Ibraniyawa 3
3
Yesu a̱ ra̱u Musa
1Rot a̱mi ba̱wumbeyang nzuk, njit ba̱nyet ba Ka̱za ka tssa a̱ yei ni, yi hwa Yesu ansham. Nu a̱ yet a̱tyyei Ka̱sham Ba̱ryat u a̱ bo yet A̱gba̱dang gado Ka̱za tssup njit u. 2A̱ yin yya pfong a Ka̱za ka yin ku tyyi ni di ka̱ryong, da̱ni di Musa na̱ yin yya pfong di ka̱ryong ka̱yat ka̱ryi Ka̱za ka sa̱rei ni. 3Ma Musa a̱ maai ba ku mak bu Yesu ba. Yi bvwo a̱yin nu a̱ nok ka̱ryi ni a̱ ra̱u ka̱ryi ka. 4Kuma kozan ka̱ryi a̱ byyi a̱ntyok ka̱nok, ma Ka̱za a̱mi a̱ krok kozan kyang. 5Musa a̱ yin yya pfong a ka̱ryi Ka̱za di ka̱ryong da̱ a̱kwwa ni, a̱ tyyei kyang a Ka̱za ka ri naat ryat a̱zanson ni. 6Yesu a̱ ma̱ yin yya pfong nu na di ka̱won ka̱ryi ka̱ryong ni, nkyang ka̱ryi Ka̱za na shyi da̱ nka. Njit zi si bu yet na̱won ka̱ryi Ka̱za ki zi maai i sseng di ka̱ryong an kyang a zin breng ndya njit a ni.
Pfwi ba̱nyet Ka̱za
7Tswa Ka̱za ji hywa,
“Ki yi hok diwan Ka̱za ti ka̱pfun,
8yi ryok hweyak a̱pfo nyin na da̱ni di yi yin ka̱ yya kaat ka̱yat ka̱yit ka ni ba,
ka̱tuk ka yi yin ka̱ me ka̱yit ka ni.”
9Ka̱za a̱ hywa, “Ka̱ yemi ba̱tyyi a̱kwop nyin ba yin ni me.
Har a̱rya nswak naai ba krok a̱ssi a̱ ryi kyang a n yya ni.
10Nkpa yin si ba di diryen ti n nin hywa da̱ mba,
‘A̱huhwa mba nu a̱ yet a̱ka̱tuk,
di ba bvwo na̱ta̱ryen nzuk a ba.’
11I diryen nzuk ti n dop n hywa,
‘Ba byyi nwa pfwi nzuk a ba.’ ”
12Nkpa n byyi n nin ya naai, ba̱wumbeyang, yi ta̱rwam yi bu nwa a̱ka̱tuk a̱huhwa nu a̱ ni ya kwu ndya na ni, har yi si wwon Ka̱za ka a̱ byyi sucet ka̱u di tyyai ni. 13Ma ka̱ram kani zin yei ka̱pfun ni, se yi brang ba̱yaan kozan ka̱tuk, ho a̱ka̱tukyya a̱ bu raai ba̱yanyet nyin ba hweyak a̱pfo mba na a̱ rak hok Ka̱za. 14Ki zi breng tssup njit a di ka̱ryong, da̱ni di zin kpo sook nyyai ka̱tsitsrang ka ni, si tat a̱ngbom, zi ni shya swrang bu Yesu Kristi.
15Ba̱ryat Ka̱za a̱ bo za tyyei a̱ hywa,
“Ki yi hok diwan Ka̱za ti ka̱pfun,
yi ryok hweyak a̱pfo nyin na
da̱ni yi yin yya Ka̱za kaat ni ba.”
16Ba̱nzan a̱mi a̱ yin hok diwan Ka̱za ti a̱ ka̱ yya kaat a? Sa̱rei ba̱nyet ba Musa na̱ yin wruk i nyyai i Masar ka ni. 17Ba̱nzan Ka̱za ka yya diryen ba̱ mba a̱n yya a̱rya nswak naai? Mba ba̱nyet ba a̱ yin nwa a̱ka̱tukyya nu ni. Dikwu i ma̱n ba̱ brak krok ka̱yat ka̱yit ka. 18Ba̱nzan na̱ yin shyi a̱ hywa di ba byyi nwa i pfwi nu na ba? Mba a̱mi ba̱t ba̱nyet ba a̱ yin ka̱ yya kaat a ni. 19To, yi ryi, nwa na si pfwi bu Ka̱za yin ba̱ kaat, rot ba yin tyyi ndya mba na ba.
