2 Korinti 2
2
1Rot a̱mi n sook i rya nzuk n bo n ba da̱ nyin n bu ya tyyi rya byyan ba. 2To, ki n tyyi yi yya ndyen na, to, a̱nyan a̱mi a̱ bo ni n tyyi shok ji? N bo n byyi ba̱yanyet ba, se ba̱ nyin ba̱nyet ba n ni ya tyyi yi yya ndyen na ni. 3Nkpa yet ya jem wasika nu n yin ya jem mi ni, ho n bu ba ba̱nyet ba a̱ myim a̱ n tyyi shok ji ni a̱ n tyyi rya byyan. Rot n bvwo ki n shyi bu shok sa̱rei nyin yi ma̱ ni shyi bu shok. 4N yin ya jem mi n pfong ba̱sisat bu ka̱bvung har ma bu ba̱ssi. Ba di n cat n ya tyyi rya byyan ba, ma yi gi bvwo ka̱sak ka n nin ya cat ba̱t ni.
Yi cii a̱yin nu a̱ nwa ka̱ywap ni
5Ma a̱yin nu a̱ kwwat byyan rya ni, ba ba̱ nzuk na̱n yya mi ba, ma ki ba bo cyang i ryen yaan ku ya shyi ba̱sa̱rei nyin. Ba di n breng a̱yin a̱ywu a̱crang ndong ba. 6Ma taka̱i a̱yin ani ka̱bvung ka ba̱nyet ba̱gingang ba ku ryi ni ka ku maai a̱mi. 7Ma naanini ku myim yi ku cii i ku ta̱gbak, rya nu na i gi myyi, ho a̱ka̱tuk a̱huhwa a̱ bu ku bvwa. 8Rot a̱mi n ya naai yi ku tyyei cat a yi ku cat i. 9Dama n yi ya jem mi n ya me n dyi ki yi ni tssup kozan kyang a n ya tyyei ni. 10A̱yin nu yi ku cii i ni nzuk meyang n ma̱ ku cii i. Ki kyang ku cii a n shyi, a̱zi hywak nyin a̱mi n nin ku cii rot Yesu Kristi. 11A̱mi zi nin nyying Ka̱ta̱nyrang ho ka bu za raai a̱ san kyang a yet njiit ni, rot zi bvwo kyang a ka cat da̱ njit i.
A̱ka̱tuk a̱huhwa a̱ pyyem Bulut Taruwasa
12To, ka̱ram ka n nin nat yya wa'azi Ka̱sham Ba̱ryat Kristi Taruwasa ni, n si shya A̱gwam Ka̱za na̱ ka̱n yrang ryen, 13ma rya nzuk a i si tyyi ba̱kinkyai, rot n si shya Titut, a̱wumba nzuk u ka̱ yemi ba. Rot a̱mi n ba̱ byyek sak n seyak n nat Makidoniya.
Nasara ka̱yat Yesu
14Ma zi dyep Ka̱za, rot ka̱yat mon a̱ccu njit bu Yesu Kristi, kozan ka̱ram Ka̱za a̱ za kwak di ba̱kwwa ba Yesu na̱ ya an zwang ni. Ka̱za a̱ za sook zi gi tyyei ba̱nyet koke ba ga bvwo Kristi, da̱ni di swam ka̱sham turare ku nwai ni. 15Rot njit a̱mi yet turare Kristi ji ka̱bvwa Ka̱za, swam njit a ku nwai sa̱rei di ba̱nyet ba na̱ ssang ni, i mwi ba̱nyet ba a̱ kwi ni. 16Ka̱bvwa ba̱nyet ka a̱ kwi ni zi ba̱ yet a̱ka̱tuk swam u a̱ hywaai ni. Ma di ba̱nyet ba a̱ ssang sucet ni zi ba̱ yet ka̱sham swam ka a̱ ba̱ tyei sucet i. To, a̱nyan a̱ ni maai taka̱i mpfong iya? 17Njit zi ryi di ba̱yanyet ba̱gingang ba a̱ brak ba̱ryat Ka̱za ba a̱n yya kyang ka̱ssok ni ba, ma njit, zi wu ryat di ka̱ryong, di ba̱kwwa Kristi ba Ka̱za ka tom ni.
