1 kurinṯus 5

asa 5

ŋuɽun ŋɩki kɩniso ganu ŋeḏi ŋeḏor gworki

1ŋuɽun ŋɩwiḏi ŋarno, ŋeḏor ŋo lagalo, na ŋeḏor ŋun ŋate ŋijo gi liji lun liro ga dino no, na gwiji gwəṯi gwa gweḏi baba gwuŋun. 2na nyalbuḏi lula lalo, na ŋate ŋiŋireḏo lagalo nyalarone na? iril gi jei ganu lagalo ŋu gwun gwiduji ŋuɽuna ŋeno. 3na nyi gwate lagalo kaŋɩnu no, namɩni gwo gwuɽɩwə gwe, na nyi gwiakɩmi wɽi gwiji gwun gwarro ŋuɽuna ŋeno ŋiro gi gwune nyi gwijo, 4gi jiri jeḏi gwele gwage gwun gwan yecu, nyalaje kal gete gwuɽɩwəŋale gwi, na ŋɩma ŋe ŋeḏi gwele gwage gwun gwan yecu, 5nyəḏəḏə seiṯanŋ gwiji kweno, kani a aŋɩnu keḏe ga, na gwuɽɩwə gwuŋun kədəḏɩni ga gi lamon leḏi gwele gwun gwan yecu.

6ḏabupaḏa ganu ḏalo ḏate ḏiŋir no, nya late lilɩŋiḏi jɩduɽə jɩti jaṯuli jilo wei na? 7mujɩl jɩduɽə lagalo wɽi jun juɽun kani nyaro jilo jun jiya, ŋiro gi gwune nya late ləṯɩn jɩḏuɽə gwunnɩno no; gi gwune kɩrisṯo gwuḏuginjije gwun gwiro lrəmə leḏi gɩmuri ge ḏouwɩrico. 8na ŋiro dino ildɩme gɩmuri go garo jɩduɽu jun juɽun, i je ḏikino maga, i ŋeḏi ŋuɽun ŋun ŋɩki gworki no, ŋwumɩro gia ge gun gate gigelɩnu juduɽə no geḏi ŋuɽun ŋun ŋiŋir na ŋun ŋiro gwerkwe.

9nyi gwulijaje jawab jinyi nya lo laje kal gete liji le lun laṯuriḏe ga dino, 10namɩni nyi gwate gweiceijɩno, arram nyalouwɩrico wɽi ŋuɽuna lijiŋale lun liro leḏor leḏi gɩḏilio keno, i lun lɩdeleḏeje ganu no, i lun liro luɽam, na lun laṯorṯeḏa ŋɩdio no, gi gwune ḏa ŋɩmaro dino ŋa gwədu kɩḏilio keno. 11namɩni nyi gwulijaje nya late lajaḏaṯa kal gete ḏa gwiji maje gwete gwun gwaṯɩleico mage naṯumɩni ure, i gwaṯɩdela ŋɩdio ganu, i gwaṯorṯeḏa ŋɩdio, i gwun gwaṯɩḏenɩḏi, i gwun gwaṯɩrləle, i gwun gwiro gwuɽam, na nya late leʼe gwijiŋale gwun gwiro dino no. 12gi gwune nyi gwəṯi ŋuɽuna ŋɩra nilakɩmi lun liro kaja? namɩni nya late lanyalakɩmi lun lijo gɩdəno kɩniso na? 13namɩni lun lijo kaja lai elo akɩmi. dil lagalo gwiji kweno gwun gwɩki.

Currently Selected:

1 kurinṯus 5: OTR1966

Highlight

Copy

Compare