1 Timoti 4
4
Ba̱malam diraa
1Tswa Ka̱za ji ka̱n za tyyei ba̱zizrak ka̱sak ka ka̱ram ka̱yaan kan bai ni ba̱nyet ba̱gingang a̱ ni wwon wwat Ka̱za ndya mba na, a̱ pfong zzek a̱ka̱tuk tswa bu diraa ti ba bvei ni. 2Ntaka̱i zzek ani nyyai di ba̱ka̱tuk ba̱nyet ba a̱ raai ba̱nyet i, ba̱nyet bvei diraa. Ntaka̱i mba na Ka̱ta̱nyrang a̱ ka̱n ba̱ tyyi huhwuk, ndya mba na i kwu anye ba hwwi di rong tswam, di ba bo pfong nsum yya a̱ka̱tuk ba. 3Ntaka̱i ba̱nyet iya zzek di ku myim ba yya nyreng ba, a̱ bo twang nkyangya nzaan na zi ni ya ni ba. Ka̱za a̱ yya nkyangya nani ba̱nyet tssup nka ba a̱ bvwo ka̱ryong ni a̱ ga na̱ san di gwai. 4Sa̱rei nkyang a Ka̱za ka yya ni na yet. Rot a̱mi kyang nshyi zi ni rak ba ki zi na̱ san bu gwai. 5Rot ba̱ryat Ka̱za ba bu a̱duwa nu zi yya ni a̱ ni kpo jrang.
A̱kwwa Kristi a̱nying ka̱ryong
6Ki a ni yet a̱kwwa ka̱ryong a̱nying Yesu, se a zzek ba̱wumbeyang ba sa̱rei nkyang ani, da̱ a̱yin nu ba breng ka̱yat ba̱ryat ka̱ryong ni, bu a̱tsatsak zzek u a tssup bu tat ka̱ram kani ni. 7Ninyying nkhang nshyi ba̱kukwo ba̱nyring ba ka̱ tsaai, na̱ tyong rot na yet a̱ka̱tuk. Zzek diccu nwan i tssup Ka̱za. 8Ku yet ka̱sham a̱yin a̱ ruk rwam nu, ma kpo ruk a ka̱yat nTswa Ka̱za nkpa yet a̱kpok, rot ryen na Ka̱za ka za yya mi zi nin shya sucet ba̱nyying bu nying cong bai ni. 9Ba̱ryat bani a̱ yet ka̱ryong; rot a̱mi zi ba̱ breng ansham. 10Nkpa tyyi zin kwan bu sswa ka̱bvung ka ni, rot zi ka̱n tyyi ndya njit a i Ka̱za ka byyi sso ni, nu a̱mi a̱ wwat ba̱nyet sa̱rei sucet, tun ba ba̱nyet ba a̱ san ba̱ryat nka ba ni ba. 11Ba̱ tyyi ba yya nkyang ani i bu ba̱ zzek da̱ na.
12Ryok yya ba̱nyet a̱ na̱ ryi a̱ hywat ho a yet hwung ba, seko a̱ yet a̱yin nu ba̱nyet tssup ba nin myyam da̱ nu ni: cam a̱nyyi ba̱ryat nwan, i byyi a̱tsatsak hali, i gwai ba̱nyet, i bu cong a̱zizrak ka̱cyet, i bu tssup Ka̱za. 13Ntyyi ka̱ssi bu twang ba̱nyet ba ba̱ryat Ka̱za ba, i yya wa'azi, i bu ba̱ zzek tot ka̱ram ba nzuk ka. 14Ryok yya dikpam bu za̱nang nTswa Ka̱za ji shyi a nwan ni ba, za̱nang ji ba̱nyet tyyei ba̱ryat Ka̱za ba ba yin dyat a̱wwon ni, ba̱nekwo ba a̱ si ma̱ na̱ krok mbvak a̱ yya a̱duwa. 15N tyyi ka̱ssi i wrak diccu nwan i yya nkyang ani, ba̱nyet sa̱rei a̱ ga ryi ka̱sak ka an za ka̱son ni. 16Ya cam, i bu cam nkyang a a zzek ni ansham. Ryok ntyyi ka̱wai ba. Ki a yya a̱mi, da̱ nwan di ba̱nyet ba a̱ pfong zzek nwan na ni sa̱rei, yi ni shya sucet.
Currently Selected:
1 Timoti 4: kaj
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
