1 Timoti 3
3
Ba̱nekwo ba̱nyet tssup
1Ba̱ryat bani a̱ yet ka̱ryong: A̱yin nu a̱ cat yet a̱kwak-ka̱son ba̱nyet tssup ni a̱ cat a̱tsatsak kyang. 2Ma a̱yin nu a̱ yet a̱kwak-ka̱son ba̱nyet tssup u ni, dolet na̱ yet a̱yin nu a̱ byyi hywak ni ba, a̱ byyi a̱mbyring a̱yring, a̱ntyok hakuri, a̱ yya kyang a̱ swrap ka̱bvwa nkpa ba, a̱ byyi a̱tsatsak hali, a̱ bo gwai ba̱necen, a̱ bo yet a̱ntyok zzek ba̱yanyet; 3a̱ ni rot ka̱nu nu i sswa nkwwa ba, di na̱ ni ra̱u diryen ba. A̱ ya byyi bu ba̱nyet ba̱gingang, di na̱ ni ra̱u cat krum ba, 4a̱ bo bvwo breng ka̱ryi nu ka, a̱yin nu na̱won nu na ku pfong ni. 5Ki a̱yin a̱ maai cam kyang-bvak nu na ba, na̱ bu cong ni a̱n bvwo breng ba̱nyet ba a̱ yet ba̱nying Ka̱za ba ni? 6A̱ ni yet a̱tuba nu a̱ si nwa tssup ani ba, ho a̱ bu nwa dingwak ti si ku ba di dikpak bu shirya da̱ a̱gwam a̱ka̱tuk ntswa na̱ yin yya ni. 7A̱ ni yet a̱yin nu ba̱nyet witssup ba tyong ni brak, ho a̱ bu za kwwat nsum a̱ nwa an grung a̱gwam a̱ka̱tuk tswa.
Ba̱nyet brang ba i bat ka̱za
8A̱mi brak ba̱nyet ba a̱ yet ba̱pfong ka̱yat coc kani a̱ ma̱ ni byyi a̱tsatsak hali, ba ni yet ba̱nyet na̱nu na̱hwa ba. Ba ni krok na̱nu mba i sswa nkwwa ba, di ba ni ra̱u cat krum ba. 9Dolet ba san ba̱ryat Ka̱za ba a̱n yya ka̱ryong bu a̱zizrak a̱huhwa. 10Dolet se ba yen ba̱ myyek a̱ ryi ki ba maai yya pfong a, ba si wa bvwa a̱n ba̱ tyyi yya na. 11A̱mi ba̱nyring ba meyang a̱ nin byyi kap, ba ba̱nyet ba̱shwwang ba, ma ba̱nyet hakuri, bu ba̱nyet kok ka̱ryong ka̱yat kozan taka̱i kyang. 12A̱yin nu a̱ yet a̱pfong coc ni, dolet na̱ byyi ba̱ a̱mbyring a̱yring a̱ bo maai breng kyang-bvak nu na sa̱rei. 13Ba̱nyet ba a̱ bvwo pfong mba na ni a̱ ni shya a̱gba̱dang dyep, di ba̱nyet ba a̱ si bo maai tyyei ba̱nyet ba̱ryat Yesu ba ni.
Kyang a tssup njit a ku yet i
14N kwan ba da̱ nwan ba̱nyying, ma n yen na̱ jem nkyang ani. 15Rot ki n ba ahwa ba, a byin bvwo ka̱sak ka ba̱nyet tssup ba ba nin swat i. Mba a̱ yet ba̱nyet tssup Ka̱za ka a̱ byyi sso ni. Mba a̱ yet dityin bu ba̱ram ka̱ryong ka zi breng ni. 16Ku seyak zzim: ka̱ryong njit ka a̱ yin shyi nrang ni a̱ yet a̱gba̱dang.
A̱ yin ba i rwam a̱neywu,
Tswa Ka̱za i tyyei ba̱nyet ba ditsatsak nu ti.
Ba̱pfong Ka̱za a̱ ku ryi.
Ba̱nyet a̱ yya wa'azi nu sa̱rei ka̱sa ka.
Ba̱nyet ba̱gingang i ka̱sa ka a̱ ku san.
Ka̱za a̱ ku sook a̱ nat i Tazwa, a̱ si ku sak a a̱gba̱dang dityok nka nu.
