Ibraniyawa 7
7
Ka̱sak ka Malkizadik na̱ yin yet Gado Ka̱za ni
1To, Malkizadik a̱ywu a̱ yin yet a̱gwam Shalima, a̱ si bo yet gado Ka̱za A̱gba̱dang A̱gwam Ka̱za. Ka̱ram ka Ibrahim na̱n bvwot nyyai an zwang ji na̱ yin sin hywaai ba̱gwam ba ni, Malkizadik a̱ mon ba̱ nu, a̱ ku pfwa nda. 2Ibrahim meyang a̱ ma̱n tun a̱tswa a̱yring ka̱yat ba̱tswa swak an nkyang a na̱ yin si kok ka̱rek nzwang ka ni a̱ ku ryi. Diyrek nu ti yin yet “a̱tsatsak a̱gwam”. Brak a̱ yin yet a̱gwam Shalima nkpa yet a̱gwam salama yemi. 3To, a̱yin da̱ a̱ bvwo a̱tyyi nu ko a̱naa nu ko ba̱tyyi nu ba, da̱ a̱yin na̱ bvwo nom ku byin ba, da̱ a̱yin na̱ bvwo nom dikwu nu ba. Da̱ni di Ka̱won Ka̱za ni, a̱ yet gado Ka̱za wityak.
4Da̱ cyang a̱yin a̱ni bu shii nu na, a̱tuba nu Ibrahim a̱tyyi na̱won Isreila nu na̱ yin ku ryi a̱tswa a̱yring ka̱yat ba̱tswa swak a̱nying nkyang a na̱ yin si kok ka̱rek nzwang ka ni. 5Truwang ji tyyi na̱mbvon Lawi na a̱ yin yet ba̱gado Ka̱za ni ba trung a̱tswa a̱yring ka̱yat swak di na̱won Isreila na, ba̱wumbeyang mba. Mba meyang ba ma̱n yet na̱mbvon Ibrahim. 6To, Malkizadik a̱ yin nyyai an sot Lawi ji ba, ma a̱ san a̱tswa a̱yring u ka̱yat swak di Ibrahim a̱ ku pfwa nda, a̱tuba nu a̱ yin san kyang a Ka̱za ka ryat a̱ sak ba̱ nu ni. 7Zi bvwo sa̱rei, a̱gba̱dang a̱yin a̱mi a̱ na pfwa ka̱baan ka nda na. 8Ni di pfong gado Ka̱za na ni ba̱nyet ba a̱ ni kwi ni mba a̱ ni trung a̱tswa a̱yring u ka̱yat swak ka. Ma ni di Malkizadik ni, a̱yin nu a̱ swat a̱cet ni nu a̱ yin trung a̱yring tazwa swak ka, ni di ba̱ryat Ka̱za ban hywa ni. 9Ki zi drok i hywa, Ibrahim a̱ yin tan a̱yring ka̱yat swak o? Lawi nu, sot nu ji ba trung a̱yring ka̱yat swak ka ni, a̱ ma̱ yin trang, 10rot ka̱ram ka Malkizadik na̱ yin mon bu Ibrahim ni ka̱ram iya Lawi na̱ ri shyi i rwam ba̱tyyi nu na.
11Truwang ji ba yin wrak na̱won Isreila na ni yin shyi a mbvak ba̱gado Ka̱za nyyai an sot Lawi. N da n hywa pfong ba̱gado Ka̱za sot Lawi na yin yet a̱zizrak, da zi bu cat gado a̱yaan na̱ ba ba, a̱nu ni a̱ ni sook ka̱bvwa Malkizadik ka, ba ka̱nying Haruna ka ba. 12Ka̱ram ka ban shei digado Ka̱za ti ni, dolet ba bo shei truwang ji. 13A̱tuba nu zi ryat i, nu A̱gwam njit u Yesu, a̱ yin nyyai an sot ji a̱yin mba na̱ ka̱n yet gado Ka̱za ni ba. 14Rot zi bvwo ba̱zizrak A̱gwam njit Yesu a̱ yin wruk a̱ sot Yahuda. Musa da̱ a̱ yin hywa di ba̱nyet nsot ba ni a̱ ni yet ba̱gado Ka̱za ba.
