2 Tasaloni 2
2
A̱ka̱tuk a̱ntyok wipfong u
1Di ba̱ryat bvwot A̱gwam njit u Yesu Kristi ni bu tung a ba ni za tung ka̱bvwa ka̱yring a̱ta̱ssi nu ni: zi ya naai ba̱wumbeyang 2yi ryok kyyai ndya nyin na ba ahwa ba, ko yi hok ka̱wun ba̱ryat ntswa ko kozan ba̱ryat ko wasika nu a̱ ryi anye a̱ nyyai da̱ njit ni a̱ bu hywa di Nom bai A̱gwam Yesu na wu ka̱n ba. 3Yi ryok wwon a̱yin a̱ ya raai a kozan ryen ba. Nom iya ni ba ba, se ba̱nyet rak pfong ba̱nyet a̱ yen ba, a̱ka̱tuk a̱ntyok wipfong u ba tssa na̱ nwa rong ni a̱ si wruk a̱ ba a̱ta̱sa. 4A̱ rak kozan kyang a ban yei ka̱za ni, ko nna ni ba̱nyet ba kpo kok ntong ni, a̱ ya cin a̱ si bo sook diccu nu a̱ sak i bat Ka̱za na. A̱ si bo tyyei da̱ nu diccu nu a̱ yet Ka̱za.
5Yi bring o? Ka̱ram ka n nin shyi ba̱ nyin ni, n yi ya tyyei nkyang ani sa̱rei. 6Yi bvwo kyang a n shyi ku zzap saai ni, se bu ka̱ram nu ka a̱ ba, a̱ka̱tuk a̱ntyok wipfong a̱ywu a̱ si wruk a̱ ba a̱za̱kpai. 7Ko ba̱nyying a̱ ma̱n shyi bu i ya ka̱son ntsang. Ma ka̱ram ka ban tun a̱tuba nu a̱ ku zzap ni, kozan kyang i si wruk a̱za̱kpai. 8A̱ka̱tuk a̱ntyok wipfong u a̱ si wruk a̱za̱kpai; wwon A̱gwam Yesu a̱ si nyyai bu cet nu na, a̱ bu ku hywwak di wun ka̱nu nu na, a̱ si ku byyan di cet bai nu na. 9Ka̱ta̱nyrang a̱mi a̱ byyi cet ba a̱ntyok wipfong a. A̱ ni tyyei cet iya di nkyang dira, da̱ni di alama bu ka̱wun bu nkyang ka̱hat ni. 10A̱ ni yya kozan taka̱i na̱kpot a̱ gan daai ba̱nyet ba a̱ ka̱n pyyem ryen naat an ndong ni. Ba ni kwi, rot ba rak gwai ka̱ryong a̱ ga kaat. 11Rot a̱mi Ka̱za a̱ ba̱ tom di cet dira ku yya pfong ka̱yat mba, ba ga wrak ka̱ryong an kyang a yet dira ni; 12rot a̱mi sa̱rei ba̱nyet ba a̱ rak ka̱ryong ka ni, ma a̱ tyyi ndya mba i na̱kpot i, ba ni ba̱ tyyi an shirya.
Nyin ba tssa yi ni shya sucet a
13Ma dolet zi gwai Ka̱za mi kozan ka̱ram nyin nu A̱gwam Yesu na̱ cat i. Rot Ka̱za a̱ ya tssa yi yet ba̱nyet ka̱tsitsrang ba cet nTswa na ku san yi yet ba̱zizrak ba̱nyet nka rot yi wrak ka̱ryong ni. 14Ka̱za a̱ ya yei yi wrak ka̱ryong i Ka̱sham Ba̱ryat ka zi ya tyyei i; ka yin ya yei yi gin byyi ka̱sak nyin i dityok A̱gwam njit ti Yesu. 15Rot a̱mi ba̱wumbeyang njit, se yi sseng di cet. Se yi breng nkyang a zi ka̱n ya zzek ni, ko di ka̱nu ko ka̱yat wasika, yi na̱ breng di cet.
16Zi naai A̱gwam njit Yesu Kristi bu Ka̱za A̱tyyi njit, a̱tuba nu a̱ za ryi cat nu na ni bu dizot njit ti na̱ hok ni har a̱ za ryi cet ndya bu breng rya, 17nu zi naai na̱ ya ta̱gbak har a̱ba̱da a̱ ya brang yi maai yya bu ryat kozan kyang a yet a̱tsatsak ni.
