2 Korinti 3
3
Ba̱nyet brang a̱hwai rop-wwon
1Ku ryi di zi ma̱n cat ya cin ni e? Ki zi cat wasika ya cin da̱ nyin ko bai i da̱ nyin, da̱ni di ba̱yanyet ni e? 2Nyin a̱mi yet wasika nu zi jem ni; zi bvwo a̱mi a ndya njit a, sa̱rei ba̱nyet ba a̱ bo bvwo a̱mi. 3Koyan a̱ bvwo nyin a̱mi yet wasika nu a̱ nyyai di Yesu ni ta ka̱rek pfong njit. Ba taka̱i a ba jem di tawada ni ba, ma ba jem di Tswa Ka̱za ka̱nying sucet; ba taka̱i a ba jem tazwa ngwwo nkpang ni ba, ma taka̱i a ba jem ka̱yat ndya ba̱neywu ni.
4Swat ba̱set ani a̱ta̱ssi Ka̱za yet njiit rot Yesu Kristi. 5Zi byyi kyang a ni za tyyi zin hywa di zi maai yya taka̱i mpfong a ni ba; cet a zi byyi ni nyyai di Ka̱za. 6Nu a̱mi a̱ za tyyi zi maai i ku yya dikwwa ti a̱hwai rop-wwon nu na̱ wrak ni. Di ba bo yet ba̱nying truwang ji ba jem ni ba, ma ba̱nying Tswa Ka̱za. Truwang ji ba yin jem ni cong di kyang ba se dikwu; ma Tswa Ka̱za ji wwat sucet.
7Ba yin krang a̱gwwo nkpang a̱n jem Truwang ji. Ka̱ram ka ban za̱ wrak ni, shii Ka̱za na tyyi ka̱bvwa sai ka̱rek ka. Ko ka̱bvwa sai ka ka yin hywat a̱ssi Musa na ni a̱ yin yet ka̱nying swrap, har ba̱nyet Isreila ba a̱ maai a̱ bo ku cyang ba. Ki pfong Truwang na yin cong di dikwu ni yin ba bu taka̱i ka̱bvwa sai iya, 8ba̱lle shii a yet nying pfong Tswa Ka̱za na ni e? 9Ki pfong a yin ba di shirya ni yin shii, ba̱lle a̱tsatsak pfong u a̱ ba di myim Ka̱za ni e? 10Zi drok i hywa ba̱nyying, shii a zi byyi naanini i sai ra̱u har i si hywat shii nnyyai a. 11Ki shii a̱ya yin shyi an kyang a yin yet nying ka̱baram ba̱cincong ni, ba̱lle shii a ba ba̱nyying an kyang a di na byyi tyak ni ba a?
12Rot zin byyi rya an kyang ani, nkpa n byyi zin yya ba̱set. 13Njit zi ryi di Musa ni ba, nu a̱ yin kup a̱ssi nu na di labule na ho ba̱nyet Isreila ba a̱ bu ryi sisai ji shii nu na ku ntyyai ni. 14Rot a̱mi ba tyyi ndya mba na i tyyi ba̱ a̱kpa̱truk. Har bu tat ka̱pfun bu labule yring a̱mi bvat, ka̱ram ka ban twang a̱kukwo rop-wwon nu ni. Ba ka̱n ku tun ba, rot bu Yesu a̱mi a̱ tun labule na. 15Ko bu tat nom ka̱pfun ma kozan ka̱ram ba shyi i twang Truwang Musa ji, se a̱tro labule a̱ywu a̱ kup ndya mba na. 16Ma ba̱ryat Ka̱za ba a̱ za tyyei a̱ hywa “Ka̱ram ka a̱yin na̱n brak a̱ tssup A̱gwam njit ni, ba ni kruk labule na a̱ ku wwon.” 17A̱gwam u ba ryat kyi ni nu a̱ yet Tswa Ka̱za ji; a̱yin nu Tswa A̱gwam Yesu ji zi shyi i rya nu na ni a̱ byyi ka̱trak. 18Ma sa̱rei njit u yet ba̱nyet tssup ni kup a̱ssi njit di labule ba. Ma njit zi ryi di ma̱dubi ni shii Ka̱za na i ya a̱ssi an njit. Shii nu na i tyyi zin brang ryi na da̱ nu ni. Nnani yet pfong A̱gwam Yesu nu a̱ yet Tswa Ka̱za ni.
