PSALMEN Bindu 13
Bindu 13
Uhur na Kawah-kawah bani Pangurupion ni Jahowa
1Bani pambobai koor. Psalm ni si Daud.
2Sadiha dokah nari, Ham Jahowa, halupahonon-Mu ahu lalab?
Sadiha dokahnari ponopkonon-Mu bohi-Mu humbangku? (Ps. 42:10; 77:8; Hab. 1:2)
3Sadiha dokah nari sai tong marpingkir uhurhu,
sai sunsah uhurhu ibagas layur-layur ari?
Sadiha dokah nari sai pagijang diri munsuhku dompak ahu?
4Sai mangkawah ma Ham, balosi Ham ma ahu, Ham Jahowa, Naibatangku!
Palihar Ham ma matangku, ase ulang lanjar matei modom ahu; (Ps. 27:1; Esr. 9:8; Job 3:3, 30; Pod. 29:13; Par. 11:7; Jer. 51:39, 57)
5ase ulang ihatahon munsuhku, “Domma hupatunduk ho,”
ase ulang gabe marsurak munsuhku, anggo rebad-rebad ahu. (Ps. 25:2)
6Ia ahu, bani idop ni uhur-Mu do ahu marhatengeran,
marolob-olob do uhurhu, mangidah haluahon na hun Bamu.
Mandoding ma ahu bani Jahowa halani pambahenan-Ni na madear bangku. (Ps. 9:15)
Currently Selected:
PSALMEN Bindu 13: BTS
Highlight
Share
Copy
Want to have your highlights saved across all your devices? Sign up or sign in
Bibel, Simalungun Bible (revised ed.) © Indonesian Bible Society, 2007.