk sugkū Fērō. 19Naaisah enyx, kĭk mĭntagkol‐ōra ōvun livsx enugkĭk memokū, Enugkimi ĭtemen, kū avĭnsĭ kū? 20Im kam lenūwi mumokū pug kĭk, narisah enyx nūmokū, Itemen‐e‐kam miyi numpūmetūo, ĭm sĭ nĭtni eni ĭtevirok; mavĭnsī eni yimas; miyi mori sī teven umante ra dĭneme eni, mĭtemen eni umnelentugi iyi. 21Im kĭk menūwi pug kam ōvūn livsx enugkĭk memokū. Tōri‐iyi ĭgko po yx, ya kum magkū worokesi iyi. 22Im kam lenūwi pugi narisah enyx mūmokū, Iyi avūnyan tawi faneteme worōwi ĭtemen eni; nagkū awi ĭtemen, ĭtemen eni amas. 23Im kĭmenūwi pun ōra ĭtevirok otū ampelum dal‐e‐kĭmi, kūtū ōmagesi nĭmtūg.
24Mō metepū penūri kam livē pugi ĭtemen‐e‐kam, livsx enugkĭk, kam litampĭgi pugi nam eni narisah enyx. 25Miyi ĭtemen‐e‐kam yōmenūwi memokū, Uvē mō mūvasĭgi nevag nĭsekont. 26Im kam lenūwi mūmokū, Kam tawi faneteme woriep; nagkū avĭnsī kam ĭtevirok dal‐ekam, ka ke lēĭp; nagkū avĭnsi kam mori tawi dal, ka ke letūm lagesi nĭpmi eni neteme mori. 27Miyi livsx enūgkĭk, ĭtemen‐e‐kam yōmenūwi pug kam memokū, Kĭmi kūmagkĭli ma retĭg yumol nĭtni en dūrū enyx; 28ĭm sī yivē ilat marako‐yx, ĭm yx menuwi memokū, Itnesog oketevaseri! oketevaseri iyi! ĭm ya otū ōmokesi. 29Penūri kĭmi kwontōri pelah imō marugi nĭmtūg, miyi andĭgi nesorū, kwontamŭli noveliwos enyx ra vĭletĭnemi ugi nelĭleki.
30Im pol sugkū ya ampe pugi ĭtemen‐yx, lĭvsx enugkĭk miyi avūnyan mori tawi dal‐e‐kam, (ĭm naviateni otĭn nafiafi ūndū nomūrep eni avūnyan). 31Penūri iyi amas, ĭt iyi otū agesi avūnyan, mō magkū, tawi iyi, ĭm kam, ōvun livsx enugkĭk, wampī sep noveliwos eni livsx enugkĭk, ĭtemen‐e‐kam, ra vĭletĭnemi gi norĭgumpūnū. 32It yx livsx enugkĭk okevī avunyan mori, mō mĭntampenemugi iran ra ĭtemen‐e‐yx, mōmenūwi pugi memokū, Nagkū ya otū ōmĭntōri iyi pug kĭk, ya oneworōpatevi ĭndewi ra ĭtemen‐e‐yx. 33Marima ya kum magkū, aremī yx woretĭndōwi livsx enugkĭk, narisah enyx, woretampenemugi iran avunyan mori; ĭm aremī iyi avūnyan mĭsah dalavĭnsīeme eni; 34ĭt yx tawi faneteme woreve pugi ĭtemen‐e‐yx miyi avūnyan mori tawi ūndū yx, ya agesi nasx tamas eni ĭtenen‐e‐yx.
Currently Selected:
Kenesis 44: ERGOT
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society: Genesis in 1914, and Ruth in 1932.