Currently Selected:
1 Timoti 3: kaj
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
1 Timoti 3
3
Ba̱nekwo ba̱nyet tssup
1Ba̱ryat bani a̱ yet ka̱ryong: A̱yin nu a̱ cat yet a̱kwak-ka̱son ba̱nyet tssup ni a̱ cat a̱tsatsak kyang. 2Ma a̱yin nu a̱ yet a̱kwak-ka̱son ba̱nyet tssup u ni, dolet na̱ yet a̱yin nu a̱ byyi hywak ni ba, a̱ byyi a̱mbyring a̱yring, a̱ntyok hakuri, a̱ yya kyang a̱ swrap ka̱bvwa nkpa ba, a̱ byyi a̱tsatsak hali, a̱ bo gwai ba̱necen, a̱ bo yet a̱ntyok zzek ba̱yanyet; 3a̱ ni rot ka̱nu nu i sswa nkwwa ba, di na̱ ni ra̱u diryen ba. A̱ ya byyi bu ba̱nyet ba̱gingang, di na̱ ni ra̱u cat krum ba, 4a̱ bo bvwo breng ka̱ryi nu ka, a̱yin nu na̱won nu na ku pfong ni. 5Ki a̱yin a̱ maai cam kyang-bvak nu na ba, na̱ bu cong ni a̱n bvwo breng ba̱nyet ba a̱ yet ba̱nying Ka̱za ba ni? 6A̱ ni yet a̱tuba nu a̱ si nwa tssup ani ba, ho a̱ bu nwa dingwak ti si ku ba di dikpak bu shirya da̱ a̱gwam a̱ka̱tuk ntswa na̱ yin yya ni. 7A̱ ni yet a̱yin nu ba̱nyet witssup ba tyong ni brak, ho a̱ bu za kwwat nsum a̱ nwa an grung a̱gwam a̱ka̱tuk tswa.
Ba̱nyet brang ba i bat ka̱za
8A̱mi brak ba̱nyet ba a̱ yet ba̱pfong ka̱yat coc kani a̱ ma̱ ni byyi a̱tsatsak hali, ba ni yet ba̱nyet na̱nu na̱hwa ba. Ba ni krok na̱nu mba i sswa nkwwa ba, di ba ni ra̱u cat krum ba. 9Dolet ba san ba̱ryat Ka̱za ba a̱n yya ka̱ryong bu a̱zizrak a̱huhwa. 10Dolet se ba yen ba̱ myyek a̱ ryi ki ba maai yya pfong a, ba si wa bvwa a̱n ba̱ tyyi yya na. 11A̱mi ba̱nyring ba meyang a̱ nin byyi kap, ba ba̱nyet ba̱shwwang ba, ma ba̱nyet hakuri, bu ba̱nyet kok ka̱ryong ka̱yat kozan taka̱i kyang. 12A̱yin nu a̱ yet a̱pfong coc ni, dolet na̱ byyi ba̱ a̱mbyring a̱yring a̱ bo maai breng kyang-bvak nu na sa̱rei. 13Ba̱nyet ba a̱ bvwo pfong mba na ni a̱ ni shya a̱gba̱dang dyep, di ba̱nyet ba a̱ si bo maai tyyei ba̱nyet ba̱ryat Yesu ba ni.
Kyang a tssup njit a ku yet i
14N kwan ba da̱ nwan ba̱nyying, ma n yen na̱ jem nkyang ani. 15Rot ki n ba ahwa ba, a byin bvwo ka̱sak ka ba̱nyet tssup ba ba nin swat i. Mba a̱ yet ba̱nyet tssup Ka̱za ka a̱ byyi sso ni. Mba a̱ yet dityin bu ba̱ram ka̱ryong ka zi breng ni. 16Ku seyak zzim: ka̱ryong njit ka a̱ yin shyi nrang ni a̱ yet a̱gba̱dang.
A̱ yin ba i rwam a̱neywu,
Tswa Ka̱za i tyyei ba̱nyet ba ditsatsak nu ti.
Ba̱pfong Ka̱za a̱ ku ryi.
Ba̱nyet a̱ yya wa'azi nu sa̱rei ka̱sa ka.
Ba̱nyet ba̱gingang i ka̱sa ka a̱ ku san.
Ka̱za a̱ ku sook a̱ nat i Tazwa, a̱ si ku sak a a̱gba̱dang dityok nka nu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.