Ibraniyawa 8
8
Yesu a̱gba̱dang gado Ka̱za njit
1A̱gba̱dang kyang i ba̱ryat njit ba a̱mi a̱ yet, zi byyi A̱gba̱dang Gado Ka̱za nu a̱ swat Tazwa mbvak yak dityok Ka̱za ni, 2a̱ yya pfong di a̱gba̱dang gado Ka̱za ni ka̱yat a̱zizrak bat bu ka̱bvwa ka̱ryong ka Ka̱za ka nok di bvak nka ni, ba dinok a̱neywu ba.
3Dolet kozan a̱gba̱dang gado Ka̱za a̱ cong di nkyang za̱nang a̱ si bo kwot ba̱hyum. Rot a̱mi dolet meyang A̱gba̱dang Gado Ka̱za njit u a̱ byyi kyang a na̱ ma̱n ni wrak ni. 4Ki a̱ si bu shyi i ka̱sa ka a̱ si bu maai a̱ yet gado Ka̱za ba, rot ba̱gado Ka̱za a̱n shyi a̱ kwot ba̱hyum di Truwang ba̱nyet Yahuda ji zi yin sak ni. 5Pfong a ba yya ni yet ma̱nwwuk nkyang a shyi Tazwa ni. Da̱ni di Musa na̱ yin naat tuk mbvut a ni, Ka̱za a̱ ku tyyei a̱ hywa “Ta̱rwam i yya da̱ni di ba na̱ tyyei tazwa dihwan ka ni.” 6Ma da̱ni zin dyi ni, ba yin wrak Yesu pfong a ra̱u nying ba̱gado Ka̱za na ni ba̱gingang, a̱mi brak kyang a na̱ rop a̱ za sak i ni ran nying ka̱ram Musa na, rot ba ryat a̱ sak a̱tsatsak nkyang.
7Rot ba̱ryat ka̱son ba Ka̱za ka yin dop a̱ wwon ni a̱ da yin sang ka̱ywap, ka si bu cat ryen ba da̱ a̱hwai a̱yaan ba. 8A̱ yin si shya ba̱nyet nu ba bu hywak, nkpa yin byyi na̱ yin hywa,
“A̱gwam Ka̱za a̱ hywa, ka̱ram ka̱yaan a̱ cong a̱ bai,
n ni rop a̱hwai ba̱ryat bu ka̱ryi Isreila bu ka̱ryi Yahuda.
9Ba taka̱i rop a n yin dop bu ba̱tyyi mba ba ni ba,
ka̱tuk ka n yin ba̱ pyyem mbvak n ni wruk ba̱ mba ka̱yat Masar ka ni,
rot ba yin breng kyang a n yin dop ba̱ mba ni ba,
nzuk meyang n tun mbvak n ba̱ wwon.
A̱mi A̱gwam Ka̱za kan hywa.
10Kyang a n ni ryat n wwon bu ka̱ryi Isreila ka ka̱ram iya ni,
n ni tyyi truwang nzuk ji ka̱yat mpfwa mba,
n ba̱ jem i a ndya mba.
N ni yet Ka̱za mba
mba ba ma̱n yet ba̱nyet nzuk.
11A̱yin a̱n shyi a̱ bo ni zzek a̱wumba
ko a̱kpondang nu
a̱ hywa ‘Yi bvwo Ka̱za’ ba.
Rot di cincong da̱ a̱gba̱dang
koyan a̱ ni n bvwo.
12N ni yring ka̱ywap mba ka ba,
n ni ba̱ tssu a̱ka̱tukyya mba nu.”
13Tazwa a̱hwai kyang u na̱ rop a̱ sak ni Ka̱za a̱ brak ka̱tsitsrang ka a̱n yya a̱kukwo, kyang a ka̱ram nkpa a̱ seyak ni a̱yin a̱ bo kpo ryi ba.
