1 Timoti 2
2
Ka̱sak ka yi nin naai Ka̱za ni
1Kyang ka̱son na n cat da̱ nwan ni nkpa yet: yi yya a̱duwa naai Ka̱za, i bu ka̱ gwai rot ba̱nyet ba̱sa̱rei. 2Naai ba̱gwam mi brak, nta̱mak sa̱rei ba̱nyet a̱tityok ba, zi gi swrang ansham bu ba̱yaan i pfong ka̱wun Ka̱za i bu cong a̱zizrak ka̱cyet. 3Ku yet ka̱sham ba̱gingang, Ka̱za a̱ntyok za san a̱ bo pfong ansham nkpa. 4Nu a̱ bo cat ba̱nyet sa̱rei a̱ shya sucet a̱ bo cat ba bvwo ka̱ryong ka. 5Rot a bvwo Ka̱za a̱ yet bu ka̱yring. A̱yanyet a̱n shyi a̱ shyei ba̱nyet ba a̱ naat i shishrek bu Ka̱za. A̱yin a̱ywu nu a̱ yet Yesu Kristi. 6Nu a̱n tyyi diccu nu a̱ ga san sa̱rei ba̱nyet ka̱sa ba a̱ wwon. A̱ yin yya a̱mi a̱tsatsak ka̱ram a̱ ga tyyei ka̱sak ka na̱n cat ba̱nyet ba a̱ shya sucet i. 7Nkpa bu yet hywak a Ka̱za ka ni n tyyi n yet a̱pfong Yesu a̱ bo n tom n si zzek kpikpit nwap a n ba̱ tyyei ka̱sak ka ba nin wrak Ka̱za ndya mba ni a̱ bo bvwo ka̱ryong ka. Sa̱rei kyang a n dyat i ka̱ryong a̱mi. Diraa nshyi ba.
8N cat ba̱ntyok ba a̱ wrak Ka̱za a̱ccu mba ni sa̱rei koke ba naai Ka̱za a̱ ka̱ neyak a̱zizrak mbvak. Ba ryok ka̱ naai a̱n byyi a̱dyying ba, ko ban byyi a̱cecet ba.
9N bo n cat ba̱nyring ba sa̱rei ba tung kap, a̱ bo cam taka̱i ba̱tro na ba tssup i, a̱ ba̱ tssup ansham. Ba ryok bat a̱ccu mba na a̱n yya cit-yet ba bu ntyei zinariya bu nkyang byyi krum ba. 10Ma ba yya a̱tsatsak da̱ni di ba̱nyring ba a̱ cong i ryen Ka̱za ni. 11Ka̱bvwa zzek, ba̱nyring a̱ swat ba̱ nyong, a̱ pfong bam bu ya-yet. 12N shim a̱ra̱mbyring a̱ zzek ba, da n shim a̱ntyok a̱ tssup a̱ra̱mbyring ba, se a̱ra̱mbyring a̱ swat ba̱ nyong. 13Rot A̱damu nu ba yin yet ka̱son a̱ rot a̱ sin sak Hawa'u. 14A̱damu brak a̱mi Ka̱ta̱nyrang ka yin daai ba, ma a̱ra̱mbyring a̱mi ba yin daai, na̱ si yya a̱ka̱tukyya. 15Ma tyei na̱won nkpa ni tyyi ba̱nyring a̱n shya sucet, ki ba ya ka̱son a̱ breng wrak ka̱ryong mba na ka̱sak ka Ka̱za kan cat i, bu cat ba̱yaan, ba̱zizrak ndya a̱ bo byyi tung kap.
Currently Selected:
1 Timoti 2: kaj
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
1 Timoti 2
2
Ka̱sak ka yi nin naai Ka̱za ni
1Kyang ka̱son na n cat da̱ nwan ni nkpa yet: yi yya a̱duwa naai Ka̱za, i bu ka̱ gwai rot ba̱nyet ba̱sa̱rei. 2Naai ba̱gwam mi brak, nta̱mak sa̱rei ba̱nyet a̱tityok ba, zi gi swrang ansham bu ba̱yaan i pfong ka̱wun Ka̱za i bu cong a̱zizrak ka̱cyet. 3Ku yet ka̱sham ba̱gingang, Ka̱za a̱ntyok za san a̱ bo pfong ansham nkpa. 4Nu a̱ bo cat ba̱nyet sa̱rei a̱ shya sucet a̱ bo cat ba bvwo ka̱ryong ka. 5Rot a bvwo Ka̱za a̱ yet bu ka̱yring. A̱yanyet a̱n shyi a̱ shyei ba̱nyet ba a̱ naat i shishrek bu Ka̱za. A̱yin a̱ywu nu a̱ yet Yesu Kristi. 6Nu a̱n tyyi diccu nu a̱ ga san sa̱rei ba̱nyet ka̱sa ba a̱ wwon. A̱ yin yya a̱mi a̱tsatsak ka̱ram a̱ ga tyyei ka̱sak ka na̱n cat ba̱nyet ba a̱ shya sucet i. 7Nkpa bu yet hywak a Ka̱za ka ni n tyyi n yet a̱pfong Yesu a̱ bo n tom n si zzek kpikpit nwap a n ba̱ tyyei ka̱sak ka ba nin wrak Ka̱za ndya mba ni a̱ bo bvwo ka̱ryong ka. Sa̱rei kyang a n dyat i ka̱ryong a̱mi. Diraa nshyi ba.
8N cat ba̱ntyok ba a̱ wrak Ka̱za a̱ccu mba ni sa̱rei koke ba naai Ka̱za a̱ ka̱ neyak a̱zizrak mbvak. Ba ryok ka̱ naai a̱n byyi a̱dyying ba, ko ban byyi a̱cecet ba.
9N bo n cat ba̱nyring ba sa̱rei ba tung kap, a̱ bo cam taka̱i ba̱tro na ba tssup i, a̱ ba̱ tssup ansham. Ba ryok bat a̱ccu mba na a̱n yya cit-yet ba bu ntyei zinariya bu nkyang byyi krum ba. 10Ma ba yya a̱tsatsak da̱ni di ba̱nyring ba a̱ cong i ryen Ka̱za ni. 11Ka̱bvwa zzek, ba̱nyring a̱ swat ba̱ nyong, a̱ pfong bam bu ya-yet. 12N shim a̱ra̱mbyring a̱ zzek ba, da n shim a̱ntyok a̱ tssup a̱ra̱mbyring ba, se a̱ra̱mbyring a̱ swat ba̱ nyong. 13Rot A̱damu nu ba yin yet ka̱son a̱ rot a̱ sin sak Hawa'u. 14A̱damu brak a̱mi Ka̱ta̱nyrang ka yin daai ba, ma a̱ra̱mbyring a̱mi ba yin daai, na̱ si yya a̱ka̱tukyya. 15Ma tyei na̱won nkpa ni tyyi ba̱nyring a̱n shya sucet, ki ba ya ka̱son a̱ breng wrak ka̱ryong mba na ka̱sak ka Ka̱za kan cat i, bu cat ba̱yaan, ba̱zizrak ndya a̱ bo byyi tung kap.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.