Kenesis 37
37
1Im Iēkob yetĭndōwi ra nūrū mori ĭtemen eni yĭpme?-?tĭndōwi, nūrū Kēnan. 2Ovun palsi sū eni Iēkob dūti imo sū: Yōsef nĭmpugon nevi sū seventin iran, yumpro?-?kavos‐wi dal irora ravĭnsī‐eme, dal sĭmsĭmak; miyi yeti neviarep dal ov nĭtni eni Bĭlha, movun nĭtni eni Sĭlpa, ōvun retepon eni ĭtemen eni: ĭm Yōsef yĭmtampĭgi pugi ĭtemen nam ugi nari sat en irora.
3Im Isrēel yelĭntugi Yōsef mōmū ra irora ov nĭtnĭnme sū eni, popōwo nĭtni ra numpūmetūo eni, miyi yumpi sĭmplxon niura nĭsekon. 4Im ravĭnsīeme eni dūkili ma ĭtemenda yelĭntugi iyi mōmū ra irora sū ravĭnsīeme, mirora dūmnakan pugi, dūtū faneteme worenūwi pugi magkū tasiasyē iran.
5Im Yōsef yĭmeviak sī memeviak, miyi yĭmtampĭgi pe pun ōra ravĭneme eni, mirora dūmnakan pūgi mōmū. 6Miyi yōmenūwi pun ōra memokū, Urigi imō nemeviak enyx mori yx meviak. 7Pah, kos kĭm lēeti ōvun nēat ra nete nūrū, ĭm pah, nēat enyx itūok mō metūrū, mōvūn nēat enmgkĭmi dūtūok mō magkxugi, mō mūsesiē ves ugi nēat enyx. 8Im ravĭnsīeme eni dūnūwi pugi mūmokū, kĭk onari iramam kū? Kĭk ontantevake sah ĭramam kū? Mirora dūmnakan pugi mōmū tamas ra ōvun nemeviak ēni, ĭm nam eni.
9Miyi yōmeviak nemeviak mo ĭmtampĭgi pun ōra ravĭnsīeme eni, mō menūwi memokū, Pah, ya okomeviak nemeviak sī mōmū, ĭm pah, nĭpmīnen, mitīs, ĭm mosi sū eleven, dūmūsesiē ves ūnĭmtug. 10Miyi itampĭgi pe pugi ĭtemen eni, ĭm pun ōra ravĭnsĭeme eni: mĭtemen eni yĭmevriuri iyi, mō menūwi pugi memokū, Tiē imō nemeviak kokomeviak ugi? Kĭmagkū, yx ĭm dĭnum, ĭm rapmisīeme, wampelum woromolsep tovunok mō mūtampūp kū? 11Im ravĭnsīeme eni dūatūĭtūi iyi; kō ĭtemen eni yevelĭveli ugi nam eni.
12Mirora ravĭnsīeme eni dūve worovuguni sĭmsĭmak eni ĭtemenda ra nūrū Sikem. 13Im Isrēel yenūwi pugi Yōsef memokū, Rapmisī eme umnavuguni sĭmsĭmak ra Sikem kū? Elum, ya kum magkū kĭk ampe pun ōra. Miyi itamsi pugi memokū, yx igko. 14Miyi yōmenūwi pugi memokū, Eve, ya kum nakīug‐kĭk, mokes‐ōra rapmisīeme, nagkū nĭnparata en irora ĭm sĭmsĭmak, muriuki pelum nam po yx. Miyi yĭmtamūli iyi ratilat nomōrūn Hebron; miyi yivē ra Sikem.
15Im sĭ neteme yokesi iyi, ĭm pah, yĭmsē ewani ūnavonavo; ĭm neteme mori yĭmtagkeli iyi memokū, Kīm?-?nesorug en tiē? 16Miyi yĭmtamsi memokū, Ya kum nesorugi ravūgsīeme, enūwi po yx, irora umnavugūn ia? 17Miyi neteme yĭmtamsi pugi memokū, Irora ūwi nūrū ĭgko, Ya origi nam irora ūnūwi mūmokū, Kos mampe ra nūrū Dotan. Im Yōsef yĭmūr‐ōra ravĭn sīeme mō mokes‐ōra ra Dotan. 18Impol sugkū iroran dōkesi iyi ĭsūt, nĭmpugon iyi yetūvelum potipot irora, irora dūmūnūwi mūmokū woretalugi iyi.