Currently Selected:
2 Korinti 3: kaj
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
2 Korinti 3
3
Ba̱nyet brang a̱hwai rop-wwon
1Ku ryi di zi ma̱n cat ya cin ni e? Ki zi cat wasika ya cin da̱ nyin ko bai i da̱ nyin, da̱ni di ba̱yanyet ni e? 2Nyin a̱mi yet wasika nu zi jem ni; zi bvwo a̱mi a ndya njit a, sa̱rei ba̱nyet ba a̱ bo bvwo a̱mi. 3Koyan a̱ bvwo nyin a̱mi yet wasika nu a̱ nyyai di Yesu ni ta ka̱rek pfong njit. Ba taka̱i a ba jem di tawada ni ba, ma ba jem di Tswa Ka̱za ka̱nying sucet; ba taka̱i a ba jem tazwa ngwwo nkpang ni ba, ma taka̱i a ba jem ka̱yat ndya ba̱neywu ni.
4Swat ba̱set ani a̱ta̱ssi Ka̱za yet njiit rot Yesu Kristi. 5Zi byyi kyang a ni za tyyi zin hywa di zi maai yya taka̱i mpfong a ni ba; cet a zi byyi ni nyyai di Ka̱za. 6Nu a̱mi a̱ za tyyi zi maai i ku yya dikwwa ti a̱hwai rop-wwon nu na̱ wrak ni. Di ba bo yet ba̱nying truwang ji ba jem ni ba, ma ba̱nying Tswa Ka̱za. Truwang ji ba yin jem ni cong di kyang ba se dikwu; ma Tswa Ka̱za ji wwat sucet.
7Ba yin krang a̱gwwo nkpang a̱n jem Truwang ji. Ka̱ram ka ban za̱ wrak ni, shii Ka̱za na tyyi ka̱bvwa sai ka̱rek ka. Ko ka̱bvwa sai ka ka yin hywat a̱ssi Musa na ni a̱ yin yet ka̱nying swrap, har ba̱nyet Isreila ba a̱ maai a̱ bo ku cyang ba. Ki pfong Truwang na yin cong di dikwu ni yin ba bu taka̱i ka̱bvwa sai iya, 8ba̱lle shii a yet nying pfong Tswa Ka̱za na ni e? 9Ki pfong a yin ba di shirya ni yin shii, ba̱lle a̱tsatsak pfong u a̱ ba di myim Ka̱za ni e? 10Zi drok i hywa ba̱nyying, shii a zi byyi naanini i sai ra̱u har i si hywat shii nnyyai a. 11Ki shii a̱ya yin shyi an kyang a yin yet nying ka̱baram ba̱cincong ni, ba̱lle shii a ba ba̱nyying an kyang a di na byyi tyak ni ba a?
12Rot zin byyi rya an kyang ani, nkpa n byyi zin yya ba̱set. 13Njit zi ryi di Musa ni ba, nu a̱ yin kup a̱ssi nu na di labule na ho ba̱nyet Isreila ba a̱ bu ryi sisai ji shii nu na ku ntyyai ni. 14Rot a̱mi ba tyyi ndya mba na i tyyi ba̱ a̱kpa̱truk. Har bu tat ka̱pfun bu labule yring a̱mi bvat, ka̱ram ka ban twang a̱kukwo rop-wwon nu ni. Ba ka̱n ku tun ba, rot bu Yesu a̱mi a̱ tun labule na. 15Ko bu tat nom ka̱pfun ma kozan ka̱ram ba shyi i twang Truwang Musa ji, se a̱tro labule a̱ywu a̱ kup ndya mba na. 16Ma ba̱ryat Ka̱za ba a̱ za tyyei a̱ hywa “Ka̱ram ka a̱yin na̱n brak a̱ tssup A̱gwam njit ni, ba ni kruk labule na a̱ ku wwon.” 17A̱gwam u ba ryat kyi ni nu a̱ yet Tswa Ka̱za ji; a̱yin nu Tswa A̱gwam Yesu ji zi shyi i rya nu na ni a̱ byyi ka̱trak. 18Ma sa̱rei njit u yet ba̱nyet tssup ni kup a̱ssi njit di labule ba. Ma njit zi ryi di ma̱dubi ni shii Ka̱za na i ya a̱ssi an njit. Shii nu na i tyyi zin brang ryi na da̱ nu ni. Nnani yet pfong A̱gwam Yesu nu a̱ yet Tswa Ka̱za ni.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.