Currently Selected:
Ibraniyawa 3: kaj
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Ibraniyawa 3
3
Yesu a̱ ra̱u Musa
1Rot a̱mi ba̱wumbeyang nzuk, njit ba̱nyet ba Ka̱za ka tssa a̱ yei ni, yi hwa Yesu ansham. Nu a̱ yet a̱tyyei Ka̱sham Ba̱ryat u a̱ bo yet A̱gba̱dang gado Ka̱za tssup njit u. 2A̱ yin yya pfong a Ka̱za ka yin ku tyyi ni di ka̱ryong, da̱ni di Musa na̱ yin yya pfong di ka̱ryong ka̱yat ka̱ryi Ka̱za ka sa̱rei ni. 3Ma Musa a̱ maai ba ku mak bu Yesu ba. Yi bvwo a̱yin nu a̱ nok ka̱ryi ni a̱ ra̱u ka̱ryi ka. 4Kuma kozan ka̱ryi a̱ byyi a̱ntyok ka̱nok, ma Ka̱za a̱mi a̱ krok kozan kyang. 5Musa a̱ yin yya pfong a ka̱ryi Ka̱za di ka̱ryong da̱ a̱kwwa ni, a̱ tyyei kyang a Ka̱za ka ri naat ryat a̱zanson ni. 6Yesu a̱ ma̱ yin yya pfong nu na di ka̱won ka̱ryi ka̱ryong ni, nkyang ka̱ryi Ka̱za na shyi da̱ nka. Njit zi si bu yet na̱won ka̱ryi Ka̱za ki zi maai i sseng di ka̱ryong an kyang a zin breng ndya njit a ni.
Pfwi ba̱nyet Ka̱za
7Tswa Ka̱za ji hywa,
“Ki yi hok diwan Ka̱za ti ka̱pfun,
8yi ryok hweyak a̱pfo nyin na da̱ni di yi yin ka̱ yya kaat ka̱yat ka̱yit ka ni ba,
ka̱tuk ka yi yin ka̱ me ka̱yit ka ni.”
9Ka̱za a̱ hywa, “Ka̱ yemi ba̱tyyi a̱kwop nyin ba yin ni me.
Har a̱rya nswak naai ba krok a̱ssi a̱ ryi kyang a n yya ni.
10Nkpa yin si ba di diryen ti n nin hywa da̱ mba,
‘A̱huhwa mba nu a̱ yet a̱ka̱tuk,
di ba bvwo na̱ta̱ryen nzuk a ba.’
11I diryen nzuk ti n dop n hywa,
‘Ba byyi nwa pfwi nzuk a ba.’ ”
12Nkpa n byyi n nin ya naai, ba̱wumbeyang, yi ta̱rwam yi bu nwa a̱ka̱tuk a̱huhwa nu a̱ ni ya kwu ndya na ni, har yi si wwon Ka̱za ka a̱ byyi sucet ka̱u di tyyai ni. 13Ma ka̱ram kani zin yei ka̱pfun ni, se yi brang ba̱yaan kozan ka̱tuk, ho a̱ka̱tukyya a̱ bu raai ba̱yanyet nyin ba hweyak a̱pfo mba na a̱ rak hok Ka̱za. 14Ki zi breng tssup njit a di ka̱ryong, da̱ni di zin kpo sook nyyai ka̱tsitsrang ka ni, si tat a̱ngbom, zi ni shya swrang bu Yesu Kristi.
15Ba̱ryat Ka̱za a̱ bo za tyyei a̱ hywa,
“Ki yi hok diwan Ka̱za ti ka̱pfun,
yi ryok hweyak a̱pfo nyin na
da̱ni yi yin yya Ka̱za kaat ni ba.”
16Ba̱nzan a̱mi a̱ yin hok diwan Ka̱za ti a̱ ka̱ yya kaat a? Sa̱rei ba̱nyet ba Musa na̱ yin wruk i nyyai i Masar ka ni. 17Ba̱nzan Ka̱za ka yya diryen ba̱ mba a̱n yya a̱rya nswak naai? Mba ba̱nyet ba a̱ yin nwa a̱ka̱tukyya nu ni. Dikwu i ma̱n ba̱ brak krok ka̱yat ka̱yit ka. 18Ba̱nzan na̱ yin shyi a̱ hywa di ba byyi nwa i pfwi nu na ba? Mba a̱mi ba̱t ba̱nyet ba a̱ yin ka̱ yya kaat a ni. 19To, yi ryi, nwa na si pfwi bu Ka̱za yin ba̱ kaat, rot ba yin tyyi ndya mba na ba.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.