Gado Ka̱za nu a̱ ra̱u Malkizadik ni
15To, ku za yet kyang wi ryi bvwong ba, ki gado Ka̱za a̱yaan a̱ hywok di gado Ka̱za Malkizadik ni. 16Digado Ka̱za nu ti yin nyyai di truwang ba̱tyyi ba, ma rot cet sucet a na̱ byyi ku sang ka̱hywat i. 17Rot ba̱ryat Ka̱za ba a̱ hywa, “A yet gado Ka̱za wityak a nyyan Malkizadik a.” 18Truwang ka̱son ji ba za̱ jik a̱ sak zan rot i byyi cet ko kpungtun ba, 19rot Truwang Musa ji yin maai i tyyi a̱yin na̱ yet a̱zizrak ba. Rot a̱mi ba wruk ba̱ a̱tsak kyang u ba nin tyyi ndya mba na ni, nkpa za kwwat nat i shishrek bu Ka̱za.
20A̱nu nini ba yin dyat a̱ sak bu sissing, ma ba̱gado Ka̱za gbang Lawi ba ba yin ba̱ tssa a̱n byyi sissing ba. 21Yesu a̱ yin sook digado Ka̱za nu ti ka̱ram ka Ka̱za ka yin shyi a̱ hywa,
“A̱gwam Ka̱za a̱ shyi,
di ka bo byyi brek riryim i ba̱ryat nka ba ba,
‘A yet gado Ka̱za wityak.’ ”
22Rot a̱mi Yesu a̱mi a̱ sook bvak a̱tsatsak bu a̱hwai nkyang u Ka̱za ka rop a̱ sak bu ba̱nyet nka ba ni.
23Kyang yring zi bu ni cyang: ba̱gado Ka̱za ba a̱ yin yya pfong a ka̱ryi Ka̱za ka ni a̱ yin shii ka̱tswa, rot dikwu yin ba̱ bvwo da̱de na an pfong a. 24Ma nu Yesu a̱ shya yet gado Ka̱za nu a̱yanyet na̱ nin san da̱ nu ni ba, rot a̱ yet gado Ka̱za wityak. 25Rot a̱mi a̱ maai a̱ san ba̱nyet ba a̱ hywei da̱ nu a̱ cong di Ka̱za ni, rot a̱n shyi a̱cet a̱ ga ba̱ naai i.
26Taka̱i a̱gba̱dang gado Ka̱za iya a̱mi a̱ maai san ka̱nak njit ka rot a̱ yet a̱zizrak gado Ka̱za, di na̱ byyi hywak ko a̱ka̱tukyya ba, a̱ si bo ya gang a̱ tun bu ba̱nyet a̱ka̱tukyya, a̱ shyi an bvak yak Ka̱za. 27Kpikpit ba̱cecet ba̱gado Ka̱za a ri krok ba̱hyum kozan ka̱tuk rot a̱ka̱tukyya mba nu ba̱ nying kpikpit ba̱nyet u. Ma Yesu a̱ bvwon bu kpikpit ba̱gado Ka̱za na, rot a̱ byyi cong bu ba̱hyum kozan ka̱tuk ba. A̱ ka̱n krok nkrang ka̱yring ku maai a̱mi, rot a̱ yin wrak diccu nu i ba̱hyum ba. 28Truwang Musa ji tssa ba̱nyet ba a̱ byyi ka̱ywap di ba̱neywu ni ba yet a̱gba̱dang gado Ka̱za ba, ma ba̱riryim Truwang ji Ka̱za a̱ rop a̱ sak a̱ bo shyi a̱ tssa Ka̱won nka ka yet a̱zizrak gado Ka̱za wityak.