19Mirora dūnūwi, pun ōra mūmokū, Pah neteme nemeviak umprokevelum. 20Uvelum, kos lĭntalugi, mo me?-?novki sep ūnesog nokol, penūri kos ke lanūwi magkū, sī nūrah sat okolaviakugi; ĭm kos ke lagesi tiē wantepū ugi ōvun nemeviak eni. 21Im Rūben yorĭgi miyi yĭmsu?-?kĭle‐kĭlwi iyi marugi nokobĭnda, mō menūwi memokū, Kos letūtalugi iyi. 22Im Rūben yōmenūwi memokū, Utū wosĭlĭgi de; ūvkisep iyi ūnesog nokol nūrū wokon; ūtūtipe nokopmi iran, ĭt iyi yĭmokū woresūkĭlekĭlwi iyi marokonda mō mĭntōri pugi ĭtemen.
23Im pol sugkū Yōsef yivelum pun ōra ravĭnsĭeme eni, dūtūvwi sĭmplxon eni parugi, mori iyi yevĭugi, sĭmplxon niura mori. 24Mirora dūvī mō mūvkisep iyi ra mumpon nokol ĭm poko, tawi nū ūnesog.
25Mirora dūmūtesep woreni yōūp, mirora dūmūlagkx mō mokesi, ĭm pah, ōveteme Ismēel dumprok ovelum dūmnē Kĭliad, mōvun kamel ēn irora dūmunduri dumpon nē, mōvun nūrah sū nĭmpen‐e‐ves ĭm natok vĭo worēĭp Ityĭpt.
26Im Yūda yenūwi pun ōra ravĭnsīeme memokū, Tiē aremī nagkū kos ke lĭntalugĭ avĭnsī kos mō mantiumpeni de eni. 27Aremī kos levasĭgi iyi pun ōra ōveteme Ismēel, ĭm kos letū lĭntī iyi, ĭt iyi avĭnsī kos, ĭm fan enugkos. Mirora ravĭnsīeme dūrĭgi nam eni.
28Mōveteme nevasi Mĭdian dūvelum; mirora dūreveni sah Yōsef, mō murinki sah marugi nokol, mō mūvasĭgi Yōsef pun ōra ōveteme Ismēel ra muni sĭlver twenti. Mirora dūtōri Yōsef ra Ityĭpt.
29Im Rūben yoĭmpe ra nokol mori, ĭm pah, tawi Yōsef ra mumpon; miyi yitevaseri netxsep eni. 30Mō īmtorĭleki pun ōra ravĭnsīeme eni, mō menūwi memokū, Tawi iyi avūnyan; ĭm yx ya ampēa?
31Mĭrora dūvī sĭmplxon eni Yōsef, mirora dūtalugi nĭtni nani, mō mūrū tĭnemugi sĭmplxon mori ra de. 32Mirora dūtamūli sĭmplxon niura, mō mūvugi itemenda mūmokū, Kam lokesi imō: okesi nagkū sĭmplxon eni nĭtum, kū tawi. 33Miyi yokili pe mō menūwi, simplxon eni nītūg, sī nūrah nagon okolaviakugi iyi; nelaviokugi, oti nelaviokugi Yōsef!
34Im Iēkob yĭmtevaseri ōvun nemas eni, mō metōetĭgi lugkot‐lugkot, mō morĭgumpūnū nĭsekon nĭtni eni sikat en dan. 35Mōvun nĭtnĭme eni omwisū ĭtnateman mĭtnasiven dūtūok mam nĭmelōkelō pugi kō iyi yetūakīugi irora; miyi yōmenūwi memokū, Ya īyep ra nokol‐tĭnemi pugi nītūg ugi norĭgumpūnū. Mĭtemen eni yĭmnageri ugi.
36Mirora ōveteme Ityīpt dūvasigi iyi ra Ityīpt, pugi Potifar, sĭ yūnok eni Fērō, nivūo ra irora ōvun numpako mori dūfīnte iyi.
Currently Selected:
Kenesis 37: ERGOT
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society: Genesis in 1914, and Ruth in 1932.
