Ibraniyawa 4
4
1To, nnani ni, Ka̱za a̱ ka̱n dop a̱wwon ku sseng di zi ni nwa i pfwi nka na, kyang yring zi pfong ka̱wun nkpa yet ki ba̱yanyet nyin ba bu hwa di ba wai nwa na. 2Da̱ni di ba yin yya ba̱nyet nnyyai ba wa'azi Ka̱sham Ba̱ryat ji ni, a̱mi ba ma̱ ka̱n za yya mi, ma ba̱nyet nnyyai ba wa'azi ji ba yin yya ni a̱ yin ba̱ byyi kpungtun ba, rot ko ba yin hok da̱ a̱pfo mba na ni ma di ba wrak ka̱ryong a ndya mba na ba. 3Njit zi ni nwa pfwi a rot zi wrak ka̱ryong, da̱ni di ba̱ryat Ka̱za ban hywa ni,
“I diryen nzuk ti n shyi:
‘Ba ni nwa pfwi nzuk a ba.’ ”
Nyyai ka̱ram yya ka̱sa ka Ka̱za a̱ tyak pfong nka na. 4Kyang a ba̱ryat Ka̱za ba hywa tazwa nom a̱tiyring ka ni nkpa yet, “Ka̱za a̱ yin pfwi pfong nka na ka̱tuk nom a̱tiyring.” 5Ma ba̱ryat Ka̱za ba a̱ bo hywa, “Ba ni nwa pfwi nzuk a ba.” 6Ba̱nyet ba a̱ yin hok Ka̱sham Ba̱ryat ka̱tsitsrang ka ni a̱ yin nwa pfwi a ba, rot ba yin wrak ka̱ryong ba. Rot a̱mi ka shim ba̱yanyet i ba san pfwi a. 7To, Ka̱za ka bo sak nom a̱n yei ‘Ka̱pfun’. A̱rya na ka̱n bvwa, ka bo hywa ka̱yat Zabura ka Dawuda na̱ yin jem ni a̱ hywa,
“Ki yi hok diwan nka ti ka̱pfun,
yi ryok hweyak a̱pfo nyin na ba.”
8Jeshua a̱ da yin ba̱ ryi pfwi a, se Ka̱za a̱ si bo bu ryat ba̱ryat nom yaan bai ba. 9Rot a̱mi nom pfwi iya ri swat pfong ba̱nyet ba a̱ yet ba̱nying Ka̱za ni ba nwa a̱ pfwi. 10A̱yin nu a̱ nwa i pfwi Ka̱za na ni, wato, a̱ pfwi pfong nu da̱ni di Ka̱za ka yin tyak pfong nka na a̱ pfwi ni. 11Rot a̱mi se zin tyyi ka̱ssi i ryi zi nwa pfwi iya. Zi ryok wwon sang ka̱ryong n za bvwo nwa pfwi iya ba.
12Ba̱ryat Ka̱za a̱ yet a̱cet a̱ bo byyi cet. Ba ya a̱ ra̱u ka̱krong ka a̱ byyi ngre hwa ni. Ba na hwaat se ba si gang rya na bu tswa ji. Ba na hwaat kup se ba si shya dinhwu ti. Ba bvwo a̱huhwa a̱yin nu bu kyang a a̱yin na̱ sak a̱ ni yya ni. 13Kyang n shyi shyi i nrang di Ka̱za ba. Kozan kyang i ka̱sa kani swat ba̱ a̱za̱kpai assi nka; a̱ta̱ssi nka a̱mi zi bu naat si twang sa̱rei nkyang a zi yya ni.
Yesu a̱ yet A̱gba̱dang Gado Ka̱za
14Se zi sseng di ka̱ryong i tssup njit a, rot zi byyi A̱gba̱dang Gado Ka̱za nu a̱ wrak a̱ shyi bu Ka̱za ni. Nu a̱ yet Yesu Ka̱won Ka̱za ka. 15A̱gba̱dang gado Ka̱za njit u a̱ yet a̱tuba nu a̱ pfong dizot sang cet njit a ni, nu a̱ yet gado Ka̱za nu ba ka̱n me i kozan ryen da̱ni da̱ njit i, ma di na̱ kpa a a̱ka̱tukyya ba. 16Rot a̱mi se zi tun ka̱wun jing i ta̱za ba a̱ta̱ssi dityok Ka̱za i gi san dizot nu ti i bu shya a̱liheri nu i ka̱ram ka zin ku cat i.