Currently Selected:
Ibraniyawa 7: kaj
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Ibraniyawa 7
7
Ka̱sak ka Malkizadik na̱ yin yet Gado Ka̱za ni
1To, Malkizadik a̱ywu a̱ yin yet a̱gwam Shalima, a̱ si bo yet gado Ka̱za A̱gba̱dang A̱gwam Ka̱za. Ka̱ram ka Ibrahim na̱n bvwot nyyai an zwang ji na̱ yin sin hywaai ba̱gwam ba ni, Malkizadik a̱ mon ba̱ nu, a̱ ku pfwa nda. 2Ibrahim meyang a̱ ma̱n tun a̱tswa a̱yring ka̱yat ba̱tswa swak an nkyang a na̱ yin si kok ka̱rek nzwang ka ni a̱ ku ryi. Diyrek nu ti yin yet “a̱tsatsak a̱gwam”. Brak a̱ yin yet a̱gwam Shalima nkpa yet a̱gwam salama yemi. 3To, a̱yin da̱ a̱ bvwo a̱tyyi nu ko a̱naa nu ko ba̱tyyi nu ba, da̱ a̱yin na̱ bvwo nom ku byin ba, da̱ a̱yin na̱ bvwo nom dikwu nu ba. Da̱ni di Ka̱won Ka̱za ni, a̱ yet gado Ka̱za wityak.
4Da̱ cyang a̱yin a̱ni bu shii nu na, a̱tuba nu Ibrahim a̱tyyi na̱won Isreila nu na̱ yin ku ryi a̱tswa a̱yring ka̱yat ba̱tswa swak a̱nying nkyang a na̱ yin si kok ka̱rek nzwang ka ni. 5Truwang ji tyyi na̱mbvon Lawi na a̱ yin yet ba̱gado Ka̱za ni ba trung a̱tswa a̱yring ka̱yat swak di na̱won Isreila na, ba̱wumbeyang mba. Mba meyang ba ma̱n yet na̱mbvon Ibrahim. 6To, Malkizadik a̱ yin nyyai an sot Lawi ji ba, ma a̱ san a̱tswa a̱yring u ka̱yat swak di Ibrahim a̱ ku pfwa nda, a̱tuba nu a̱ yin san kyang a Ka̱za ka ryat a̱ sak ba̱ nu ni. 7Zi bvwo sa̱rei, a̱gba̱dang a̱yin a̱mi a̱ na pfwa ka̱baan ka nda na. 8Ni di pfong gado Ka̱za na ni ba̱nyet ba a̱ ni kwi ni mba a̱ ni trung a̱tswa a̱yring u ka̱yat swak ka. Ma ni di Malkizadik ni, a̱yin nu a̱ swat a̱cet ni nu a̱ yin trung a̱yring tazwa swak ka, ni di ba̱ryat Ka̱za ban hywa ni. 9Ki zi drok i hywa, Ibrahim a̱ yin tan a̱yring ka̱yat swak o? Lawi nu, sot nu ji ba trung a̱yring ka̱yat swak ka ni, a̱ ma̱ yin trang, 10rot ka̱ram ka Malkizadik na̱ yin mon bu Ibrahim ni ka̱ram iya Lawi na̱ ri shyi i rwam ba̱tyyi nu na.
11Truwang ji ba yin wrak na̱won Isreila na ni yin shyi a mbvak ba̱gado Ka̱za nyyai an sot Lawi. N da n hywa pfong ba̱gado Ka̱za sot Lawi na yin yet a̱zizrak, da zi bu cat gado a̱yaan na̱ ba ba, a̱nu ni a̱ ni sook ka̱bvwa Malkizadik ka, ba ka̱nying Haruna ka ba. 12Ka̱ram ka ban shei digado Ka̱za ti ni, dolet ba bo shei truwang ji. 13A̱tuba nu zi ryat i, nu A̱gwam njit u Yesu, a̱ yin nyyai an sot ji a̱yin mba na̱ ka̱n yet gado Ka̱za ni ba. 14Rot zi bvwo ba̱zizrak A̱gwam njit Yesu a̱ yin wruk a̱ sot Yahuda. Musa da̱ a̱ yin hywa di ba̱nyet nsot ba ni a̱ ni yet ba̱gado Ka̱za ba.
