2 Tasaloni 3
3
Yi za yya a̱duwa
1A̱ngbom kyang u ba̱wumbeyang, yi za yya a̱duwa, ba̱ryat Ka̱za ba a̱ ga nwa ahwa di ba̱nyet ba, ba ba̱ san bu shok ka̱sak ka yi yin ba̱ san ni. 2Yi bu yya a̱duwa Ka̱za a̱ za tun an mbvak a̱ka̱tuk ba̱nyet na̱kpot a. Rot ba koyan a̱mi a̱ san ba̱ryat ba zi tyyei ni ba.
3Ma A̱gwam Yesu a̱ yet. A̱ ni ya tyyi ncet a̱ ya cam a̱ tun a mbvak A̱ka̱tuk A̱yin na. 4Yesu a̱ za ryi cet rya a̱za̱ nyin. Zin byyi rya yi yya, nyin ba bu ni ya ka̱son bu yya kyang a zi yin ya tyyei ni.
5Zi naai A̱gwam u na̱ tyyi ndya nyin na bvwo cat Ka̱za na bu cet rya na Kristi na̱ wwat i.
Dolet koyan a̱ yya pfong
6Ka̱yat diyrek A̱gwam njit Yesu Kristi, ba̱wumbeyang njit, zi ya tssap yi wruk ryen ba̱wumbeyang a yet ba̱ta̱ran ni, ba̱nyet ba a̱ rak tssup kyang a zi yin ya tyyei ni. 7Nyin ma yi bvwo dolet yi yya kyang a yi yin dyi zi yya ni. Ka̱ram ka zi yin shyi ba̱ nyin ni, zi yin yet ba̱ta̱ran ba, 8da̱ njit ba san kyang a̱yin wi tan ba. Seko zi wu tyyi a̱ccu njit yya pfong ka̱ta̱nom bu ka̱ta̱tuk ho zi bu ya tyyi rwan. 9Ba di zi yin dat san zang mpfong njit ji da̱ nyin ba; ma zi yin cat yi gi ma̱n myyam da̱ njit. 10Ka̱ram ka zin shyi ba̱ nyin ni zi ya tyyei i hywa, “Koyan a̱ rak yya pfong na̱ ryok ya ba.”
11Zi hywa a̱mi rot zi hok di ba̱yanyet a̱n shyi ka̱yat nyin a̱ yet bu ba̱ta̱ran, ba byyi kyang a ba yya ni ba se ssop na̱nu i ba̱ryat ba̱yanyet. 12I diyrek A̱gwam njit Yesu Kristi zi breng ba̱nyet iya mbvak mpfwa ba cam ka̱cyet mba ka, a̱ bo yya pfong a̱ ga shya kyang a ba ni ya ni.
13Nyin ba̱wumbeyang, yi ryok rwan bu yya kyang a yet a̱tsatsak ni ba. 14Ka̱ a̱yanyet a̱n shyi ka̱yat nyin a̱ ni rak hok kyang a zi ya tyyei a wasika a̱ni ni, yi ku cam ansham i wruk ryen nu, na̱ ga hok nsum. 15Ma yi ryok sak dinccok ba̱ nu ba, seko yi ku tssap da̱ a̱wumba ni.
A̱ngbom ba̱ryat u
16A̱gwam Yesu nu a̱ wwat myyi rya ni a̱ ya wwon nda kozan ka̱ram bu ka̱yat kozan kyang A̱gwam Yesu a̱ swrang ba̱ nyin sa̱rei.
17Di bvak nzuk n nin jem. Nzuk Bulut n ya byei. Ryen na n nan tyyi bvak a a kozan wasika nu n jem ni, ku naa ni. A̱mi n nin jem.
18Zi naai za̱nang A̱gwam Yesu ji swrang ba̱ nyin sa̱rei.
Currently Selected:
2 Tasaloni 3: kaj
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
2 Tasaloni 3
3
Yi za yya a̱duwa
1A̱ngbom kyang u ba̱wumbeyang, yi za yya a̱duwa, ba̱ryat Ka̱za ba a̱ ga nwa ahwa di ba̱nyet ba, ba ba̱ san bu shok ka̱sak ka yi yin ba̱ san ni. 2Yi bu yya a̱duwa Ka̱za a̱ za tun an mbvak a̱ka̱tuk ba̱nyet na̱kpot a. Rot ba koyan a̱mi a̱ san ba̱ryat ba zi tyyei ni ba.
3Ma A̱gwam Yesu a̱ yet. A̱ ni ya tyyi ncet a̱ ya cam a̱ tun a mbvak A̱ka̱tuk A̱yin na. 4Yesu a̱ za ryi cet rya a̱za̱ nyin. Zin byyi rya yi yya, nyin ba bu ni ya ka̱son bu yya kyang a zi yin ya tyyei ni.
5Zi naai A̱gwam u na̱ tyyi ndya nyin na bvwo cat Ka̱za na bu cet rya na Kristi na̱ wwat i.
Dolet koyan a̱ yya pfong
6Ka̱yat diyrek A̱gwam njit Yesu Kristi, ba̱wumbeyang njit, zi ya tssap yi wruk ryen ba̱wumbeyang a yet ba̱ta̱ran ni, ba̱nyet ba a̱ rak tssup kyang a zi yin ya tyyei ni. 7Nyin ma yi bvwo dolet yi yya kyang a yi yin dyi zi yya ni. Ka̱ram ka zi yin shyi ba̱ nyin ni, zi yin yet ba̱ta̱ran ba, 8da̱ njit ba san kyang a̱yin wi tan ba. Seko zi wu tyyi a̱ccu njit yya pfong ka̱ta̱nom bu ka̱ta̱tuk ho zi bu ya tyyi rwan. 9Ba di zi yin dat san zang mpfong njit ji da̱ nyin ba; ma zi yin cat yi gi ma̱n myyam da̱ njit. 10Ka̱ram ka zin shyi ba̱ nyin ni zi ya tyyei i hywa, “Koyan a̱ rak yya pfong na̱ ryok ya ba.”
11Zi hywa a̱mi rot zi hok di ba̱yanyet a̱n shyi ka̱yat nyin a̱ yet bu ba̱ta̱ran, ba byyi kyang a ba yya ni ba se ssop na̱nu i ba̱ryat ba̱yanyet. 12I diyrek A̱gwam njit Yesu Kristi zi breng ba̱nyet iya mbvak mpfwa ba cam ka̱cyet mba ka, a̱ bo yya pfong a̱ ga shya kyang a ba ni ya ni.
13Nyin ba̱wumbeyang, yi ryok rwan bu yya kyang a yet a̱tsatsak ni ba. 14Ka̱ a̱yanyet a̱n shyi ka̱yat nyin a̱ ni rak hok kyang a zi ya tyyei a wasika a̱ni ni, yi ku cam ansham i wruk ryen nu, na̱ ga hok nsum. 15Ma yi ryok sak dinccok ba̱ nu ba, seko yi ku tssap da̱ a̱wumba ni.
A̱ngbom ba̱ryat u
16A̱gwam Yesu nu a̱ wwat myyi rya ni a̱ ya wwon nda kozan ka̱ram bu ka̱yat kozan kyang A̱gwam Yesu a̱ swrang ba̱ nyin sa̱rei.
17Di bvak nzuk n nin jem. Nzuk Bulut n ya byei. Ryen na n nan tyyi bvak a a kozan wasika nu n jem ni, ku naa ni. A̱mi n nin jem.
18Zi naai za̱nang A̱gwam Yesu ji swrang ba̱ nyin sa̱rei.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.