Currently Selected:
Ibraniyawa 4: kaj
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Ibraniyawa 4
4
1To, nnani ni, Ka̱za a̱ ka̱n dop a̱wwon ku sseng di zi ni nwa i pfwi nka na, kyang yring zi pfong ka̱wun nkpa yet ki ba̱yanyet nyin ba bu hwa di ba wai nwa na. 2Da̱ni di ba yin yya ba̱nyet nnyyai ba wa'azi Ka̱sham Ba̱ryat ji ni, a̱mi ba ma̱ ka̱n za yya mi, ma ba̱nyet nnyyai ba wa'azi ji ba yin yya ni a̱ yin ba̱ byyi kpungtun ba, rot ko ba yin hok da̱ a̱pfo mba na ni ma di ba wrak ka̱ryong a ndya mba na ba. 3Njit zi ni nwa pfwi a rot zi wrak ka̱ryong, da̱ni di ba̱ryat Ka̱za ban hywa ni,
“I diryen nzuk ti n shyi:
‘Ba ni nwa pfwi nzuk a ba.’ ”
Nyyai ka̱ram yya ka̱sa ka Ka̱za a̱ tyak pfong nka na. 4Kyang a ba̱ryat Ka̱za ba hywa tazwa nom a̱tiyring ka ni nkpa yet, “Ka̱za a̱ yin pfwi pfong nka na ka̱tuk nom a̱tiyring.” 5Ma ba̱ryat Ka̱za ba a̱ bo hywa, “Ba ni nwa pfwi nzuk a ba.” 6Ba̱nyet ba a̱ yin hok Ka̱sham Ba̱ryat ka̱tsitsrang ka ni a̱ yin nwa pfwi a ba, rot ba yin wrak ka̱ryong ba. Rot a̱mi ka shim ba̱yanyet i ba san pfwi a. 7To, Ka̱za ka bo sak nom a̱n yei ‘Ka̱pfun’. A̱rya na ka̱n bvwa, ka bo hywa ka̱yat Zabura ka Dawuda na̱ yin jem ni a̱ hywa,
“Ki yi hok diwan nka ti ka̱pfun,
yi ryok hweyak a̱pfo nyin na ba.”
8Jeshua a̱ da yin ba̱ ryi pfwi a, se Ka̱za a̱ si bo bu ryat ba̱ryat nom yaan bai ba. 9Rot a̱mi nom pfwi iya ri swat pfong ba̱nyet ba a̱ yet ba̱nying Ka̱za ni ba nwa a̱ pfwi. 10A̱yin nu a̱ nwa i pfwi Ka̱za na ni, wato, a̱ pfwi pfong nu da̱ni di Ka̱za ka yin tyak pfong nka na a̱ pfwi ni. 11Rot a̱mi se zin tyyi ka̱ssi i ryi zi nwa pfwi iya. Zi ryok wwon sang ka̱ryong n za bvwo nwa pfwi iya ba.
12Ba̱ryat Ka̱za a̱ yet a̱cet a̱ bo byyi cet. Ba ya a̱ ra̱u ka̱krong ka a̱ byyi ngre hwa ni. Ba na hwaat se ba si gang rya na bu tswa ji. Ba na hwaat kup se ba si shya dinhwu ti. Ba bvwo a̱huhwa a̱yin nu bu kyang a a̱yin na̱ sak a̱ ni yya ni. 13Kyang n shyi shyi i nrang di Ka̱za ba. Kozan kyang i ka̱sa kani swat ba̱ a̱za̱kpai assi nka; a̱ta̱ssi nka a̱mi zi bu naat si twang sa̱rei nkyang a zi yya ni.
Yesu a̱ yet A̱gba̱dang Gado Ka̱za
14Se zi sseng di ka̱ryong i tssup njit a, rot zi byyi A̱gba̱dang Gado Ka̱za nu a̱ wrak a̱ shyi bu Ka̱za ni. Nu a̱ yet Yesu Ka̱won Ka̱za ka. 15A̱gba̱dang gado Ka̱za njit u a̱ yet a̱tuba nu a̱ pfong dizot sang cet njit a ni, nu a̱ yet gado Ka̱za nu ba ka̱n me i kozan ryen da̱ni da̱ njit i, ma di na̱ kpa a a̱ka̱tukyya ba. 16Rot a̱mi se zi tun ka̱wun jing i ta̱za ba a̱ta̱ssi dityok Ka̱za i gi san dizot nu ti i bu shya a̱liheri nu i ka̱ram ka zin ku cat i.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.