Pfong Ka̱za 22
22
1A̱pfong Ka̱za nu a̱ bon tyyei ncen na byyi ba̱shekwot sucet i, ba ya a̱ssi di ma̱dubi ni, a̱ nyyai a a̱ntwam dityok Ka̱za ba̱ A̱truk u. 2Ba tyong a̱ kyyep a̱katyyi ryen ka̱nkrang u. Kozan ka̱ma̱nyyi ncen nu a̱ byyi ka̱kon sum nkrang swak ba̱ a̱hwa i dirya, wato ka sum kozan hywan, a̱pipyyi na nna a̱ yet dikan creng ba̱nyet ka̱sa ti. 3Sa̱rei kyang a Ka̱za ka ka̱n shyi ni a̱ ni shyi ka̱yat ka̱nkrang ka ba.
A̱ntwam dityok Ka̱za nu bu A̱truk u a̱ nin shyi ka̱yat ka̱nkrang ka, ba̱kwwa nka ba a̱ ni ka̱ kok ntong. 4Ba ni ryi a̱ssi nka na, diyrek nka ti i shyi i na̱ta̱ssi mba na. 5Ka̱tuk a̱ nin shyi ba. Ba ni cat sai nom ko fitila ba, rot Ka̱za a̱ ni yet ka̱bvwa sai mba ka, ba yet ba̱gwam bam bu tyak.
Bai Yesu na
6A̱pfong Ka̱za nu a̱ bo hywa da̱ nzuk, “Ba̱ryat bani a̱ yet a̱tsatsak a̱ bo yet ka̱ryong. Ka̱za ka a̱ wwat ba̱nyet tyyei ba̱ryat nka ba Tswa ji ni, nka a̱ bo tom a̱pfong u na̱ bu tyyei ba̱kwwa nka ba nkyang a dolet ni ba ba̱nyying i.”
7Yesu a̱ hywa, “Cyang! N bai ba̱nyying! Ka̱za a̱ wwon ba̱nyet ba a̱ san ba̱ryat a̱ntyok tyyei ba̱ryat nka ba a̱ shyi ka̱yat kpa kani ni nda.”
8Nzuk Yohana, n dyi n bo n hok nkyang ani sa̱rei. Ka̱ram ka n nin na̱ hok n tyak ni n bo na̱ ryi n tyak ni, n ta̱gbok a a̱tak a̱pfong Ka̱za na a̱ n tyyei da̱ na ni, n ni ku sook ntong. 9Ma na̱ hywa da̱ nzuk, “Ryok yya a̱mi ba! N wa ma̱n yet a̱kwwa da̱ nwan ni bu kpikpit ba̱wumbeyang a a̱ tyyei ba̱ryat Ka̱za ba ni bu ba̱nyet ba a̱ bo tyong Ka̱za ni. Ka̱za ba̱diyin a ni ka̱ yya sujada.” 10A̱ bo hywa da̱ nzuk, “Ka̱ da a nyat ba̱ryat ba a̱ nyyai di Ka̱za a̱ shyi ka̱yat kpa kani ni ba, rot ka̱baram a̱ bo bvat a̱ shii ba nkyang ani ni ba. 11A̱yin nu a̱ yet a̱ka̱tuk ni n. Ka̱ram ka n nin na̱ hok n tyak ni n bo na̱ ryi n tyak ni, n ta̱gbok a a̱tak a̱pfong Ka̱za na a̱ n ta̱ ya bu ka̱son bu yet a̱ka̱tuk nu, a̱yin nu a̱n ma̱n yet a̱shishik ni na̱ ya ka̱son bu dishishik ti; a̱wwon a̱yin nu a̱ yet a̱tsatsak ni a̱ ya ka̱son bu ditsatsak ti, a̱yin nu a̱ bo ma̱n yet a̱zizrak ni a̱ ya ka̱son bu dizizrak ti.”
12Yesu a̱ bo hywa, “Cyang! N bai ba̱nyying bu zang nzuk ji n bu wrak koyan ba̱cicrak bu kyang a na̱ yya ni. 13Nzuk n yet Alfa bu Omega, ka̱son bu ka̱ryim, ka̱tsitsrang bu a̱ngbom.”
14Ba̱nyet ba a̱ hok ansham ni mba a̱ tssu ba̱tro mba a̱ wwon ba̱jijyat ba bo ba̱ wwon ba ya ka̱kon sucet ka a̱ bo hyok i kofa na a̱ si nwa ka̱yat ka̱nkrang ka. 15Ka̱ma ka̱nkrang ka na̱bvwu a̱n shyi, bu ba̱nyet bvok, bu ba̱kan-a̱naan, bu ba̱nyet hywaai ba̱nyet, bu ba̱nyet tssup na̱za na̱yaan, bu ba̱nyet ba a̱ gwai bvei diraa bu bvei a̱bvun ni.
16“Nzuk Yesu n tom a̱pfong Ka̱za nzuk u na̱ bu tyyei ba̱nyet tssup ba sa̱rei nkyang ani. Nzuk ka̱mbvon Dawuda, a̱jijyat ka̱ta̱ngwat a̱shong a̱ntson.”
17Tswa ji ba̱ amariya hywa, “Ba.”
A̱yin nu a̱ hok b a̱ tssu ba̱tro mba a̱ wwon ba̱jijyat ba bo ba̱ wwon ba ya ka̱kon suca̱ryat ba ni, dolet na̱ hywa, “Ba.”
A̱yin nu a̱ pfong na̱shyi ni na̱ ba a̱ san ba̱shekwot sucet ba za̱nang, ka̱ cat.
A̱ngbom ba̱ryat u
18Nzuk Yohana n tssap ba̱nyet sa̱rei, ba̱nyet ba a̱ hok ba̱ryat Ka̱za ba shyi ka̱yat kpa kani ni. A̱yin nu a̱n brang kyang ni, Ka̱za a̱ ma̱ nin ku brang ka̱bvung ka ba jem ka̱yat kpa kani ni. 19Ka̱ a̱yin a̱ ma̱n ywwai ba̱ryat Ka̱za ba a̱ shyi ka̱yat kpa kani ni, Ka̱za a̱ ni sook zang nu ji i disum ka̱kon sucet ti bu Ka̱nkrang Ka̱za ka, ba̱nbani ba ryat i kpa nani ni.
20A̱yin nu a̱ wrak shaida jini a nkyang ani ni a̱ hywa, “A̱kpak a̱ssi n nin dyat! N bai ba̱nyying.”
Ryok ku ryi a̱mi! Ba A̱gwam Yesu!
21Ka̱za a̱ ya wwon nda ba̱sa̱rei nyin. Amin.
Currently Selected:
Pfong Ka̱za 22: kaj
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