Currently Selected:
2 Tasaloni 2: kaj
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
2 Tasaloni 2
2
A̱ka̱tuk a̱ntyok wipfong u
1Di ba̱ryat bvwot A̱gwam njit u Yesu Kristi ni bu tung a ba ni za tung ka̱bvwa ka̱yring a̱ta̱ssi nu ni: zi ya naai ba̱wumbeyang 2yi ryok kyyai ndya nyin na ba ahwa ba, ko yi hok ka̱wun ba̱ryat ntswa ko kozan ba̱ryat ko wasika nu a̱ ryi anye a̱ nyyai da̱ njit ni a̱ bu hywa di Nom bai A̱gwam Yesu na wu ka̱n ba. 3Yi ryok wwon a̱yin a̱ ya raai a kozan ryen ba. Nom iya ni ba ba, se ba̱nyet rak pfong ba̱nyet a̱ yen ba, a̱ka̱tuk a̱ntyok wipfong u ba tssa na̱ nwa rong ni a̱ si wruk a̱ ba a̱ta̱sa. 4A̱ rak kozan kyang a ban yei ka̱za ni, ko nna ni ba̱nyet ba kpo kok ntong ni, a̱ ya cin a̱ si bo sook diccu nu a̱ sak i bat Ka̱za na. A̱ si bo tyyei da̱ nu diccu nu a̱ yet Ka̱za.
5Yi bring o? Ka̱ram ka n nin shyi ba̱ nyin ni, n yi ya tyyei nkyang ani sa̱rei. 6Yi bvwo kyang a n shyi ku zzap saai ni, se bu ka̱ram nu ka a̱ ba, a̱ka̱tuk a̱ntyok wipfong a̱ywu a̱ si wruk a̱ ba a̱za̱kpai. 7Ko ba̱nyying a̱ ma̱n shyi bu i ya ka̱son ntsang. Ma ka̱ram ka ban tun a̱tuba nu a̱ ku zzap ni, kozan kyang i si wruk a̱za̱kpai. 8A̱ka̱tuk a̱ntyok wipfong u a̱ si wruk a̱za̱kpai; wwon A̱gwam Yesu a̱ si nyyai bu cet nu na, a̱ bu ku hywwak di wun ka̱nu nu na, a̱ si ku byyan di cet bai nu na. 9Ka̱ta̱nyrang a̱mi a̱ byyi cet ba a̱ntyok wipfong a. A̱ ni tyyei cet iya di nkyang dira, da̱ni di alama bu ka̱wun bu nkyang ka̱hat ni. 10A̱ ni yya kozan taka̱i na̱kpot a̱ gan daai ba̱nyet ba a̱ ka̱n pyyem ryen naat an ndong ni. Ba ni kwi, rot ba rak gwai ka̱ryong a̱ ga kaat. 11Rot a̱mi Ka̱za a̱ ba̱ tom di cet dira ku yya pfong ka̱yat mba, ba ga wrak ka̱ryong an kyang a yet dira ni; 12rot a̱mi sa̱rei ba̱nyet ba a̱ rak ka̱ryong ka ni, ma a̱ tyyi ndya mba i na̱kpot i, ba ni ba̱ tyyi an shirya.
Nyin ba tssa yi ni shya sucet a
13Ma dolet zi gwai Ka̱za mi kozan ka̱ram nyin nu A̱gwam Yesu na̱ cat i. Rot Ka̱za a̱ ya tssa yi yet ba̱nyet ka̱tsitsrang ba cet nTswa na ku san yi yet ba̱zizrak ba̱nyet nka rot yi wrak ka̱ryong ni. 14Ka̱za a̱ ya yei yi wrak ka̱ryong i Ka̱sham Ba̱ryat ka zi ya tyyei i; ka yin ya yei yi gin byyi ka̱sak nyin i dityok A̱gwam njit ti Yesu. 15Rot a̱mi ba̱wumbeyang njit, se yi sseng di cet. Se yi breng nkyang a zi ka̱n ya zzek ni, ko di ka̱nu ko ka̱yat wasika, yi na̱ breng di cet.
16Zi naai A̱gwam njit Yesu Kristi bu Ka̱za A̱tyyi njit, a̱tuba nu a̱ za ryi cat nu na ni bu dizot njit ti na̱ hok ni har a̱ za ryi cet ndya bu breng rya, 17nu zi naai na̱ ya ta̱gbak har a̱ba̱da a̱ ya brang yi maai yya bu ryat kozan kyang a yet a̱tsatsak ni.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.