Gado Ka̱za nu a̱ ra̱u Malkizadik ni
15To, ku za yet kyang wi ryi bvwong ba, ki gado Ka̱za a̱yaan a̱ hywok di gado Ka̱za Malkizadik ni. 16Digado Ka̱za nu ti yin nyyai di truwang ba̱tyyi ba, ma rot cet sucet a na̱ byyi ku sang ka̱hywat i. 17Rot ba̱ryat Ka̱za ba a̱ hywa, “A yet gado Ka̱za wityak a nyyan Malkizadik a.” 18Truwang ka̱son ji ba za̱ jik a̱ sak zan rot i byyi cet ko kpungtun ba, 19rot Truwang Musa ji yin maai i tyyi a̱yin na̱ yet a̱zizrak ba. Rot a̱mi ba wruk ba̱ a̱tsak kyang u ba nin tyyi ndya mba na ni, nkpa za kwwat nat i shishrek bu Ka̱za.
20A̱nu nini ba yin dyat a̱ sak bu sissing, ma ba̱gado Ka̱za gbang Lawi ba ba yin ba̱ tssa a̱n byyi sissing ba. 21Yesu a̱ yin sook digado Ka̱za nu ti ka̱ram ka Ka̱za ka yin shyi a̱ hywa,
“A̱gwam Ka̱za a̱ shyi,
di ka bo byyi brek riryim i ba̱ryat nka ba ba,
‘A yet gado Ka̱za wityak.’ ”
22Rot a̱mi Yesu a̱mi a̱ sook bvak a̱tsatsak bu a̱hwai nkyang u Ka̱za ka rop a̱ sak bu ba̱nyet nka ba ni.
23Kyang yring zi bu ni cyang: ba̱gado Ka̱za ba a̱ yin yya pfong a ka̱ryi Ka̱za ka ni a̱ yin shii ka̱tswa, rot dikwu yin ba̱ bvwo da̱de na an pfong a. 24Ma nu Yesu a̱ shya yet gado Ka̱za nu a̱yanyet na̱ nin san da̱ nu ni ba, rot a̱ yet gado Ka̱za wityak. 25Rot a̱mi a̱ maai a̱ san ba̱nyet ba a̱ hywei da̱ nu a̱ cong di Ka̱za ni, rot a̱n shyi a̱cet a̱ ga ba̱ naai i.
26Taka̱i a̱gba̱dang gado Ka̱za iya a̱mi a̱ maai san ka̱nak njit ka rot a̱ yet a̱zizrak gado Ka̱za, di na̱ byyi hywak ko a̱ka̱tukyya ba, a̱ si bo ya gang a̱ tun bu ba̱nyet a̱ka̱tukyya, a̱ shyi an bvak yak Ka̱za. 27Kpikpit ba̱cecet ba̱gado Ka̱za a ri krok ba̱hyum kozan ka̱tuk rot a̱ka̱tukyya mba nu ba̱ nying kpikpit ba̱nyet u. Ma Yesu a̱ bvwon bu kpikpit ba̱gado Ka̱za na, rot a̱ byyi cong bu ba̱hyum kozan ka̱tuk ba. A̱ ka̱n krok nkrang ka̱yring ku maai a̱mi, rot a̱ yin wrak diccu nu i ba̱hyum ba. 28Truwang Musa ji tssa ba̱nyet ba a̱ byyi ka̱ywap di ba̱neywu ni ba yet a̱gba̱dang gado Ka̱za ba, ma ba̱riryim Truwang ji Ka̱za a̱ rop a̱ sak a̱ bo shyi a̱ tssa Ka̱won nka ka yet a̱zizrak gado Ka̱za wityak.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.