Currently Selected:
Ibraniyawa 8: kaj
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Ibraniyawa 8
8
Yesu a̱gba̱dang gado Ka̱za njit
1A̱gba̱dang kyang i ba̱ryat njit ba a̱mi a̱ yet, zi byyi A̱gba̱dang Gado Ka̱za nu a̱ swat Tazwa mbvak yak dityok Ka̱za ni, 2a̱ yya pfong di a̱gba̱dang gado Ka̱za ni ka̱yat a̱zizrak bat bu ka̱bvwa ka̱ryong ka Ka̱za ka nok di bvak nka ni, ba dinok a̱neywu ba.
3Dolet kozan a̱gba̱dang gado Ka̱za a̱ cong di nkyang za̱nang a̱ si bo kwot ba̱hyum. Rot a̱mi dolet meyang A̱gba̱dang Gado Ka̱za njit u a̱ byyi kyang a na̱ ma̱n ni wrak ni. 4Ki a̱ si bu shyi i ka̱sa ka a̱ si bu maai a̱ yet gado Ka̱za ba, rot ba̱gado Ka̱za a̱n shyi a̱ kwot ba̱hyum di Truwang ba̱nyet Yahuda ji zi yin sak ni. 5Pfong a ba yya ni yet ma̱nwwuk nkyang a shyi Tazwa ni. Da̱ni di Musa na̱ yin naat tuk mbvut a ni, Ka̱za a̱ ku tyyei a̱ hywa “Ta̱rwam i yya da̱ni di ba na̱ tyyei tazwa dihwan ka ni.” 6Ma da̱ni zin dyi ni, ba yin wrak Yesu pfong a ra̱u nying ba̱gado Ka̱za na ni ba̱gingang, a̱mi brak kyang a na̱ rop a̱ za sak i ni ran nying ka̱ram Musa na, rot ba ryat a̱ sak a̱tsatsak nkyang.
7Rot ba̱ryat ka̱son ba Ka̱za ka yin dop a̱ wwon ni a̱ da yin sang ka̱ywap, ka si bu cat ryen ba da̱ a̱hwai a̱yaan ba. 8A̱ yin si shya ba̱nyet nu ba bu hywak, nkpa yin byyi na̱ yin hywa,
“A̱gwam Ka̱za a̱ hywa, ka̱ram ka̱yaan a̱ cong a̱ bai,
n ni rop a̱hwai ba̱ryat bu ka̱ryi Isreila bu ka̱ryi Yahuda.
9Ba taka̱i rop a n yin dop bu ba̱tyyi mba ba ni ba,
ka̱tuk ka n yin ba̱ pyyem mbvak n ni wruk ba̱ mba ka̱yat Masar ka ni,
rot ba yin breng kyang a n yin dop ba̱ mba ni ba,
nzuk meyang n tun mbvak n ba̱ wwon.
A̱mi A̱gwam Ka̱za kan hywa.
10Kyang a n ni ryat n wwon bu ka̱ryi Isreila ka ka̱ram iya ni,
n ni tyyi truwang nzuk ji ka̱yat mpfwa mba,
n ba̱ jem i a ndya mba.
N ni yet Ka̱za mba
mba ba ma̱n yet ba̱nyet nzuk.
11A̱yin a̱n shyi a̱ bo ni zzek a̱wumba
ko a̱kpondang nu
a̱ hywa ‘Yi bvwo Ka̱za’ ba.
Rot di cincong da̱ a̱gba̱dang
koyan a̱ ni n bvwo.
12N ni yring ka̱ywap mba ka ba,
n ni ba̱ tssu a̱ka̱tukyya mba nu.”
13Tazwa a̱hwai kyang u na̱ rop a̱ sak ni Ka̱za a̱ brak ka̱tsitsrang ka a̱n yya a̱kukwo, kyang a ka̱ram nkpa a̱ seyak ni a̱yin a̱ bo kpo ryi ba.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.