Currently Selected:
2 Korinti 2: kaj
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
2 Korinti 2
2
1Rot a̱mi n sook i rya nzuk n bo n ba da̱ nyin n bu ya tyyi rya byyan ba. 2To, ki n tyyi yi yya ndyen na, to, a̱nyan a̱mi a̱ bo ni n tyyi shok ji? N bo n byyi ba̱yanyet ba, se ba̱ nyin ba̱nyet ba n ni ya tyyi yi yya ndyen na ni. 3Nkpa yet ya jem wasika nu n yin ya jem mi ni, ho n bu ba ba̱nyet ba a̱ myim a̱ n tyyi shok ji ni a̱ n tyyi rya byyan. Rot n bvwo ki n shyi bu shok sa̱rei nyin yi ma̱ ni shyi bu shok. 4N yin ya jem mi n pfong ba̱sisat bu ka̱bvung har ma bu ba̱ssi. Ba di n cat n ya tyyi rya byyan ba, ma yi gi bvwo ka̱sak ka n nin ya cat ba̱t ni.
Yi cii a̱yin nu a̱ nwa ka̱ywap ni
5Ma a̱yin nu a̱ kwwat byyan rya ni, ba ba̱ nzuk na̱n yya mi ba, ma ki ba bo cyang i ryen yaan ku ya shyi ba̱sa̱rei nyin. Ba di n breng a̱yin a̱ywu a̱crang ndong ba. 6Ma taka̱i a̱yin ani ka̱bvung ka ba̱nyet ba̱gingang ba ku ryi ni ka ku maai a̱mi. 7Ma naanini ku myim yi ku cii i ku ta̱gbak, rya nu na i gi myyi, ho a̱ka̱tuk a̱huhwa a̱ bu ku bvwa. 8Rot a̱mi n ya naai yi ku tyyei cat a yi ku cat i. 9Dama n yi ya jem mi n ya me n dyi ki yi ni tssup kozan kyang a n ya tyyei ni. 10A̱yin nu yi ku cii i ni nzuk meyang n ma̱ ku cii i. Ki kyang ku cii a n shyi, a̱zi hywak nyin a̱mi n nin ku cii rot Yesu Kristi. 11A̱mi zi nin nyying Ka̱ta̱nyrang ho ka bu za raai a̱ san kyang a yet njiit ni, rot zi bvwo kyang a ka cat da̱ njit i.
A̱ka̱tuk a̱huhwa a̱ pyyem Bulut Taruwasa
12To, ka̱ram ka n nin nat yya wa'azi Ka̱sham Ba̱ryat Kristi Taruwasa ni, n si shya A̱gwam Ka̱za na̱ ka̱n yrang ryen, 13ma rya nzuk a i si tyyi ba̱kinkyai, rot n si shya Titut, a̱wumba nzuk u ka̱ yemi ba. Rot a̱mi n ba̱ byyek sak n seyak n nat Makidoniya.
Nasara ka̱yat Yesu
14Ma zi dyep Ka̱za, rot ka̱yat mon a̱ccu njit bu Yesu Kristi, kozan ka̱ram Ka̱za a̱ za kwak di ba̱kwwa ba Yesu na̱ ya an zwang ni. Ka̱za a̱ za sook zi gi tyyei ba̱nyet koke ba ga bvwo Kristi, da̱ni di swam ka̱sham turare ku nwai ni. 15Rot njit a̱mi yet turare Kristi ji ka̱bvwa Ka̱za, swam njit a ku nwai sa̱rei di ba̱nyet ba na̱ ssang ni, i mwi ba̱nyet ba a̱ kwi ni. 16Ka̱bvwa ba̱nyet ka a̱ kwi ni zi ba̱ yet a̱ka̱tuk swam u a̱ hywaai ni. Ma di ba̱nyet ba a̱ ssang sucet ni zi ba̱ yet ka̱sham swam ka a̱ ba̱ tyei sucet i. To, a̱nyan a̱ ni maai taka̱i mpfong iya? 17Njit zi ryi di ba̱yanyet ba̱gingang ba a̱ brak ba̱ryat Ka̱za ba a̱n yya kyang ka̱ssok ni ba, ma njit, zi wu ryat di ka̱ryong, di ba̱kwwa Kristi ba Ka̱za ka tom ni.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.